एजेन्सी – विश्व फुटबलको सर्वाेच्च निकाय (फिफा) ले २०२२ को विश्वकपको लागि २६ सदस्यीय टोलीलाई अनुमोदन गरेको छ ।
यससँगै यस वर्षको फिफा विश्वकप कतार २०२२ को लागि सहभागी ३२ राष्ट्रले आफ्नो अन्तिम टोलीमा २६ खेलाडी राख्न पाउनेछन् । यसअघि एक टोलीमा २३ खेलाडी राख्न पाउने प्रावधान रहेको थियो ।
यो प्रयोग यसअघि कोभिड–१९ को महामारीको बेला प्रयोग भएको थियो । जसमा ६ खेलाडी परिवतैन गर्न पाउने नियम पनि रहेको थियो । यसको अर्थ अब टोलीमा कुनै पनि खेलाडी छुट्ने छैन । इंग्ल्यान्डका प्रशिक्षक ग्यारेथ साउथगेटले गत अप्रिलमा सबै जना सबै खेलका लागि उपलब्ध हुनुपर्ने बताएका थिए । उनले टोलीमा खेलाडी थपिदा खेलमा पनि परिवर्तन गर्न सकिने बताएका छन् ।
फिफाले नोभेम्वर २१ देखि सुरु हुने विश्वकपको लागि कोभिड –१९ र असामान्य समयका कारण विश्वकपको लागि टोलीमा संख्या बढाइएको जनाएको छ ।
विश्वकपमा सहभागी सबै ३२ राष्ट्रले आगमी अक्टोवर २० सम्ममा आफ्नो अन्तिम नामावली दिनुपर्नेछ । एक टोलीमा खेलाडीसहित ३५ देखि ५५ सदस्यीय पदाधिकारी हुनेछन् । जसमा २५ खेलाडीसँगै एक जना डक्टर हुनुपर्नेछ । उनले बेन्चमा बस्न पाउनेछैन । डगआउटमा ११ नियमित खेलाडी, १५ वैकल्पिक खेलाडी र एक फिजियो हुनेछ । प्रशिक्षण टोली पनि डगआउटमै रहनेछ ।
कतारमा हुने विश्वकप नोभेम्वर २१ बाट शुरु भएको १८ डिसेम्वरमा सकिनेछ । समूह ‘ए’ को सेनगेल र नेदरल्यान्ड्सबीचको खेलबाट विश्वकपको उद्घाटन हुनेछ ।
