काठमाडौं (हाम्रो खेलकुद)– सहिद स्मारक ए डिभिजन लिगका विषयमा अखिल नेपाल फुटबल संघ (एन्फा) ले नयाँ निर्णय गरेको छ । एन्फा अध्यक्ष पंकजविक्रम नेम्वाङको अध्यक्षमा ए डिभिजन क्लबका प्रतिनिधिसहितको मंगलबार बसेको बैठकले ए डिभिजन लिगको नयाँ मिति तय भएको एन्फाले जनाएको छ ।

१४ ए डिभिजन क्लबमध्ये नेपाल पुलिस क्लबबाहेकका प्रतिनिधिको उपस्थितिमा भएको बैठकले पुस २६ गते देखि लिग गर्ने र डबल राउन्ड रोविन लिगका आधारमा गर्ने निर्णय गरेको एन्फा श्रोतले जनाएको छ । पुलिसले पनि नयाँ प्रस्तावित मितिमा सहमति जनाइसकेको बताइएको छ ।

यसअघि साउन २६ गते बसेको एन्फा केन्द्रिय समितिको बैठकले ए, बी र सी डिभिजन लिगको मिति गय गरेको थियो । जस अनुसारर ए डिभिजन लिग पुसा ८ गते देखि चैत ४ चैत सम्म सञ्चालन गर्ने तय भएको थियो । नयाँ निर्णय अनुसार २०८० जेठ २० गते सम्म ए डिभिजन लिग चल्नेछ ।

पहिलो चरणको लिग समाप्ती पछि पछि २५ देखि ३० दिनको विश्राम गरिने निर्णय पनि बैठकले गरेको छ । लिग दौरान चैत ५ देखि १४ गतेसम्म फिफा डेको कार्यक्रम हुने भएकोले सो समयमा पनि लिग हुने छैन । लिगको विभिन्न पक्षको बारेमा थप निर्णय गर्न कात्तिक १४ गते एन्फा र ए डिभिजन क्लबबीच वर्कसप गरिने एन्फाले जनाएको छ ।