2 years ago
July 14, 2022
काठमाडौं (हाम्रो खेलकुद)– अखिल नेपाल फुटबल संघ (एन्फा) को वरिष्ठ उपाध्यक्ष रहँदा पंकजविक्रम नेम्बाङले कार्यसमिति बैठकमा लागि पटक पटक एजेन्डा थप्न माग राख्ने गरेका थिए । अहिले नेम्बाङ अध्यक्ष रहँदा उनले देखाएको बाटोमा उपाध्यक्षहरु हिडेका छन् ।
साउन २ गतेका लागि बोलाएको केन्द्रिय समितिको बैठकमा ५ वटा एजेण्डा थप गर्न उपाध्यक्ष दीर्घबहादुर (कुमार) केसीले महासचिव किरण राईलाई बिहीबार पत्र बुझाएका छन् । एन्फाले तय गरेको १२ वटा एजेन्डामा समावेश नभएका र अतिआवश्यक विषयलाई आफूले एजेन्डाका रुपमा थप गर्न माग गरेको उपाध्यक्ष केसीले बताएका छन् ।
केसीले विशेष साधारण सभा, महिला लिगको दोस्रो चरण आयोजना, राष्ट्रिय लिग आयोजना, सहिद स्मारक ए, बी, सी डिभिजनको मिति निर्धारण र ललित स्मृति यू १८ प्रतियोगिता आयोजनाको एजेण्डा थप गर्न माग अनुरोध गरेका छन् ।
‘एन्फाको बजेट पास नभएसम्म कुनै कार्यक्रम अघि बढाउन सकिन्न । त्यति महत्वपूर्ण विषयलाई एजेण्डामा समेटिएको छैन,’ केसीले भने,‘ त्योसँगै अति महत्वपूर्ण विषयलाई एजेण्डामा समावेश गर्न महासचिवका नाममा एन्फामा पत्र दता गराएको छु ।’
महिला लिगको पहिलो चरण समाप्त भइसकेको छ भने दोस्रो चरणमो मिति तय भएको छैन । प्रदेशबाट छनोट भएका क्लबहरु सम्मिलित राष्ट्रिय लिगका विषयमा पनि एजेन्डामा नरहेकाले आफूले समावेश गरेको केसीले बताएका छन् । त्यस्तै फुटबल विकासमा ‘ए’,’बी’, ‘सी’ लिग र युवा खेलाडीको प्रतिभा प्रदर्शनका लागि ललित स्मृति महत्वपूर्ण रहने भएकोले त्यसको मिति पनि तय गर्नुपर्ने माग आफ्नो रहेको केसीले जनाएका छन् ।
एजेण्डा थपका विषयमा शुक्रबार निर्णय हुने महासचिव राईले जानकारी दिए । ‘उपाध्यक्ष केसीको पत्र पात्र भएको छ । यसअघि अर्का उपाध्यक्ष दीपक खतिवडाले एन्फा प्रवक्ता र प्रमुख कार्यकारी अधिकृत (सिइओ) नियुक्तका लागि प्रस्ताव गर्नुभएको छ,’ उनले भने,‘ एजेन्डा प्रस्तावका लागि भोली सम्मको समय तोकिएको छ । त्यसपछि अध्यक्ष ज्यूसँगको सल्लाहमा एजेण्डाका बारेमा निर्णय हुनेछ ।’
एन्फाले कार्यसमिति बैठकका लागि भने महिला साफ च्याम्पियनसिपको आयोजना तथा टिम तयारीसहित १२ वटा एजेन्डा तय गरेको छ । जसमा पदपूर्ती समिति गठन, एनएसएल, सि डिभिजन छनोट, दैनिक फुटबल प्रशिक्षण सञ्चालन, यू २० र यू १७ टिम सहभागिता सम्बन्धमा एजेन्डा तय भएको छ ।
त्यस्तै विभिन्न पदाधिकारी नियुक्ती, आर्थिक सहयोग मापदण्ड निर्माण, राष्ट्रिय महिला÷पुरुष सिनियर, युथ टिमलाई बुट ग्लोब्सका लागि रकम तोक्ने, डलर खाता खोल्ने, बस र फरर्चुनर गाडी तथा विविध एजेन्डामा छलफल गर्ने भन्दै एन्फाले कार्यसमिति पदाधिकारी र सदस्यहरुलाई असार २४ गते पत्राचार गरेको थियो ।
October 23, 2024
काठमाडौं (हाम्रा खेलकुद)– त्रिभुवन आर्मी फुटबल क्लब र ठमेल टेरिजम डेभलपमेन्ट काउन्सिल दोस्रो भेट्रान्स फुटबल प्रतियोगिताको क्वार्टरफाइनलमा पुगेका छन् । फुटबलर्स मिसन टुगेदरको आयोजनामा जारी प्रतियोगिताको समूह चरणको अन्तिम दिन बुधवार जित निकाल्दै आर्मी र ठमेल टुरिजम अन्तिम ८ मा पुगेका हुन् । थिमीस्थित मध्यपुर युथ एसोसियसनको मैदानमा भएको खेलमा आर्मीले सानोगौचरण नाइटकिङ (एसएनकेसी) लाई […]
October 23, 2024
काठमाडौं (हाम्रो खेलकुद) – साविक विजेता बंगलादेश साफ महिला च्याम्पियनसिप २०२४ मा भारतलाई हराउँदै समूह ‘ए’ को शीर्षस्थानमा रहेर सेमिफाइनल प्रवेश गरेको छ । दशरथ रंगशालामा सम्पन्न समूह ए को खेलमा बंगलादेश भारतलाई ३-१ ले हराउँदै प्रतियोगिताको पहिलो जित दर्ता गर्न सफल रह्यो । यस जितसँगै बंगलादेश २ खेलमा ४ अंकका साथ समूह विजेता पनि […]
October 23, 2024
काठमाडौं(हाम्रो खेलकुद) – नेपाल फुटबल टोलीले थ्री नेसन्स मैत्रीपूर्ण फुटबल खेल्ने तय भएको छ। ताजिकिस्तानमा हुने थ्री नेसन्समा नेपाल र अफगानिस्तान को सहभागिता रहनेछ अखिल नेपाल फुटबल संघ (एन्फा) ले जनाएको छ। नेपालले पहिलो खेल कात्तिक २८ गते ताजिकिस्तान र मंसिर १ गते अफगानिस्तानसँग खेल्नेछ। मैत्रीपूर्ण फुटबलका लागि नेपाली टोलीको बन्द प्रशिक्षणका लागि ३६ खेलाडी बोलाइएका […]
