1 year ago
August 8, 2022
बिर्तामोड (हाम्रो खेलकुद) – अखिल नेपाल फुटबल संघ (एन्फा) का नवनिर्वाचित अध्यक्ष पंकजविक्रम नेम्वाङलाई गृहनगरमा झापाका विभिन्न संघसंस्थाले सम्मान गरेका छन् । नेम्वाङको गृहनगर धुलाबारीमा झापा जिल्ला फुटबल संघद्वारा आज आयोजित कार्यक्रमका बीच उनलाई सम्मान गरिएको हो । असार ६ गते भएको एन्फा निर्वाचनबाट उनी अध्यक्ष निर्वाचित भएका थिए । मोफसलबाट एन्फा अध्यक्षमा निर्वाचित हुने […]
बिर्तामोड (हाम्रो खेलकुद) – अखिल नेपाल फुटबल संघ (एन्फा) का नवनिर्वाचित अध्यक्ष पंकजविक्रम नेम्वाङलाई गृहनगरमा झापाका विभिन्न संघसंस्थाले सम्मान गरेका छन् ।
नेम्वाङको गृहनगर धुलाबारीमा झापा जिल्ला फुटबल संघद्वारा आज आयोजित कार्यक्रमका बीच उनलाई सम्मान गरिएको हो । असार ६ गते भएको एन्फा निर्वाचनबाट उनी अध्यक्ष निर्वाचित भएका थिए । मोफसलबाट एन्फा अध्यक्षमा निर्वाचित हुने नेम्वाङ पहिलो व्यक्ति हुन् ।
कार्यक्रममा नेम्वाङले फुटबल गतिविधि सुरु गरेको स्थानीय रोलिङ क्लब, दमकको ध्रुवतारा स्पोर्टिङ क्लब, सतासीधाम स्पोर्टिङ क्लब, काँकरभिट्टा फुटबल टे«निङ सेन्टर, बिर्तामोड भेट्रान्स फुटबल क्लबले सम्मानपत्र प्रदान गरेका थिए । त्यस्तै, मोफसलको चर्चित झापा गोल्ड कप, झापा टुडे डटकम, मुनाल क्लब, झापा जिल्ला फुटबल रेफ्री संघ, प्रशिक्षक संघलगायतले नेम्वाङलाई सम्मान गरेका थिए ।
झापा जिल्ला फुटबल संघका अध्यक्ष भगिरथ आलेको अध्यक्षतामा भएको स्वागत तथा सम्मान कार्यक्रममा एन्फा अध्यक्ष नेम्वाङले झापाली फुटबल अभियन्ताहरुलाई एकजुट भएर अघि बढ्न आग्रह गरे । ’तपाईंहरुबीच एकता भएको खण्डमा नेपाली फुटबलले नै ठुलो फड्को मार्नेछ’, नेम्वाङले भने, ’फुटबलको उर्वर भूमि हो झापा, त्यस्तै तपाईंहरु मिलेर काम गर्नुपर्छ ।’
कार्यक्रममा संघका पूर्वअध्यक्षद्वय जलकुमार गुरुङ र महेन्द्र सुब्बा, झापा गोल्ड कपका महासचिव गजेन्द्रबहादुर पौडेल, क्लबहरुको तर्फबाट फुर्वा तामाङले शुभकामना मन्तव्य राखेका थिए ।
कार्यक्रममा नेपाल खेलकुद पत्रकार मञ्च झापाका अध्यक्ष हिमाल खरेल, नेपाल पत्रकार महासंघ झापाका उपाध्यक्ष केशव भट्टराई, बिर्तामोड भेट्रान्स फुटबल क्लबका अध्यक्ष किरण थापालगायतले नेम्वाङलाई बधाई दिएका थिए ।
December 5, 2023
दिपक बोहरा, पाँचथरताप्लेजुङको कर्ण सिंह सोनाम स्मृति क्लब पाँचथरमा जारी प्रथम किराँत गोल्डकपमा सेमिफाइनल प्रवेश गरेको छ । ए डिभिजन क्लब हिमालयन शेर्पालाई मंगलबार ४–३ ले हराउँदै कर्ण सिंह सोनाम अन्तिम चारमा पुगेको हो । कर्ण सिंहका लागि प्रविण जवेगुले २ तथा मन्जित येङ्देन र दिपेश लिम्बुले समान १ गोल गरे । हिमालयनका लागि ओस्कार, […]
December 5, 2023
काठमाडौं (हाम्रो खेलकुद) – वीरगन्ज युनाइटेड फुटबल क्लबले अपराजित ललितपुर सिटी फुटबल क्लबलाई बराबरीमा रोक्दै नेपाल सुपर लिग २ मा पहिलो अंक जोडेको छ । दशरथ रंगशालामा दुवै टोलीले अग्रता गुमाएको खेल २-२ को बराबरीमा सकिएको हो । ललितपुरले लगातार तेस्रो खेलमा बराबरीमा रोकिँदा वीरगन्जले भने तेस्रो खेलमा आएर पहिलो अंक जोड्यो । यससँगै ललितपुरले […]
December 5, 2023
काठमाडौं (हाम्रो खेलकुद) – ललितपुर सिटी फुटबल क्लबले नेपाल सुपर लिग २ अन्तर्गत वीरगन्ज युनाइटेड एफसीविरुद्ध जारी खेलको पहिलो हाफमै पुनरागमनसहित अग्रता लिएको छ । पहिलो हाफमा ललितपुर २-१ ले अघि छ । दशरथ रंगशालामा वीरगन्जले खेलमा सुरुवाती अग्रता बनाएपनि ललितपुरले लगातार दबाब कायम राख्दै अग्रता लिन सफल भयो । खेलको पहिलो मिनेटदेखि नै वीरगन्जको […]
