default_image

2 years ago

August 11, 2022

एन्फा तत्कालका लागि आन्तरिक विवाद मथ्थर गर्न सफल

117 views

0 Bookmark

काठमाडौं (हाम्रो खेलकुद)– कार्यसमिति भित्र देखिएको विवाद तत्कालका लागि समाधान गर्न अखिल नेपाल फुटबल संघ (एन्फा) सफल भएको छ । सबैभन्दा बढी विवाद भएको अन्तर्राष्ट्रिय सम्बन्ध प्रमुख नवीन पाँडेलाई बर्खास्त गरेर अध्यक्ष पंकजविक्रम नेम्बाङको सल्लाहकारमा नियुक्त गर्ने निर्णयले विवाद मथ्थर हुने देखिएको छ ।

अर्को फिफाको १० वर्षे प्रतिबन्धमा रहेका एन्फाका पूर्व अध्यक्ष गणेश थापाका छोरा गौरवलाई सहायक महासचिव नियुक्त गर्ने विषय विवादको विषय थियो । त्यसलाई घुमाउरो पारामा सम्बोधन गर्ने क्रममा एन्फाले उपाध्यक्ष विराटजंग शाहीको संयोजकत्वमा पतपूर्ति समिति गठन गरेको छ ।

सातदोबाटोस्थित एन्फा मुख्यालयमा बसेको कार्यसमितिको दोस्रो बैठकले नेपाल सुपर लिग (एनएसएल) आयोजक नेपाल स्पोर्टस् एण्ड इभेन्ट्स म्यानेजमेन्टसँगको पुरानो सम्झौता खारेज गर्ने निर्णय गरेको छ । सँगै अध्यक्ष नेम्बाङको अध्यक्षतामा एनएसएल आयोजकसँग छलफल गर्नका लागि समिति गठन गरेको छ ।

बैठकले पूर्व अध्यक्ष नेरेन्द्र श्रेष्ठलाई मानार्थ अध्यक्ष र पूर्व उपाध्यक्ष किशोर राईलाई मानार्थ उपाध्यक्ष मनोनयन गरेको छ । निर्वाचन पूर्वकै सहमति अनुसार पूर्व केन्द्रिय सदस्य सुरेश शाह एन्फाको प्रवक्ता नियुक्त भएका छन् । बैठकपछि निर्णय सार्वजनिक गर्दै एन्फा महासचिव किरण राईले राष्ट्रिय टोलीका मुख्य प्रशिक्षक अब्दुल्ला अल्मुताइरीको जवाफ पछि आवश्यक निर्णय लिइने बताएका छन् । छानविन समितिले दिएको प्रतिवेदनका आधारमा राईले अल्मुताइरीलाई पत्र पठाएका छन् । अल्मुताइरीले आफ्ना वकिलसँगको परामर्शपछि एन्फालाई जवाफ पठाउने समामाजिक सञ्जालमार्फत जानकारी दिएका छन् ।

ए डिभिजन लिग पुसमा
एन्फाले यो वर्षका लागि सहिद स्मारक ए, बी, सी डिभिजन लिगको मिति तय गरेको छ । बैठकले ए डिभिजन लिग पुस ८ देखि चैत ४ सम्म सञ्चालन गर्ने तय गरेको छ। ए डिभिजन लिग सकिए लगत्तै चैत ६ देखि बी डिभिजन लिग सुरु हुनेछ । बी लिगका २०८० वैशाख १५ गते सम्पन्न हुनेछ ।

त्यस्तै सी डिभिजन लिग भने २०८० वैशाख १८ गतेबाट जेठ २७ गते सम्म आयोजना गर्ने एन्फाको योजना रहेको छ । गत वर्ष फागुनमा सम्पन्न ए डिभिजन लिगमा मछिन्द्र फुटबल च्याम्पियन बनेको थियो । त्यस्तै एन्फाले सी डिभिजन लिग भने असोज १ देखि असोज ३० गते सम्म आयोजना गर्ने निर्णय गरेको छ ।

एनएसएल दशै लगत्तै

नयाँ सम्झौता भएको खण्डमा एनएनएलको दोस्रो संस्करण दशै लगत्तै सुरु हुने भएको छ । एन्फाको निर्वाचनसँगै अन्यौलमा परेको एनएसएसको दोस्रो संस्करण सञ्चालनका लागि एन्फाले असोज २३ देखि मंसिर २ गते सम्मको मिति तोकेको छ । एन्फाको मिति अनुसार कोजाग्रत पूर्णिमाकै दिन एनएसएल सुरु हुनेछ ।

तर एनएसएल र गण्डकी प्रदेशमा आयोजना हुने नवौं राष्ट्रिय खेलकुदको मिति भने जुधेको छ । नवौं राष्ट्रिय खेलकुद असोज २८ देखि कात्तिक ३ गते सम्मका लागि तय भइसकेको छ । गत वर्ष पहिलो पटक आयोजना भएको एनएसएलमा ७ टोलीको सहभागिता रहेको थियो । आयोजक नेपाल स्पोर्टस् एन्ड इभेन्ट मेनेजमेन्टले दोस्रो संस्करणका पुराना ७ र नयाँ ३ गरि १० टोलीको नाम यसअघि नै सार्वजनिक गरिएको छ । त्यस्तै खेलाडीको अक्सन समेत भइसकेपछि विवाद बढ्दै जाँदै एनएनएल हुने नहुने शंका बढेको थियो ।

