default_image

2 years ago

September 28, 2022

कार्यवहाक प्रशिक्षक हुमागाईंलाई कारबाहीको माग

काठमाडौं (हाम्रो खेलकुद) – नेपाली खेलकुद पत्रकारको छाता संगठन नेपाल खेलकुद पत्रकार मञ्च (एनएसजेएफ) ले नेपाली राष्ट्रिय फुटबल टोलीका कार्यवाहक मुख्य प्रशिक्षक प्रदिप हुमागाईंलाई कारबाहीको माग गर्दै अखिल नेपाल फुटबल संघ (एन्फा) लाई ध्यानाकर्षण पत्र बुझाएको छ । मञ्चका सचिव अन्जन खड्काले बुधबार एन्फाका अध्यक्ष पंकज विक्रम नेम्वाङलाई प्रशिक्षक हुमागाईंलाई कारबाहीको माग गर्दै ध्यानाकर्षण पत्र […]

110 views

0 Bookmark

काठमाडौं (हाम्रो खेलकुद) – नेपाली खेलकुद पत्रकारको छाता संगठन नेपाल खेलकुद पत्रकार मञ्च (एनएसजेएफ) ले नेपाली राष्ट्रिय फुटबल टोलीका कार्यवाहक मुख्य प्रशिक्षक प्रदिप हुमागाईंलाई कारबाहीको माग गर्दै अखिल नेपाल फुटबल संघ (एन्फा) लाई ध्यानाकर्षण पत्र बुझाएको छ ।

मञ्चका सचिव अन्जन खड्काले बुधबार एन्फाका अध्यक्ष पंकज विक्रम नेम्वाङलाई प्रशिक्षक हुमागाईंलाई कारबाहीको माग गर्दै ध्यानाकर्षण पत्र बुझाएका हुन् ।

मंगलबार बंगलादेशसँगको अन्तर्राष्ट्रिय मैत्रीपूर्ण खेलपछि पोस्ट म्याच कन्फरेन्सले हुमागाईंले खेलकुद पत्रकारप्रति आपत्तिजनक रुपमा प्रस्तुत हुँदै पदीय मर्यादाविपरीत कार्य गर्दै पत्रकारलाई आर्थिक सहयोगको प्रस्ताव समेत गरेका थिए ।

‘नेपाल र बंगलादेशबीच २०७९ असोज ११ गते दशरथ रंगशालामा भएको मैत्रीपूर्ण अन्तर्राष्ट्रिय खेलपछि आयोजित ‘पोस्ट म्याच कन्फ्रेन्स’ मा भएको घट्नाप्रति नेपाल खेलकुद पत्रकार मञ्चको गम्भीर ध्यानाकर्षण भएको छ । उक्त पोस्ट म्याचमा नेपाली राष्ट्रिय टिमका कार्यबाहक प्रशिक्षक प्रदीप हुमागाईंको प्रस्तुति अत्यन्तै गैर व्यावसायिक, गैरजिम्मेवार र नितान्त निम्न सोचको रहेको छ ।

त्यस क्रममा प्रशिक्षक हुमागाईं नेपाली खेलकुद पत्रकारप्रति आपत्तिजनक रूपमा प्रस्तुत हुनु पदीय मर्यादाविपरीत रहेको मञ्चको ठम्याइ छ । मञ्च परिवार प्रशिक्षक हुमागाईंको उक्त व्यवहारप्रति घोर भर्त्सना गर्दछ,’ ध्यानाकर्षण पत्रमा भनिएको छ, ‘प्रशिक्षक हुमागाईंले मञ्चलाई आर्थिक सहयोग प्रदान गरेको दाबी गरेका छन् । तर मञ्च हुमागाईंबाट त्यस्ता कुनै पनि सहयोग नलिएको प्रस्ट पार्न चाहन्छ । हुमागाईंले मञ्चलाई ५० हजार रुपैयाँ आर्थिक सहयोग प्रदान गर्ने बताएका थिए । मञ्चले यस प्रकारको व्यक्तिगत सहयोग यसअघि कहिले पनि स्वीकार गरेको छैन र भविष्यमा पनि गर्ने छैन ।’

