भाद्र ३०, काठमाडौँ
बिमल घर्ति मगर खेलका म्यान अफ द म्याच
एन्फा कम्प्लेक्स सातदोबाटोमा आयोजित खेलमा लुम्बिनिले खेलको २५औं मिनेटमा कमल श्रेष्ठको गोलबाट अग्रता लिएको थियो छोटो कर्नरलाई सदुपयोग गर्दै विश्वास र कमलको एक आपसमा गरेको पासमा कमलले बक्सको भित्रबाट गरेको प्रहार सुदुरको कप्तान विरेन्द्रले ठन्याउन सकेनन् |
पहिलो हाफमा १-० पछि परेको सुदुरले ५२औं मिनेटमा पेनाल्टिमा गोल फर्कायो | कालु थापाले बक्सभित्र हातले बल छोएपछि यु१९का कपतान विमलले पेनाल्टिमा गोल गरेका थिए |
यसअघि खेलको १२औं मिनेटमा हेमन्त थापा मगरको पेनाल्टी लुम्बिनिका कप्तान दिलिप क्षेत्रीले रोकेका थिए| विमल वस्नेतले विमल घर्ति मगरलाई वक्सभित्र लडाएपछि पाएको पेनाल्टि दिलिपले आफ्नो दाहिनेतिर डाइभ दिंदै उत्कृष्ट बचाउ गरे|
खेलको ५४औं मिनेटमा लुम्बिनीले विश्वास श्रष्ठलाई गुमाएको थियो| ५२औं मिनेटमा पहेंलो कार्ड पाएका विश्वासले दुई मिनेटपछि दोश्रो कार्ड पाएका थिए|
सुदन थापाले खेलको ८३औं मिनेटमा गोल गर्दै सुदुरलाई अग्रता दिलाए| तेज तामाङको पासमा उनको पहिलो बारमा हानेको सट किपर दिलिपको हातमा लागेर भित्र पसेको थियो |
खेलको अन्तिम मिनेटमा दिनेश राजवंशीले गोल गर्दै अग्रता दोब्बर पारे| अमितको क्रसमा दिनेशको पछिल्लो पोष्टको गोल दर्शनिय थियो |
विमल घर्ति मगरको पहिलो लिग गोलको सहायताले सुदुरपश्चिमले जारी राष्ट्रिय लिगमा लुम्बिनिलाई ३ -१ले हराएको छ | बिमल घर्ति मगर खेलका म्यान अफ द म्याच घोसित भए |
