3 years ago
August 9, 2022
काठमाडौं (हाम्रो खेलकुद) – राष्ट्रिय फुटबल टोलीका प्रशिक्षक अब्दुल्ला अल्मुताइरीले २६ खेलाडीलाई प्रशिक्षणमा डाक्न अखिल नेपाल फुटबल संघ (एन्फा) लाई पत्राचार गरेका छन् ।
अल्मुताइरीले भदौ २५ गतेबाट प्रशिक्षण सुरु गर्ने र त्यसका लागि आवश्यक प्रबन्ध मिलाइदिन महासचिव किरण राईमार्फत एन्फासँग आग्रह गरेका छन् । अल्मुताइरीले जेठमा कुवेतमा एसियन कप छनोट खेल्दाका २० खेलाडी र थप ६ गरि २६ खेलाडी प्रशिक्षणमा बोलाइदिन आग्रह गरेको श्रोतले बतायो । एसियन कप छनोट खेल्दा टोलीमा रहेका सन्तोष तामाङ र कुवेतविरुद्ध गोल गरेको दर्शन गुरुङ अष्ट्रेलिया पुगिसकेका छन् । एसियन कप छनोटमा रहेका यू २० का कप्तान आयुष घलानलाई अल्मुताइरीले बोलाएका छैनन् ।
अष्ट्रेलियामै रहेका जगजित श्रेष्ठसहित आफैले वैशाखमा क्याम्पबाट निकालेका अन्जन विष्ट, तेज तामाङसहित दीनेश हेम्जन र मनीष मगरलाई प्रशिक्षणमा बोलाउन अल्मुताइरीले आग्रह गरेका छन् । कुवेतमा एसियन कप छनोट खेलेपछि ३ महिनाको विदामा अल्मुताइरी उतै बस्दै आएका छन् ।
अल्मुताइरीले आफ्नो प्रशिक्षण टोलीमा भने पुरानै टोलीको निरन्तरता समेत चाहेको पत्रमा प्रष्ट उल्लेख गरेको बताइएको छ । आफ्ना सहायक प्रशिक्षकमा किरण श्रेष्ठ, गोलकिपर प्रशिक्षकमा विकास मल्ल, मिडिया अफिसरमा विवेक सुवेदी र किट्स व्यवस्थापकमा विकास गुरुङलाई राख्न भनेका छन् । फिजियोमा भने उनले अजय श्रेष्ठको नाम सिफारिस गरेको बुझिएको छ ।
अल्मुताइरीले नयाँ व्यवस्थापक पनि नियुक्त गर्न उनले एन्फालाई आग्रह गरेका छन् । यसअघि मधुसुदन उपाध्याय राष्ट्रिय टोलीको व्यवस्थापक थिए । अल्मुताइरीले प्रशिक्षणका दौरानका लागि खेलाडीका लागि होटल, किट्स र अन्य आवश्यक सामाग्री व्यवस्था गर्न पनि एन्फालाई आग्रह गरेको बताइएको छ ।
अल्मुताइरीले प्रशिक्षणमा डाक्न एन्फालाई आग्रह गरेका खेलाडी
एसिया कप छनोट टोलीमा रहेका २१ खेलाडी
एरिक विष्ट, विकास खवास, विकास तामाङ, विशाल सुनार, दीप कार्की, गौतम श्रेष्ठ, जर्ज प्रिन्स कार्की, मनीष डाँगी, नवयुग श्रेष्ठ, नीरकुमार राई, पुजन उपरकोटी, राजन गुरुङ, रोशन राना मगर, सेसेहाङ आङदेम्बे, शिव गुरुङ, सुमन अर्याल, सुनिल बल, तेकेन्द्र सिंह थापा, सुरज ज्यू ठकुरी, आकाश बुढा मगर,
यसअघि राष्ट्रिय टोलीमा नभएका र प्रशिक्षणमा थपिएका ६ जना
अन्जन विष्ट, तेज तामाङ, दीनेश हेम्जन, जगजित श्रेष्ठ,मनीष मगर,प्रशान्त अवस्थी
May 17, 2025
ललितपुर (हाम्रो खेलकुद)- काठमाडौं महानगरपालिकाले लगातार दोस्रो पटक उपत्यकाव्यापी अन्तरपालिका खुला गोदावरी मेयर कप फुटबलको उपाधि जितेको छ । गोदावरी–१० टाहाखेलस्थित निर्माणाधीन गोदावरी बहुउद्देश्यीय रंगशालाको झ्यालुन्टार मैदानमा भएको फाइनलमा आयोजक गोदावरी नगरपालिकालाई सडन डेथमा काठमाडौंले उपाधि जितेको हो । निर्धारित ९० मिनेटमा गोलरहित बराबरी टाइब्रेकरमा ५-५ को बराबरीपछि सडनडेथमा काठमाडौंले बाजी मारेको थियो। काठमाडौं समग्रमा […]
May 17, 2025
एजेन्सी – चेल्सी र एस्टन भिल्ला इंग्लिस प्रिमियर लिगमा शुक्रवार विजयी भएका छन्। चेल्सीले म्यानचेस्टर युनाइटेडलाई १-० र भिल्लाले टोटेनहमलाई २-० ले हराएको हो। मार्क कुकुरेल्लाले चेल्सीलाई युइएफए च्याम्पियन्स लिग छनोटको आशा जीवित राख्न मद्दत गरे। कुकुरेल्लाले ७१औं मिनेटमा हेडरमार्फत गोल गरेका हुन् । यो जितले एन्जो मारेस्काको टोली तालिकाको चौथो स्थानमा पुग्यो । पहिलो […]
May 16, 2025
काठमाडौं (हाम्रो खेलकुद) – अखिल नेपाल फुटबल संघ (एन्फा) ले थाइल्याण्डविरुद्धको आगामी दुई मैत्रीपूर्ण खेलको लागि दोस्रो चरणमा ३१ खेलाडी छनोट गरेका छन् । मुख्य प्रशिक्षक राजेन्द्र तामाङले झन्डै दुई साताको प्रशिक्षणपछि ४८ खेलाडीबाट दोस्रो चरणमा ३१ खेलाडी छनोट गरेका हुन् । दोस्रो चरणमा १७ खेलाडीले स्थान बनाउन सकेनन् । कोपिला खड्का, सबित्रा किशन, सजनी […]