एजेन्सी – यसै समरमा क्लबमा भित्रिएका ब्राजिली फरवार्ड गाब्रियल जेसस चम्कदा इंग्लिस क्लब आर्सनलले प्रि–सिजनको अभ्यास खेलमा सानदार पूनरागमन जित निकालेको छ ।

२–० ले पछि परेको स्थिति उल्ट्याएर आर्सनलले जर्मनीको दोस्रो डिभिजनको नर्नवर्गमाथि ५–३ को सानदार पूनरागमन जित निकालेको हो ।

नर्नवर्गमा शुक्रबार राति भएको खेलमा आर्सनलको जितमा परिवर्तित खेलाडी जेससले दुई तथा मोहम्मद इलानेले एक गोल गर्दा दुई गोल उपहार पाएको थियो । घरेलु टोली नर्नवर्गका जोहाननेस जेइस, क्वाडो डुआ र लुकास साइमरले गोल फर्काए ।

खेलको २४औं मिनेटमा जोहाननेस जेइसको गोलबाट आर्सनल खेलमा पछि परेको थियो । २९औं मिनेटमा क्वाडो डुआले गोल गरेपछि आर्सनल पहिलो हाफमा २–० ले पछि प¥यो ।

पहिलो हाफमा पछि परेको आर्सनलले दोस्रो हाफको शुरुमै जेसससँगै गाब्रियल मार्टिनेली र मोहम्मद इलाने र गाब्रियललाई मैदान प्रवेश गराएपछि आर्सनलले उत्कृष्ट प्रदर्शन गर्दै पूनरागमन जित निकाल्न सफल भयो ।

जेससले मैदान प्रवेश गरेको दोस्रो मिनेटमै गोल गर्दै आर्सनललाई खेलमा फर्कने संकेत दिए । ५४औं मिनेटमा मोहम्मद इलानेले गोल गर्दै खेललाई २–२ गोलको बराबरीमा ल्याए । ५८औं मिनेटमा क्रिस्टोफर सिन्डलरले आत्मघाती गोल गरेपछि आर्सनलले खेलमा ३–२ को अग्रता लिन सफल भयो ।

६३औं मिनेटमा नर्नवर्गका टिम हान्डवेर्करले आत्मघाती गोल गरेपछि आसर्ननल सानदार पूनरागमन जितर्फ अघि बढ्यो । ७३औं मिनेटमा लुकास साइमरले गोल गर्दै खेललाई ४–३ को स्थितिमा ल्याए । ७५औं मिनेटमा जेससले व्यक्तिगत दोस्रो तथा टोलीका लागि पाँचौ गोल गर्दै आर्सनललाई सानदार पूनरागमन जित दिलाए ।

जेसस यसै समरमा अर्काे प्रिमियर लिग क्लब म्यानचेस्टर सिटीबाट आर्सनल पुगेका हुन् । उनले आर्सनलमा आफ्नो पहिलो खेलमै सानदार प्रदर्शनसहित दुई गोल गर्दै सुखद् सुरुवात गरेका छन् ।