default_image

2 years ago

October 16, 2022

एल क्लासिकोमा रियल म्याड्रिडको जित

एजेन्सी – स्पेनिस ला लिगाको सिजनको पहिलो ‘एल क्लासिको’ मा रियल म्याड्रिडले क्याटलान क्लब बार्सिलोनालाई पराजित गरेको छ । रियलले घरेलु मैदानमा बार्सिलोनामाथि ३–१ को सहज जित निकालेको हो । रियलको जितमा कप्तान करिम बेन्जेमा, फेडे भाल्भेर्डे र रोड्रिगोले गोल गरे । बार्सिलोनाका फेरान टोरेसले एक गोल फर्काए । सान्टियागो बर्नबेउमा आइतबार राति भएको खेलमा […]

113 views

0 Bookmark

एजेन्सी – स्पेनिस ला लिगाको सिजनको पहिलो ‘एल क्लासिको’ मा रियल म्याड्रिडले क्याटलान क्लब बार्सिलोनालाई पराजित गरेको छ ।

रियलले घरेलु मैदानमा बार्सिलोनामाथि ३–१ को सहज जित निकालेको हो । रियलको जितमा कप्तान करिम बेन्जेमा, फेडे भाल्भेर्डे र रोड्रिगोले गोल गरे । बार्सिलोनाका फेरान टोरेसले एक गोल फर्काए ।

सान्टियागो बर्नबेउमा आइतबार राति भएको खेलमा घरेलु टोली रियललको खेलको १२औं मिनेटमा कप्तान बेन्जेमाको गोलबाट अग्रता लिएको थियो । उनले टोनी क्रुस र भिनिसियस जुनियर हुँदै आएको बललाई झन्डै १५ यार्डबाट गोलरक्षक मार्क आन्दर टेर स्टेगनलाई बिट गर्दै गोल गर्न सफल भएका थिए ।

३५औं मिनेटमा फेडे भाल्भेर्डेले दर्शनीय गोल गर्दै रियलको अग्रता दोब्बर पारे । फर्लान्ड मेन्डीको पासमा भाल्भेर्डेले बार्सिलोनाका तीन डिफेन्डरबीचबाट गरेको प्रहारले जाली चुम्दा गोलरक्षक मार्क आन्दरले बचाउने प्रयास गरेपनि सफल हुन सकेन ।

८३औं मिनेटमा परिवर्तित खेलाडी फेरान टोरेसले गोल गर्दै खेललाई २–१ को स्थितिमा ल्याए । ६०औं मिनेटमा राफिन्हाको स्थानमा मैदान छिरेका टोरेसले रोबर्ट लेवान्डोस्कीको पासमा गोल गर्न सफल भएका थिए ।

इन्ज्युरी समयको थप गरिएको पहिलो मिनेटमा परिवर्तित खेलाडी रोड्रिगोले पेनाल्टीमा गोल गर्दै रियलको जित पक्का गरे । ८५औं मिनेटमा भिनिसियस जुनियरको स्थानमा मैदान छिरेका रोड्रिगोलाई एरिक गार्सियले फउल गरेपछि रेफ्रील भिएआरको सहायतामा रियललाई पेनाल्टी प्रदान गर्दा रोड्रिगोल चुकेनन् ।

यस जितसँगै रियलले शीर्षस्थानमा स्पष्ट ३ अंकको अग्रता लिन सफल भएको छ । अपराजित रहेको रियलको ९ खेलबाट २५ अंक पुगेको छ । पहिलो हार बेहोरेको बार्सिलोना २२ अंक जोडेर दोस्रो स्थानमा झरेको छ ।

April 18, 2024

पुल्चोक र स्पोर्टस एकेडेमीको जित

काठमाडौं (हाम्रो खेलकुद) – पुल्चोक स्पोर्टस क्लब र स्पोर्टस एकेडेमी साँगाले बिहीबार सहिद स्मारक सी डिभिजन लिगमा जित हासिल गरेको छ । सातदोबाटोस्थित एन्फा कम्प्लेक्सको एस्ट्रोतर्फमा स्पोर्टस एकेडेमीले रानीवन स्पोर्टस क्लबलाई १–० ले हराएको छ । स्पोर्टस एकेडेमी टिकाराज गुरुङले ५६ औं मिनेटमा गरेको गोल खेलको निर्णायक बन्यो । ३ खेलमा दोस्रो जितपछि स्पोर्टस् एकेडेमीको […]

April 18, 2024

एन्फा उपाध्यक्ष लामा छुटे

काठमाडाैं (हाम्रो खेलकुद)- अखिल नेपाल फुटबल संघ (एन्फा) का उपाध्यक्ष दावा लामा छुटेका छन् । उनी बुधबार पक्राउ परेका थिए । काठमाडौं उपत्यका अपराध अनुसन्धान कार्यालयको टोलीले पक्राउ गरेर लामालाई बिहीबार उच्च अदालत पाटनमा पेश गरेको थियो । सो क्रममा लामाले सर्वोच्च अदालतबाट तारेखमा राख्नु भन्ने आदेश लिएको पेश गरेपछि उनी छुटेको अपराध अनुसन्धान कार्यालयले […]

April 18, 2024

सिटीलाई हराउँदै रियल च्याम्पियन्स लिगको सेमिफाइनलमा

एजेन्सी – साविक विजेता म्याचेस्टर सिटीलाई हराउँदै रियल म्याड्रिड च्याम्पियन्स लिगको सेमिफाइनलमा पुगेको छ । सिटीलाई बुधबार पेनाल्टी सुट आउटमा ४–३ ले हराउँदै रियल अन्तिम चारमा पुगेको हो । गोलकिपर लुनिनले दुई पेनाल्टी रोकेपछि १४ पटकको विजेता रियलको सेमिफाइनल यात्रा तय गरेको थियो । त्यसअघि रियल र सिटीबीचको क्वार्टरफाइनलको दोस्रो लेगको निर्धारित र थप सयम […]

Success

Thank you for your time.