एजेन्सी – करिम बेन्जेमा, थिबाउट कोर्टियस र केभिन डि ब्रुएने युइएफए प्लेयर अफ एयर २०२१÷२२ को शीर्ष ३ मा मनोनित भएका छन् । त्योसँगै वर्षका उत्कृष्ट प्रशिक्षक र महिला वर्षको उत्कृष्ट खेलाडीको पनि मनोनयन सार्वजनिक भएको छ ।

विजेताको नाम अगष्ट २५ मा इस्तानबुलमा हुने च्यम्पियन्स लिगको समूह चरणको उद्घाटनका अवसरमा घोषणा गरिनेछ । कार्लो एन्सेलोटी, पेप ग्वार्डिओला र योर्गन क्लोप प्रशिक्षकतर्फको शीर्ष ३ मा मनोनित भएका छन् ।

प्लेयर अफ दी एयर

करिम बेन्जेमा (रियल म्याड्रिड र फ्रान्स)

बेन्जेमा सम्मिलित रियलले यो वर्ष १४ औं पटक च्याम्पियन्स लिगको उपाधि जितेको थियो । त्यो क्रममा १५ गोल गरेका बेन्जेमा मनोनयनको शीर्षस्थानमा रहेका छन् ।

थिबाउट कोर्टियस (रियल म्याड्रिड र बेल्जियम)

रियलको पहिलो रोजाईका गोलकिपर थिबाओट सम्मलित टोलीले ला लिगा र च्याम्पियन्स लिग उपाधि जितेको थियो । च्याम्पियन्स लिग फाइनलमा म्यान अफ दी म्याच प्रदर्शन गरेका थिबाउटले साडियो माने र मोहम्मद सलाहको आक्रमण रोकेका थिए ।

केभिन डि ब्रुएने (म्यानचेस्टर सिटी र बेल्जियम)

सिटीका मिडफिल्डर लगातार तेस्रो पटक वर्षको उत्कृष्ट खेलाडीको शीर्ष ३ मा पर्न सफल भएका छन् । प्रिमियर लिगमा पनि उनी प्लेयर अफ दी सिजन घोषित भएका थिए । पछिल्लो सात सिजनमा सिटीले चौथो पटक प्रिमियर लिग उपाधि जितेको थियो ।
शीर्ष १५ मा रहेका खेलाडी

नाम अंक

४. रोर्बेट लेवान्डोस्की (बार्यन म्युनिख, हाल बार्सिलोना र पोल्यान्ड) ५४

५. लुका मोड्रिच (रियल र क्रोएसिया) ५२

६. साडियो माने (लिभरपुल, हाल बार्यन र सेनेगल) ५१

७.मोहम्मद सहाल (लिभरपुल र इजिप्ट) ४६

८. केलियन एमबाप्पे (पिएसजी र फ्रान्स) २५

९. भिनिसियस जुनियर (रियल र ब्राजिल) २१

१०. भार्गिल भान डिक (लिभरपुल र नेदरल्यान्ड्स) १९

११. ब्रेर्नाडो सिल्भा (सिटी र पोर्चुगल) ७

१२. फिलिप कोस्टिक (इन्ट्रयाक्ट फ्रान्कफर्ट र सर्बिया) ७

१३. लोरेन्जो पिलिग्रिनी (रोमा र इटाली) ५

१४. ट्रेन्ट अलेक्जेडर अर्नाल्ड (लिभरपुल र इग्ल्यान्ड ) २

१५. फाबियोनो (लिभरपुल र ब्राजिल) १

वर्षका उत्कृष्ट प्रशिक्षक

कार्लो एन्सेलोटी (रियल)

गत सिजन रियल फर्केका एन्सेलोटीले टोलीलाई ला लिगा र च्याम्पियन्स लिग उपाधि दिलाएका थिए । प्रशिक्षकका रुपमा युरोपियन कप ÷च्याम्पियन्स लिग चौथो पटक जित्ने पहिलो प्रशिक्षक बनेका छन् ।

पेप ग्वार्डिओला (सिटी)

५१ वर्षे स्पेनिस प्रशिक्षक ग्वार्डिओलाले पछिल्लो ५ सिजनमा ४ पटक सिटीलाई प्रिमियर लिग उपाधि जिताएका थिए ।

योर्गन क्लोप (लिभरपुल)

जर्मन प्रशिक्षकको आगमनपछि लिभरपुलले उच्च प्रदर्शन गरेको छ । एएफ कप र लिग कप जितेका क्लोपको टोली प्रिमियर लिग र च्याम्पियन्स लिगमा उप विजेता बनेको थियो ।