एजेन्सी – इंग्लिस क्लब म्यानचेस्टर युनाइटेडले डच क्लब फेयनुर्डबाट फुलब्याक टायरेल मलासियालाई चार वर्षको लागि अनुबन्धित गरेको छ ।

इुनाइटेडले अर्को वर्षको विकल्पसहित मलासियालाई १५ मिलियन युरोमा सन् २०२६ सम्मको लागि क्लबमा अनुबन्ध गरेको हो ।
फेयनुर्डका लागि १३६ खेल खेलेका नेदरल्याण्ड्सका २२ वर्षीय मलासिया एरिक टेन ह्याग आयाक्सबाट युनाइटेडको प्रशिक्षक बनेपछि पहिलो अनुबन्ध हो ।

‘यहाँ सामेल हुनु एक अविश्वसनीय अनुभूति हो ।’ मलासियाले भने, ‘यो मेरो लागि नयाँ अध्याय हो, नयाँ टोलीका साथीहरूसँगको नयाँ लिग र हामीलाई नेतृत्व गर्ने उत्कृष्ट व्यवस्थापक छन् ।’

‘मलाई डच लिगमा उनको टोलीविरुद्ध खेल्दा उनीसँग भएका गुणहरू र उनी आफ्ना खेलाडीहरूबाट के माग्छन् सबै थाहा छ ।’ मलासियाले थपे, ‘जब मलाई थाहा छ कि म अझै जवान छु र विकास गर्न जारी राख्नेछु, म युनाइटेड प्रशंसकहरूलाई वाचा गर्न सक्छु कि म युनाइटेडको रातो जर्सीमा सबै कुरा मैदानमा छोड्नेछु ।’

लेफ्ट ब्याक मलासियायुनाइटेड प्रवेश गर्नुअघि फ्रान्सेली क्लब लियोनसँग वार्तामा थिए । युनाइटेडले उनलाई सोमबार सार्वजनिक गर्ने बताएपनि केही कागजी प्रक्रियाका कारण ढिला भएको थियो । उनी अब युनाइटेड टोलीको हिस्सा हुनेछन् । युनाइटेड शुक्रवार थाइल्याण्ड र अष्ट्रेलियाको प्रि–सिजन यात्राको लागि प्रस्थान गर्नेछ।

युनाइटेडका फुटबल निर्देशक जोन मुर्टोफले टायरेल एक रोमाञ्चक, गतिशील युवा फुटबलर रहेको बताए । ‘उमेरसँगै उनीसँग उत्कृष्ट अनुभव छ, डच लिगमा पाँच सिजनमा उनको प्रदशएन उत्कृष्ट छ ।’ जोन मुर्टोफले भने, ‘हामी आगामी वर्षहरूमा एरिक टेन ह्याग र उनको कोचिङ टोलीको निर्देशनमा विकास गर्न जारी रहेको हेर्नको लागि उत्सुक छौं ।’