महिला साफमा ५ सय र ३ सयको टिकट
एन्फाले अर्को महिला हुने महिला साफ च्याम्पियनसिपका लागि टिकट दर निर्धारण गरेको छ । दशरथ रंगशालामा भदौ २१ गते देखि असोज ३ गते सम्म हुने साफ च्याम्पिनसिपका लागि भिआइपीतर्फ ५ सय र साधारणतर्फ ३ सय रुपैयाँ तोकेको एन्फाका एक पदाधिकारीले जानकारी दिए । साफ च्याम्पियनसिपमा दक्षिणा एसियाका सातैं राष्ट्रका टोलीको सहभागिता रहनेछ । नेपालसहित श्रीलंका र भुटान समूह ‘बी’ मा छन् । समूह एमा साविक विजेता भारत, बंगलादेश, माल्दिभ्स र पाकिस्तान छन् ।

बंगलादेशविरुद्ध मैत्रीपूर्ण खेल र हुमागाईं कार्यवहाक प्रशिक्षक
राष्ट्रिय फुटबल टोलीले दशरथ रंगशालामा असोज ११ गते बंगलादेशविरुद्ध मैत्रीपूर्ण खेल खेल्ने भएको छ । त्यसका लागि एन्फाले प्रदीप हुमागाईलाई राष्ट्रिय टोलीको कार्यवहाक प्रशिक्षक बनाउने निर्णय गरेको छ । अमेरिका बस्दै आएका हुमागाईले एक दशक अघि थ्री स्टार क्लबलाई लिग च्याम्पियन बनाएका थिए ।

गत वर्ष एनएसएलमा उनले ललितपुर सिटी एफसी क्लबको कमान सम्हालेका थिए । एनएसएलमा खराब सुरुवात गरेपछि ललितपुरले उनलाई बर्खास्त गरेको थियो । बंगलादेशविरुद्धको मैत्रीपूर्ण खेलका लागि मुख्य प्रशिक्षक अब्दुल्ला अलमुताइरीले २६ खेलाडीलाई डाक्नका लागि एन्फालाई पत्राचार गरेको अवस्थामा एन्फाले हुमागाईंर्ला नियुक्त गरेको छ । हुमागाई एएफसी ए लाइसन्स प्राप्त प्रशिक्षक हुन् । राष्ट्रिय टोलीका लागि प्रो लाइसेन्स प्राप्त प्रशिक्षक हुनुपर्ने प्रावधान छ ।

एन्फा कार्यसमितिको दोस्रो बैठकको निर्णय ।

July 22, 2024

मछिन्द्र र सातदोबाटोको बराबरी, संकटा र चर्च ब्वाइजले पनि अंक बाँडे

काठमाडौं (हाम्रो खेलकुद) – ललित स्मृति यु-१८ लिग अन्तर्गत सोमबार भएका दुवै खेल बराबरीमा सकिएका छन् । दुवै खेल १-१ को बराबरीमा सकिएको हुन् । एन्फा कम्प्लेक्स सातदोबाटोमा भएको दिनको पहिलो खेलमा मछिन्द्र एफसी र सातदोबाटो युथ क्लबले बराबरी खेले । ६३औं मिनेटमा रोनिक राना मगरको गोलमा लिएको अग्रता पश्चात ७९औं मिनेटमा आदेश लामाले गोल […]

July 21, 2024

चितवन जिल्ला लिगमा एनएफसी र एभरेष्ट विजयी

सुशिल पन्त क्षेत्री,चितवन सेन्ट्रल कलेज चितवन जिल्ला ए डिभिजन लिग फुटबलमा शुक्रबार नारायणी फुटबल क्लब ( एनएफसी) र एभरेष्ट क्लब चितवन विजयी भएका छन्। शारदा नगरको मैदानमा भएको पहिलो खेलमा नारायणीले हर्दी युवा समाजलाई २-१ ले हरायो । नारायणीका‌ सुगम तामाङ र सुरज गुरुङले गोल गरे । हर्दीका सन्तोष थिङले एक गोल गरे । खेलमा […]

July 21, 2024

रेन्जर्सविरुद्ध म्यानचेस्टर युनाइटेड विजयी

एजेन्सी – युरोपियन फुटबल सिजन सुरु हुनुअघिको प्रिसिजनको आफ्नो दोस्रो खेलमा म्यानचेस्टर युनाइटेड विजयी भएको छ । ग्लास्गोमा भएको खेलमा युनाइटेडले स्कटिस टोली रेन्जर्स माथि २-० को जित दर्ता गरेको हो । युनाइटेडका लागि अमाद डियालो र जो हुगिलले गोल गरेका हुन् । ३९औं मिनेटमा बक्सको दायाँभागबाट उत्कृष्ट फिनिस सहित डियालोले सुरुवाती गोल गरेका थिए […]

Success

Thank you for your time.