’प्रशिक्षक हुमागाईंले नेपाली खेल पत्रकारमाथि निराधार आरोप लगाउँदै गलत धारणा पनि प्रस्तुत गरेका थिए । मञ्च उनको निन्दनीय प्रस्तुति र दाबीमा एन्फाको ध्यानाकर्षण गर्न चाहन्छौं ।

मञ्चका लागि यस प्रकारको व्यवहार पूर्णतः अस्विकार्य रहेको जनाउँदै हुमागाईंलाई आवश्यक कारवाही गर्न माग पनि गर्दछौं । भविष्यमा मञ्चप्रति यस्ता कुनै प्रकारको व्यवहार नगर्न चेतावनी पनि दिन्छौं,’ ध्यानाकर्षण पत्रमा भनिएको छ ।

ध्यानाकर्षण पत्र बुझ्दै एन्फका अध्यक्ष नेम्वाङले यस विषयमा एन्फाको पनि ध्यानाकर्षण भएको र यसलाई भर्खरै बनेको अनुशासन कमिटि र कार्यसमितिको निर्णयबाट उचित सम्वोधन गरिने बताएको छ ।

बंगलादेशविरुद्धको खेलमा नेपालले ३–१ को जित निकाल्दा अन्जन विष्टले राष्ट्रिय टोलीबाट आफ्नो पहिलो ह्याट्रिक पुरा गरेका थिए ।

April 19, 2024

इंग्लिस क्लब च्याम्पियन्स र युरोपा लिगकाे क्वाटरफाइनलबाटै बाहिर

एजेन्सी – विश्व फुटबलमा सर्वाधिक चर्चित र बढी हेरिने इंग्लिस प्रिमियर लिगका टोलीहरु यसपल्ट युरोपेली क्लब फुटबलको सबैभन्दा ठुलो युइएफए च्याम्पियन्स लिग र युरोपा लिगको क्वाटरफाइनलबाटै बाहिरिएका छन् । यससँगै २१औं शताब्दीमा तेस्रोपटक इङ्ल्यान्डका कुनैपनि टोली च्याम्पियन्स लिग र युरोपा लिगको सेमिफाइनलमा पुग्न असफल भएको हो । यसअघि इंंग्लिस टोली सन् २००२–०३ र २०१४–१५ को […]

April 19, 2024

लिभरपुल युरोपा लिगबाट बाहिरियो

एजेन्सी – प्रिमियर लिग क्लब लिभरपुल युरोपा लिगबाट बाहिरिएको छ। इटालियन क्लब एट्लान्टालाई क्वाटरफाइनलको दोस्रो लेगमा बिहीबार १-० ले हराएपनि समग्रमा ३-१ ले पछि रहँदै लिभरपुल युरोपा लिगबाट बाहिरिएको हो। घरेलु मैदान एनफिल्डमा भएको पहिलो लेगमा लिभरपुल ३-० ले पराजित भएको थियो। एट्लान्टा सेमिफाइनलमा पुगेको छ। मोहम्मद सलाहले सातौं मिनेट गरको पेनाल्टी गोलमा लिभरपुल विजयी […]

April 18, 2024

पुल्चोक र स्पोर्टस एकेडेमीको जित

काठमाडौं (हाम्रो खेलकुद) – पुल्चोक स्पोर्टस क्लब र स्पोर्टस एकेडेमी साँगाले बिहीबार सहिद स्मारक सी डिभिजन लिगमा जित हासिल गरेको छ । सातदोबाटोस्थित एन्फा कम्प्लेक्सको एस्ट्रोतर्फमा स्पोर्टस एकेडेमीले रानीवन स्पोर्टस क्लबलाई १–० ले हराएको छ । स्पोर्टस एकेडेमी टिकाराज गुरुङले ५६ औं मिनेटमा गरेको गोल खेलको निर्णायक बन्यो । ३ खेलमा दोस्रो जितपछि स्पोर्टस् एकेडेमीको […]

Success

Thank you for your time.