default_image

3 years ago

July 24, 2022

एल क्लासिको : अभावमा पनि मेस्सीको प्रभाव

353 views

0 Bookmark

एजेन्सी– अमेरिकाको लस भेगासमा भएको एल क्लासिकोमा लिओनल मेस्सी समावेश थिएनन् । तर रियल म्याड्रिडविरुद्ध खेलमा दर्शकदिर्घामा मेस्सीले लगाउने गरेको १० नम्बर जर्सी र बार्सिलोनाका अध्यक्ष जोआन लापोर्टाको अभिव्यक्तिका कारण उनको उपस्थिति भएजस्तै वातावरण सिर्जना भयो ।

रियल म्याड्रिड र इटालियन क्लब युभेन्ट्ससँग सुपर लिगका विषयमा छलफल गरेका बार्सिलोनका अध्यक्ष लार्पोटाले भने,‘ मलाई लाग्दैन बार्सिलोनामा मेस्सीको अध्याय अन्त्य भएको छ । यसलाई खुला राख्नु हाम्रो जिम्मेवारी पनि हो । अहिले नै बार्सिलोना र मेस्सीको सबथोक सकिएको छैन ।’

गत वर्ष बार्सिलोनाले मेस्सीलाई फुकुवा गरेपनि उनी फर्कनेमा क्लब आशावादी रहँदै आएको छ । उनको खेल जीवनको अन्त्य आफ्नै क्लबबाट होस् भन्ने बार्सिलोनाले चाहेको विश्वास गरिन्छ । लापोर्टा आफैंले पनि मेस्सीको बहिर्गमनबाट असहज महसुस गरेको बताए ।

‘मलाई लाग्छ हामीले उनलाई केही दिन बाँकी छ । नैतिकताले बार्सिलोनाको अध्यक्षको हकमा पनि हामीले आएपछि जे गर्नुपर्ने त्यो गरेका छौं । अब म व्यक्तिगत र क्लब अध्यक्षको हकले उनलाई केही दिन बाँकी रहेको बुझाइ राख्छु,’ उनले भने ।

प्रि सिजनको मैत्रीपूर्ण एल क्लासिकोमा बार्सिलोनाले रियललाई १–० ले हरायो । च्याम्पियन्स लिग र ला लिगाको समेत विजेता रहेको रियलविरुद्ध राफिन्हाले पहिलो हाफमा गरेको गोल नै निर्णायक बनेको थियो । तर हजारौंको संख्यामा समर्थकले मेस्सीको १० नम्बर अंकित बार्सिलोना जर्सी पहिरिएका थिए । अध्यक्ष लापोर्टाको अभिव्यक्तिले झनै अभावमा पनि मेस्सीले प्रभाव छोडेको प्रष्ट पार्छ ।

पिएसजी मेस्सीको सम्झौता थप्न चाहन्छ

बार्सिलोनाले मेस्सी फर्कने आशा गरिरहँदा पेरिस सेन्ट जर्मेन (पिएसजी) भने उनीसँगको सम्झौतालाई थप लम्ब्याउन चाहिररहेको छ । मेस्सीले क्लब छाड्दा उनलाई मात्र होइन क्लबलाई पनि निकै असहज भएको थियो । त्यसैले पनि बार्सिलोना अर्को अध्याय थप्न चाहन्छ ।

एक वर्षअघि मेस्सीले क्याम्प नोउ छाडेपनि क्लब र समर्थकले उनको अभाव महसुस गरिरहेका छन् । अर्कोतर्फ पिएसजीले भने एक वर्ष सम्झौता बाँकी रहेको अवस्थामा उनको बसाई लम्ब्याउन चाहिररहेको छ ।

November 7, 2025

झापा महिला गोल्डकप- ४ खेलमा ११ लाख बढीको टिकट विक्री

दिपक बोहोरा, झापा नेपालमा पछिल्लो समयमा महिला फुटबल लोकप्रिय छ। राष्ट्रिय खेलाडीसहितको प्रतिस्पर्धा खेल हर्ने दर्शकको बाक्लो उपस्थिति रहने गरेको छ। अहिले झापाको शिवसताक्षीस्थित दुधे रंगशालामा जारी एलभिडी झापा महिला गोल्डकप फुटबल प्रतियोगितामा पनि दर्शकको उपस्थिति उल्लेख्य रहँदै आएको छ। क्वार्टरफाइनल ४ खेल सकिँदा टिकट बिक्रीबाट ११ लाख ४४ हजार रुपैयाँ बराबरको आम्दानी भएको आयोजकले […]

November 7, 2025

झापा महिला गोल्डकप – विभागीय टोलीकै दबदबा

दिपक बोहोरा/झापा घरेलु महिला फुटबलमा विभागीय टोली टोली दबदबा रहँदै आएको छ। चाहे त्यो लिग होस वा नकआउट। अधिकांश नकआउटको सेमिफाइनलमा पुग्ने ४ मध्ये ३ टोली विभागीय नै हुन्छन् । फाइनल त विभागीय टोलीबीच नै हुने निश्चित प्रायः नै हुन्छ। गत वर्ष लिग सहित सबै नकआउटको उपाधि एपिएफ फुटबल क्लबले जितेको थियो। फाइनलमा पुग्ने अर्को […]

November 6, 2025

चितवनमा फिफा फुटबल फर स्कुल कार्यक्रम सुरु

सुशील पन्त क्षेत्री, चितवन चितवनमा फिफा फुटबल फर स्कुल कार्यक्रम सुरु भएको छ । आज भरतपुर महानगरपालिका ७ स्थित कृष्णपुरको मैदान एक कार्यक्रमकाबीच औपचारिक रुपमा शुभारम्भ गरिएको हो । अखिल नेपाल फुटबल संघ(एन्फा)को सहयोग र चितवन जिल्ला फुटबल संघको आयोजनामा सुरु भएको फिफा फुटबल फर स्कुल कार्यक्रम शुभरम्भमा ४६ विद्यालयबाट १ हजार भन्दा बढी विद्यार्थी […]

Success

Thank you for your time.