2 years ago
August 16, 2022
एजेन्सी – इंग्लिस प्रिमियर लिगको क्लब म्यानचेस्टर युनाइटेडले रियल म्याड्रिडका मिडफिल्डर क्यासेमिरोलाई अनुबन्ध गर्न प्रस्तावको तयारी गरेको छ । प्रिमियर लिगमा पहिलो पटक सुरुवाती दुई खेल हारेको युनाइटेड नयाँ प्रशिक्षकको आगमनले पनि खासै परिवर्तन ल्याएको छैन । प्रि-सिजनका सुरुवाती खेलमा उत्कृष्ट प्रदर्शन गरेपनि युनाइटेडले लिगको सुरुवाती दुवै खेलमा तुलनात्मक रुपमा कमजोर टोलीसँग हार बेहोरेको छ […]
एजेन्सी – इंग्लिस प्रिमियर लिगको क्लब म्यानचेस्टर युनाइटेडले रियल म्याड्रिडका मिडफिल्डर क्यासेमिरोलाई अनुबन्ध गर्न प्रस्तावको तयारी गरेको छ ।
प्रिमियर लिगमा पहिलो पटक सुरुवाती दुई खेल हारेको युनाइटेड नयाँ प्रशिक्षकको आगमनले पनि खासै परिवर्तन ल्याएको छैन । प्रि-सिजनका सुरुवाती खेलमा उत्कृष्ट प्रदर्शन गरेपनि युनाइटेडले लिगको सुरुवाती दुवै खेलमा तुलनात्मक रुपमा कमजोर टोलीसँग हार बेहोरेको छ । नयाँ प्रशिक्षक एरिक टेन हाग त्यसैले निकै दबाबमा छन् ।
टेन हागको आगमनपछि युनाइटेडले खेलाडी अनुबन्धनमा पनि तीव्रता दिएको छ । तर टोलीले चाहेजस्तो मिडफिल्डर भने अनुबन्ध गर्न सकेको छैन । बार्सिलोनाका फ्रेंकी डे जोङलाई अनुबन्ध गर्न प्रस्ताव गरेपनि खेलाडीले क्याटलान क्लब नछोड्ने अडान लिए । अब युनाइटेडको ध्यान रियल म्याड्रिडका क्यासेमिरोमा मोडिएको छ ।
क्यासेमिरो रियल म्याड्रिडमा पहिलो रोजाइका खेलाडी हुन् । उनको र प्रशिक्षक कार्लो एन्सेलोटिको सम्बन्ध पनि निकै राम्रो छ । तर उमेरले ३० वर्ष पुगेका क्यासेमिरोको विकल्पमा रियलसँग अन्य खेलाडी पनि छन् । म्याड्रिडले यसै ट्रान्सफर विन्डोमा ८० मिलियन युरो खर्चेर फ्रान्सका युवा मिडफिल्डर ओरेलिएन चुआमेनीलाई अनुबन्ध गरेको छ । त्यसबाहेक लुका मोड्रीच, टोनी क्रुस, फेडे भालभर्डे, एडुआर्डो कामाभिन्गा र ड्यानी सेबालोस टोलीमा छन् ।
सन् २०१३ मा मात्र ६ मिलियन युरोमा रियल आएका क्यासेमिरोले रियलमा आफ्नो पकड बलियो बनाएका छन् । उनले लोनमा पोर्टो पुगेर टोलीमा आफ्नो स्थान बनाएका थिए । रियलले उनलाई छोड्ने सम्भावना निकै कम छ । तर मोटो रकमको प्रस्ताव आएको खण्डमा भविष्यलाई हेरेर रियलले अप्रत्याशित निर्णय लिन सक्छ ।
March 28, 2024
हिमाल खरेल , मेचीनगर बाहुनडाँगी युवा क्लबले कार्गिल सहिद सुरेश थापा क्षेत्री स्मृति दोस्रो जेसीज नकआउट फुटबल प्रतियोगितामा विजयी सुरुवात गरेको छ । मेचीनगर ४ स्थित सरस्वती माविको खेल मैदानमा आज भएको उद्घाटन खेलमा कचनकवल फुटबल क्लबविरुद्ध २–० को सहज जित निकाल्दै बाहुनडाँगी विजयी भएको हो । जितसँगै बाहुनडाँगी सेमिफाइनलमा प्रवेश गरेको छ । बाहुनडाँगीका […]
March 28, 2024
काठमाडौं (हाम्रो खेलकुद)- राष्ट्रिय फुटबल टोली बहराइनबाट बिहीबार स्वदेश आइपुगेको छ फिफा विश्वकप २०२६ तथा एएफसी एसियन कप २०२७ को छनोटअन्तर्गत बहराइनसँग २ खेल खेलेर नेपाली टोली स्वदेश फर्किएको हो। समूह ‘एच’ मा रहेको नेपाली टोलीले ‘होम एन्ड अवे’ दुवै खेल बहराइनमा खेलेको थियो । पहिलो खेलमा ५–० गोलले पराजित नेपाली टोली बहराइनसँगको मंगलबारको ३–० […]
March 27, 2024
एजेन्सी– अन्तर्राष्ट्रिय मैत्रीपूर्ण खेलमा पोर्चुगल स्लोभेनियासँग स्तब्ध बनेको छ । नौं मिनेटको अन्तरालमा दुई गोल बेहोरेपछि पोर्चुगल घरेलु टोली स्लोभेनियासँग २–० ले स्तब्ध बनेको हो । घरेलु टोली स्लोभेनियाको जितमा एडम नेज्दा सेरिन र टिमी एल्सनेकले गोल गरे । गोल खेलको अन्त्यतिर ९ मिनेटको अन्तरमा भएको थियो । स्लोभेनियामा मंगलबार राति भएको खेलमा पाहुना टोली […]