दिनेश स्मृति फुटबल यसै साता

काठमाडौं (हाम्रो खेलकुद) – नमुना स्पोर्ट्स क्लबको आयोजनामा ललितपुरको गोदावारीमा १९औं संस्करणको दिनेश स्मृति गाइजात्रा कप फुटबल प्रतियोगिता यसै साता आयोजना हुने भएको छ ।

क्लबका अध्यक्ष डम्वर बहादुर स्याङ्तानले प्रतियोगिता २७ र २८ साउनमा हुने जानकारी गराए । प्रतियोगिताको लासग सम्पुर्ण तयारी पूरा भएको आयोजकले जनाएको छ । दुई दिने प्रतियोगिता गोदावारी बसपार्कस्थित सेन्ट जेभियर फुटबल मैदानमा हुनेछ ।

प्रतियोगितामा १६ टिमको सहभागिता रहेको छ । सहभागी टोलीलाई दुई समूहमा विभाजन गरिएको छ । नकआउटका आधारमा हुने प्रतियोगिताको विजेताले ३० हजार रुपैयाँ हात पार्नेछ । दोस्रो हुनेले १५ हजार रुपैयाँ हात पार्नेछ ।

यस्तै क्वाटरफाइनलमा पुगेका ८ मध्ये फाइनल पुग्ने दुई टोलीबाहेक ६ टोलीबाट पेनाल्टी सुटआउटमार्फत विजेता छिनोफानो गरिनेछ । विजेताले १० हजार रुपैयाँ हात पार्ने आयोजकले जनाएको छ । एक दर्शकलाई ५ हजार रुपैया प्रदान गरिने आयोजकले जनाएको छ ।

प्रतियोगितालाई सिरुपाते ट्राउन फार्म एन्ड रिसोर्ट, गोदावारी नगरपालिका, सनराइज बैंक, फ्रिडम एक्सपोर्ट बाराही विल्डर्स, लिनिङ नेपाल र विद्यासागर बोर्डिङ स्कुललगायतले प्रायोजन गरेको छ ।