2 years ago
August 22, 2022
एजेन्सी – ब्राजिलियन मिडफिल्डर कासेमिरोले आफू पैसाको लागि भनेर म्यानचेस्टर युनाइटेड नगएको बताएका छन् । रियल म्याड्रिडले कासेमिरोको बिदाइका लागि आयोजना गरेको कार्यक्रममा उनले आफ्नो अभिव्यक्ति दिएका हुन् । ३० वर्षीय मिडफिल्डरले आफू विश्वको ठूलो टिममा जान लागेको बताएका हुन् । रियालमा ९ वर्ष बिताएका कासेमिरोलाई अनुबन्ध गर्न युनाइटेडले झन्डै ७० मिलियन पाउन्ड खर्च गर्ने […]
एजेन्सी – ब्राजिलियन मिडफिल्डर कासेमिरोले आफू पैसाको लागि भनेर म्यानचेस्टर युनाइटेड नगएको बताएका छन् । रियल म्याड्रिडले कासेमिरोको बिदाइका लागि आयोजना गरेको कार्यक्रममा उनले आफ्नो अभिव्यक्ति दिएका हुन् ।
३० वर्षीय मिडफिल्डरले आफू विश्वको ठूलो टिममा जान लागेको बताएका हुन् । रियालमा ९ वर्ष बिताएका कासेमिरोलाई अनुबन्ध गर्न युनाइटेडले झन्डै ७० मिलियन पाउन्ड खर्च गर्ने बुझिएको छ । उनले क्लबमा ४ वर्षका लागि सम्झौता गर्दैछन् । कासेमिरो युनाइटेडमा सर्वाधिक कमाउने खेलाडी मध्यमा पर्नेछन् । तर उनले आफू पैसाको लागि क्लब नछाडेको बताए ।
‘पैसाको लागि हो भने मैले ४-५ वर्षअघि नै क्लब छोड्थें । पैसाको लागि गयो भन्ने सोच गलत छ । रियलले सधैं मलाई माया गरेको छ । यो मेरो यात्रा हो र मेरो निर्णय हो,’ उनले भने ।
‘मैले च्याम्पियन्स लिगको फाइनलपछि नै एजेन्टसँग छलफल गरेको थिएँ । मलाई लागेको थियो कि अब मेरो यहाँको यात्रा अन्त्य हुँदैछ,’ उनले थपे, ‘यो मेरो जीवनको सबैभन्दा कठिन निर्णय थियो । म अब आउने यात्राका लागि उत्साहित छु ।’
‘ म नयाँ चुनौती सामना गर्न चाहन्छु । नयाँ लिग, नयाँ देश र नयाँ संस्कृतिमा जान चाहन्छु । म विश्वको ठूलो क्लबमा जाँदैछु । त्यो क्लब जसले रियलसँग पनि प्रतिस्पर्धा गर्छ, तर अहिलेको स्थिति फरक छ ।’
रियल म्याड्रिडमा सँगै खेलेका फरवार्ड क्रिस्टियानो रोनाल्डो हाल युनाइटेडमा छन् । तर रोनाल्डोको भविष्य अझै स्पष्ट भएको छैन । कासेमिरोले आफ्नो ट्रान्सफरबारे रोनाल्डोसँग छलफल नभएको बताए ।
‘मैले रोनाल्डोसँग बोलेको छैन । तर मलाई आशा छ उनी बस्नेछन्,’ उनले भने, ‘मैले यहाँ जे गरें, त्यहाँ गैर पनि त्यहि गर्न चाहन्छु । म त्यहाँको लिग जित्न चाहन्छु ।’
कासेमिरोको बिदाइमा रियल म्याड्रिडका अध्यक्ष फ्लोरेन्टिनो पेरेज पनि उपस्थित थिए । उनी पनि कार्यक्रममा निकै भावुक देखिए ।
‘कासेमिरो यति लामो बसाईंमा हरेक दिन उदाहरण बने । आफ्नो भविष्यको निर्णय लिने अधिकार भएर नै उनले यो यात्रा गरेका हुन्,’ पेरेजले भने, ‘एक च्याम्पियनको रुपमा उनको प्रस्थान हुँदैछ । उ जहाँ भएपनि रियलका हुनेछन् । रियल सधैं उनको घर हुनेछ ।’
April 29, 2024
काठमाडौं (हाम्रो खेलकुद) – सहिद स्मारक सि डिभिजन लिगमा सोमबार सम्पन्न खेलमा मनोहरा युनाइटेड युथ क्लब खालीबारी युथ क्लब विजयी भएका छन् । एन्फा कम्प्लेक्स सातदोबाटोमा भएको दिनको पहिलो खेलमा मनोहराले सानेपा क्लब माथि २-१ को जित निकाल्यो । मनोहराका लागि विवस मगर र लिला बहादुर थापा मगरले एक-एक गोल गरे । यस्तै निराजन जंग […]
April 29, 2024
हिमाल खरेल, बिर्तामोडधरान एफसीमाथि सहज जित निकाल्दै पाहुना टोली भारतको मानेभन्ज्याङ एफसी झापाको बुधबारेमा जारी तेस्रो आदर्श च्यालेन्ज कपको सेमिफाइनलमा प्रवेश गरेको छ । मानेभन्ज्याङले धरान एफसीमाथि सोमबार ५–१ गोलको नतिजामा जित हात पारेको हो । खेल सुरु भएको ५ मिनेटमै मानेभन्ज्याङले गोल गर्दै अग्रता लिएको थियो । मानेभन्ज्याङका करण राईले १८ यार्डको दूरीबाट प्रहार […]
April 29, 2024
ललितपुर (हाम्रो खेलकुद )- मध्यपुर थिमि नगरपालिका गोदावरीमा जारी प्रथम उपत्यकाव्यापी अन्तर पालिका खुल्ला मेयर कप फुटबल प्रतियोगिताको क्बार्टरफाइनलमा प्रवेश गरेको छ । गोदावरी १० टाहाखेल–झ्यालुन्टारस्थित प्रस्तावित गोदावरी बहुउद्देश्यीय रंगशाला सोमबार भएको एक मात्र खेलमा टोखा नगरपालिकालाई ४–० ले हराउँदै मध्यपुर थिमिले अन्तिम आठमा पुगेको हो । मध्यपुरको जितमा रोहन खड्गीले ह्याट्रिक पूरा गरे भने […]