काठमाडौं, भाद्र ३१ ।

भर्खरै भारत विरुद्ध भएको मैत्रिपुर्ण खेलमा डेब्यु गरेका नवयुग श्रेष्ठ राष्ट्रिय टोलीमा चम्कने सक्ने अभिव्यक्ति राजु तामाङले दिएका छन्|

बिहिबार भएको राष्ट्रिय लिगको विभागिय डर्बीमा ह्याट्रिक गर्दै आर्मीलाई ३-०को जित दिलाएका नवयुग विगत दुई वर्षदेखि चर्चामा आएका हुन्|

राष्ट्रिय टोली एवं आर्मीका मिडफिल्डर राजु तामाङले नवयुगको खेललाई यसरी बयान गरे: ‘विभागिय डर्बी भन्ने वितिक्कै खेलको माहोल नै छुट्टै हुन्छ, टिमको इज्जतको कुरा आउने हुनाले सहभागि सबैले आफ्नो सर्वश्रेष्ठ दिएका हुन्छन्| आजको खेल पनि उस्तै थियो, पुलिसका केहि खेलाडी घाइते भएतापनि नवयुगको प्रदर्शन निकै उत्कृष्ट थियो| नवयुगको यो प्रदर्शनले हाम्रो लिगमा माथि चढ्ने अभियानमा ठुलो सहयोग पुगेको छ|’

राष्ट्रिय टोलीमा नवयुगको सम्भावनाको कुरा गर्दा राजुले आफु एकदमै आशावादि रहेको बताए| ‘नवयुगजस्तो युवा खेलाडी यति राम्रो फर्ममा आउनु निकै राम्रो कुरा हो| साफ नजिकिदै जाँदा उ जस्तो खेलाडीले राम्रो प्रदर्शन गर्दा राष्ट्रकालागि पनि केहि नगर्ला भन्न सकिन्न| भारतविरुद्ध पनि उसको खेल राम्रै थियो र लिगमा पनि उ राम्रो खेलिरहेको छ| नयाँ प्रशिक्षकले उसको खेल हेरेकै छन् र नवयुगले राष्ट्रिय टोलीमा राम्रो गर्ने कुरामा म विश्वस्त छु|