एजेन्सी – भिनिसियस जुनियर विश्व फुटबलको सबैभन्दा मूल्यवान ब्राजिलियन फुटबलर हुन् । स्पेनिस क्लब रियल म्याड्रिडबाट यो सिजन ला लिगा र च्याम्पियन्स लिग जितेका भिनिको आफ्नो देश ब्राजिलमा पनि उत्तिकै प्रभाव छ ।

यो तथ्य विश्वकप वर्षको दौडान अझ सान्दर्भिक छ । ब्राजिलको राष्ट्रिय टोलीका प्रशिक्षक टिटेले उनलाई उच्च सम्मानका साथ राख्छन् र सकेसम्म देखाउनेछन् ।

‘जब हामी प्रशिक्षणमा थियौं, मैले भिनिलाई ‘तिमी सन् २०१४ को नेयमार हौ’ भने, किनभने बार्सिलोनाका नेयमार र राष्ट्रिय टोली त्यतिबेला नेयमारको समय थियो । तर आज भिनि केन्द्रमा छन् ।’ टिटेले भने ।

टिटेले भिनिले रियल म्याड्रिडमा जस्तै ब्राजिलका लागि पनि खेल्न सकुन् भनेर प्रशिक्षक कार्लो एन्सेलोटीसँग सल्लाह मागेको स्वीकारेका छन् । ‘रियल म्याड्रिडमा उनको परिपक्वता दुई वर्ष लाग्यो, तर राष्ट्रिय टोलीमा यो धेरै छिटो छ ।’ प्रशिक्षकले भने, ‘यो अधिक स्वाभाविक छ, मानौं उसले आफ्नो काँधबाट केही वजन हटायो ।

यस्तै टिटेले एन्सेलोटीसँग भिनिबारे म्याड्रिडमा भएको रणनीतिक कार्यबोर सल्लाह माँगेको बताए । अब भिनिलाई एक पछि अर्काे रचनात्मक स्वतन्त्रता दिइनेछ । यो दुई प्रशिक्षकहरुबाट राम्रो र पारदर्शी कुराबाट नै भिनि आफ्नो अझै उत्कृष्ट प्रदर्शन गर्न चाहन्छन् ।

२१ वर्षीय भिनिले गत सिजन रियलमा आफ्नो करिअरकै उच्च प्रदर्शन गरेका थिए । रियलमा भिनिको फ्रान्सेली फरवार्ड करिम बेन्जेमासँग जोडी जमेको थियो । भिनिले यो सिजन रियलका लागि ५२ खेलमा २२ गोल गरेका छन् ।

ब्राजिलको उमेर समूह यू–१५, यू–१७ र यू–२० हुँदै भिनि सन् २०१९ देखि सिनियर टोलीमा रहेका छन् । उनले ब्राजिलका लागि १४ खेलमा एक गोल गरेका छन् । नेयमारले ब्राजिलका लागि ११९ खेलमा ७४ गोल गरेका छन् ।