एजेन्सी – नेपाली पुरुष राष्ट्रिय टोलीका डिफेन्सिभ मिडफिल्डर रोहित चन्द सम्मिलित पेर्सिक केडेरी एफसीले इन्डोनेसियाको लिग वानमा खराव प्रदर्शनलाई निरन्तरता दिदा अर्काे हार बेहोरेको छ ।

पेर्सिकले घरेलु मैदानमा सुरुवाती अग्रता लिनका बावजुत बोर्नियो समरिन्डासँग २–१ को हार बेहोरेको हो । पेर्सिकको चौथो खेलमा यो तेस्रो हार हो । जितविहीन रहेको पेर्सिकले एक खेल बराबरी खेलेको छ ।

बोर्नियोको जितमा दुवै गोल म्याथिअस पाटोले गरे । पेर्सिकका युसुफ मेलानाको गोल सान्त्वना बन्यो । शुक्रबार भएको प्रतिस्पर्धात्मक खेलको ६४औं मिनेटमा युसुफ मेलानाको गोलबाट पेर्सिकले सुरुवाती अग्रता लिएको थियो । तर, पेर्सिकको त्यो अग्रता दुई मिनेट पनि टिकेन ।

६६औं मिनेटमा म्याथिअस पाटोले गोल गर्दै खेललाई १–१ गोलको बराबरीमा ल्याए । त्यसपछि म्याथिअस पाटोले ७७औं मिनेटमा व्यक्तिगत र टोलीका लागि दोस्रो गाल गर्दै घरेलु टोली पेर्सिकविरुद्ध २–१ को पूनरागमन जित दर्ता गर्न सफल भयो । यस खेलमा रोहितले पुरा समय खेलेका थिए ।

यो नतिजापछि बोर्नियो समरिन्डाले चार खेलबाट ९ अंक जोड्दै दोस्रो स्थानमा उक्लिएको छ । समान ९ अंक रहेपनि बोर्नियो एक खेल कम खेलेको मधुरा युनाइटेडसँग गोल अन्तरमा पछि र पेर्सिकावो १९७३ भन्दा अघि छ ।

पेर्सिक चार खेलबाट १ अंक जोडेर १६औं स्थानमा रहेको छ । पेर्सिकले पर्सिता र मुधरासँग हार बेहोर्दा भयानकारा एफसीसँग बराबरी १–१ गोलको बराबरी खेलेको थियो ।