भाद्र ३१ | हाम्रो खेलकुद
ए.एफ्.सी यु१६ च्याम्पिएनसिपको छनोट चरणको प्रतियोगितामा भोलि घरेलु टोली किर्गिस्तान विरुद्ध खेल्दा टोली होसियार हुनुपर्ने प्रशिक्षक उपेन्द्रमान सिंहले बताएका छन्|
यु१६ प्रशिक्षक उपेन्द्रमान सिंह
प्रतियोगिताको पहिलो खेलमा जोर्डनलाई २-१ले पराजित गरेको नेपाल समुह ‘बि’को दोश्रो स्थानमा रहेको छ| समुहको अर्को खेलमा किर्गिस्तान विरुद्ध २-०को जित दर्ता गर्दै ओमान शिर्ष स्थानमा रहेको छ|
प्रशिक्षक उपेन्द्रमान सिंहले घरेलु टोलीसंगको खेल बचेर खेल्नुपर्ने बताएका छन्| ‘दर्शकहरु धेरै हुने र खेलाडीको ध्यान मोडिन सक्ने खतरा हुन्छ, हामीले खेलमा नै ध्यान दिन अत्यन्त जरुरी हुन्छ| गेम फ्लड लाइटमा खेलाइने भएपनि हामीलाई समस्या हुन्न किनकि बंगलादेशमा भएको साफमा हामीले लाइटमै खेलिसक्यौं’, सिंहले भने|
नेपालले शुक्रबार बेलुका ७:४५ बजे किर्गिस्तान बिरुद्ध समुहको दोश्रो खेल खेल्दै छ|
