default_image

2 years ago

September 20, 2022

साफको उपविजेता टोलीले सरकारबाट जनही ३ लाख पाउने

184 views

0 Bookmark

काठमाडौं (हाम्रो खेलकुद) – छैटौं महिला साफ च्याम्पियनसिपको उपविजेता नेपाली महिला राष्ट्रिय फुटबल टोलीले सरकारबाट पुरस्कार पाउने भएको छ ।

युवा तथा खेलकुद मन्त्रालयले हालै बनाएको खेलकुद पुरस्कार तथा सम्मान कार्यविधिमा दक्षिण एसियाली च्याम्पियनसिपमा स्वर्ण, रजत र कांस्य विजेताका लागि निश्चित पुरस्कारको व्यवस्था छ । २०७२ सालमा बनेको कार्यविधि २०७६ सालमा संशोधन भएको थियो । यी दुवैमा नसमेटिएको दक्षिण एसियाली प्रतियोगितासहित अन्य पुरस्कार व्यवस्था भने नयाँ कार्यविधिमा रहेको छ ।

नयाँ कार्यविधि मन्त्रिपरिषदबाट पारित भएपनि राजपत्रमा प्रकाशित भइसकेको छैन । मन्त्रिपरिषदबाट पारित भएकाले यो कार्यविधिमा आधारित रहेर नै फुटबल खेलाडीले पुरस्कार पाउने युवा तथा खेलकुद मन्त्रालयका सचिव डा. दामोदर रेग्मीले हाम्रो खेलकुदलाई जानकारी दिए । एक साताभित्र राजपत्रमा प्रकाशित हुने र हाललाई त्यसमा नै आधारित रहेर पुरस्कार घोषणा गर्ने डा. रेग्मीले बताए ।

नयाँ पुरस्कार कार्यविधिअनुसार सामुहिक खेलतर्फ फुटबलको दक्षिण एसियाली च्याम्पियनसिपमा स्वर्ण/उपाधि जित्ने टिमका खेलाडीले जनही ५ लाख रुपैयाँ पुरस्कार पाउने थिए । तर फाइनलमा पराजित भएपछि उपविजेता बनेको टिमको हरेक खेलाडीले जनही ३ लाख रुपैयाँ पुरस्कार पाउनेछन् ।

उपविजेता टोलीका प्रमुख प्रशिक्षकले २ लाख र सहायक प्रशिक्षक, फिजियो वा चिकित्सकले १ लाख २० हजार रुपैयाँका दरले पुरस्कार पाउनेछन् । उपविजेता बन्न सफल टोलीको खेल संघको रुपमा अखिल नेपाल फुटबल संघले २ लाख रुपैयाँ पुरस्कार पाउनेछ ।

यसअघिको २०७२ सालमा बनेको कार्यविधिलाई २०७६ सालमा संशोधन गर्दा दक्षिण एसियाली खेलकुद र क्रिकेटका विभिन्न प्रतियोगितालाई मात्र समावेश गरिएको थियो । मन्त्रालयले यसपटक भने विभिन्न दक्षिण एसियाली, एसियाली र ओलम्पिकमा पदक प्राप्त गर्नेलाई समेट्दै कार्यविधिमा पुरस्कार निर्धारण गरेको छ । खेलकुद ऐनको नियमावलीमै समावेश गरेर पुरस्कारको व्यवस्था गरिएको छ ।

May 27, 2024

योर गेम इज नट फेयर प्ले

सन्जोग चाम्लिङ राई पहेँलो रंगको पृष्ठभूमिगाढा निलो अक्षर । मैदानमासबैभन्दा पहिले छिर्छएउटा चारकुने झण्डालेखिएको हुन्छ –“माई गेम इज फेयर प्ले” । मैदानको वारी छन्“भिटामिन डी” को रापमारापिएका दर्शकहरु ,पारी देखिन्छछहारीमा सुकला गरी रहेको एन्फाखेल्दै छन् मैदानमाभोको पेट र काँचका सपनाहरु । अचम्मको पोको हो एन्फाफुटबल नबोल्नुउसको गला होफुटबल नखेल्नुउसको कला हो । बहुमतको बिसौलीमाउ मात्तिन्छचौरास्ताको […]

May 27, 2024

जितका साथ बार्सिलोनामा जाभीको बिदाई

एजेन्सी – जितका साथ जाभी हर्नान्डेजले बार्सिलोनाको प्रशिक्षण यात्राको अन्त्य गरेका छन् । स्पेनिस ला लिगामा आफ्नो अन्तिम खेलमा आइतबार बार्सिलोना सेभियालाई २–१ ले हराएको हो । बार्सिलोनाका लागि रोबर्ट लेवान्डोस्की र फर्मिन लोपेजले गोल गरे । सेभियाका लागि एन नेसिरीले गोल गरे । खेलको समाप्तीपछि बार्सिलोनाका खेलाडीले जाभीलाई बिदाइ गरे । बार्सिलोनाले यसअघि नै […]

May 26, 2024

पिएसजी फ्रेन्च कप च्याम्पियन

एजेन्सी – फ्रेन्च कपको उपाधि जित्दै फरवार्ड केलियन एमबाप्पेले आफ्नाे पेरिस सेन्ट जर्मेन (पिएसजी) बसाईकाे सुखद् अन्त्य गरेका छन्। पिएसजीले शनिबार लियोनमाथि २–१ को जित निकाल्दै उपाधि जित्न सफल भएको हो । पिएसजीका लागि आफ्नाे अन्तिम खेलमा भने एमबाप्पेले गाेल गर्न सकेनन् । पिएसजीका लागि अन्तिम खेल खेलिरहेका केलियन एमबाप्पेले उपाधिसहित क्लबबाट सुखद बिदाई लिएका […]

Success

Thank you for your time.