default_image

2 years ago

July 30, 2022

लिभरपुल र म्यानचेस्टर सिटी कम्युनिटी सिल्डको लागि भिड्दै

एजेन्सी – इंग्लिस फुटबलको शीर्ष डिभिजनको औपचारिक सुरुवातको रुपमा लिइने कम्युनिटी सिल्डका लागि आज लिभरपुल र म्यानचेस्टर सिटी भिड्दैछन् । लन्डनको वेम्बलीबाट किंग पावर स्टेडियममा सारिएको खेल नेपाली समयअनुसार रातको ९:४५ बजे सुरु हुनेछ । गत सिजन उपाधि होडमा सिटीले लिभरपुललाई १ अंकले पछि पारेको थियो । त्यसयता दुवै टोलीले ट्रान्सफर विन्डोमा महत्त्वपूर्ण खेलाडी भित्र्याएका […]

129 views

0 Bookmark

एजेन्सी – इंग्लिस फुटबलको शीर्ष डिभिजनको औपचारिक सुरुवातको रुपमा लिइने कम्युनिटी सिल्डका लागि आज लिभरपुल र म्यानचेस्टर सिटी भिड्दैछन् । लन्डनको वेम्बलीबाट किंग पावर स्टेडियममा सारिएको खेल नेपाली समयअनुसार रातको ९:४५ बजे सुरु हुनेछ ।

गत सिजन उपाधि होडमा सिटीले लिभरपुललाई १ अंकले पछि पारेको थियो । त्यसयता दुवै टोलीले ट्रान्सफर विन्डोमा महत्त्वपूर्ण खेलाडी भित्र्याएका छन् । दुवै क्लबबाट नाम चलेका खेलाडी बाहिरिएका पनि छन् । सिजनको सुखद सुरुवात गर्न तल्लिन दुवै क्लबले उपाधि जित्न आफ्नो मुख्य टोली उतार्ने संकेत दिएका छन् ।

गत सिजन लिगमा दुवै टोलीले मनग्य गोल गरेका थिए । लिगको ३८ खेलमा सिटीले ९९ गोल गर्दा लिभरपुलले ९४ गोल गर्यो । यसका बाबजुद दुवै टोलीले ट्रान्सफर विन्डोमा मोटो रकम खर्चेर फरवार्ड भित्र्याएका छन् । सिटीले ५१ मिलियन पाउण्ड खर्चेर एर्लिङ हालान्ड अनुबन्ध गर्यो । यता लिभरपुलले क्लब कीर्तिमान ८५ मिलियन पाउण्डमा उरुग्वेका डार्विन न्युनेज भित्र्याएको छ ।

सिटीले इंग्ल्यान्ड राष्ट्रिय टोलीका मिडफिल्डर काल्भिन फिलिप्स अनुबन्ध गर्न लिड्सलाई ४५ मिलियन पाउण्ड तिर्यो । क्लबले अर्जेन्टिनाका युवा फरवार्ड जुलियन अल्भारेजको पनि साथ पाउनेछ । उनी जनवरीमा अनुबन्धित भएपनि लोनमा रिभर प्लेट बसेका थिए । क्लबले रहिम स्टर्लिङ, ग्याब्रिएल जेसस र ओलेक्जेन्डर जिन्चेन्कोलाई बेचेको छ ।

लिभरपुलले यसै सिजन बढुवा भएको फुल्हमका पोर्चुगिज विंगर फाबियो कार्भाल्हो भित्र्याएको छ । स्कटल्यान्डका काल्भिन राम्सी पनि टोलीमा छन् । तर विंगर साडियो माने बायर्न प्रस्थान गर्दा क्लबलाई केही धक्का महसुस हुने देखिन्छ । विकल्पमा रहँदै आएका डिभोक ओरिगी र ताकुमी मिनामिनोले पनि क्लब छाडेका छन् ।

प्रि सिजनमा लिभरपुलले मिश्रित नतिजा निकाल्दा सिटी दुवै खेलमा विजयी भयो । लिभरपुलले पहिलो खेलमा युनाइटेडसँग ४-० को हार बेहोरेपनि त्यसपछि क्रिस्टल प्यालेस र आरबी लाइप्जिगलाई पराजित गर्यो । लाइप्जिगविरुद्ध न्युनेज एक्लैले ४ गोल गरेका थिए । लिभरपुल पछिल्लो खेलमा भने आरबी साल्जबर्गसँग १-० ले पराजित भयो ।

अमेरिका भ्रमणमा रहेको सिटीले क्लब अमेरिकालाई २-१ ले पराजित गर्दा केभिन डे ब्रुएनले दुवै गोल गरे । अर्को खेलमा हालान्डको गोलमा सिटीले बायर्नमाथि १-० को जित दर्ता गर्यो ।

April 23, 2024

महिला लिग छनोटमा लुम्बिनीको पहिलो जित

सुर्खेत (हाम्रो खेलकुद) – लुम्बिनी प्रदेशले महिला लिग छनोटमा पहिलो जित हासिल गरेको छ । उत्कृष्ट पूनरागमन गर्दै लुम्बिनीले मंगलबार बागमती प्रदेशलाई ३–१ को नतिजामा माथ दिएको हो । सर्खेतस्थित कर्णाली प्रदेश रंगशालामा भएको खेलमा पहिलो अग्रता बागमतीले बनायो। २४औं मिनेटमा सुमित्रा तामाङको गोलमा बागमती अगाडि लागेको थियो । तर यो अग्रता खेलको ४०औं मिनेटमा […]

April 23, 2024

आदर्श च्यालेन्ज कप – आदर्श र ध्रुवताराबीच उद्घाटन खेल हुने

हिमाल खरेल, मेचीनगरझापाको बुद्धशान्तिमा शनिबार सुरु हुने तेस्रो आदर्श च्यालेन्ज कप फुटबल प्रतियोगिताको खेल तालिका सार्वजनिक भएको छ । खेल मैदान बुद्ध आदर्श माविको सभाहलमा आज भएको पत्रकार सम्मेलनमा खेल तालिका सार्वजनिक भएको हो । खेल तालिकाअनुसार उद्घाटन खेलमा आयोजक आदर्श युवा क्लबले दमकको ध्रुवतारा स्पोर्टिङ क्लबको सामना गर्नेछ । त्यस्तै, दोस्रो खेल आइतबार बिर्तामोड […]

April 23, 2024

बेलिङहमले जिते ब्रेकथ्रु अवार्ड

एजेन्सी – इङ्ल्यान्ड तथा स्पेनिस क्लब रियल म्याड्रिडका युवा मिडफिल्डर जुड बेलिङहमले अवार्ड जितेका छन् । बेलिङहमले सन् २०२४ को लौरेस वल्ड स्पोर्ट्स ब्रेकथ्रु अफ द इयर अवार्ड जितेका हुन् । गत समरमा जर्मन क्लब बोरुसिया डर्टमुन्डबाट ८९ मिलियन पाउण्डमा रियल आएका २० वर्षीय बेलिङहम क्लबका लागि महत्वपूर्ण खेलाडी बनेका छन् । उनले आइतबार एल […]

Success

Thank you for your time.