एजेन्सी – खेलको अन्त्यतिर १२ मिनेटको अन्तरमा तीन गोल गर्दै बोरुसिया डर्टमुन्डले जर्मन बुन्डेसलिगामा सानदार पूनरागमन जित निकालेको छ ।

डर्टमुन्डले १–० ले पछि परेको स्थिति उल्ट्याएर घरेलु टा्ली फ्रेइवर्गमाथि ३–१ को सानदार पूनरागमन जित निकालेको हो ।शुक्रबार राति भएको खेलमा डर्टमुन्डको पूनरागमन जितमा जेमी बेनो गेटेन्स, युसोउफा मौकाको र मारिअस वल्फले गोल गरे । फ्रेइवर्गका माइकल ग्रेगोरिट्सको गोल सान्त्वना बन्यो ।

युरोपा पार्कमा भएको खेलका डर्टमुन्डले घरेलु टोलीलाई लगातार दवावमा राखेपनि गोल खान पुगेको थियो । ३५औं मिनेटमा माइकल ग्रेगोरिट्सले गोल गर्दै फ्रेइवर्गलाई सुरुवाती अग्रता दिलाए । उनले म्याथिअस गिन्टरको पासमा गोल गर्न सफल भएका थिए ।

दोस्रो हाफमा पनि डर्टमुन्डको घरेलु टोलीविरुद्ध बल पोसेसन राख्दै लगातार दवाव बढाएपनि गोलको लासग ७७औं मिनेटमा कुर्नुपरेको थियो । जेमीले मौकाको पासमा गोल गोल गर्दै खेललाई १–१ गोलको बराबरीमा ल्याए ।

८४औं मिनेटमा मौकाको जुलियन ब्रान्डको पासमा गोल गर्दै टोलीलाई २–१ को अग्रता दिलाए । त्यसपछि ८८औं मिनेटमा मारिअस वल्फले गोल गर्दै डर्टमुन्डलाई सानदार पूनरागमन जित दिलाए ।

लगातार दोस्रो जितसँगै डर्टमुन्ड दुई खेलबाट ६ अंक जोडेर शीर्षस्थानमा रहेको छ । पहिलो हार बेहोरेको फ्रेइवर्ग ३ अंक जोडेर तेस्रो स्थानमा रहेको छ । एक खेल कम खेलेको बायर्न म्युनिद ३ अंसहित दोस्रो स्थानमा रहेको छ ।