default_image

1 year ago

October 31, 2022

यू१५ महिला साफका लागि नेपाल तयार

काठमाडौं (हाम्रो खेलकुद) – बंगलादेशमा भोलि (मंगलबार) देखि शुरु हुने साफ यू–१५ महिला च्याम्पियनसिपको लागि नेपाल पूर्ण रुपमा तयार रहेको छ । ढाकामा सोमबार आयोजित प्रि म्याच पत्रकार सम्मेलनमा नेपाली टोलीकी मुख्य प्रशिक्षक भगवती रानाले टोली साफको लागि तयार रहेको बताएकी छिन् । नेपालले बिहीबार घरेलु टोली बंगलादेशसँग खेल्दै च्याम्पियनसिपको सुरुवात गर्नेछ । च्याम्पियनसिपको पहिलो […]

81 views

0 Bookmark

काठमाडौं (हाम्रो खेलकुद) – बंगलादेशमा भोलि (मंगलबार) देखि शुरु हुने साफ यू–१५ महिला च्याम्पियनसिपको लागि नेपाल पूर्ण रुपमा तयार रहेको छ ।

ढाकामा सोमबार आयोजित प्रि म्याच पत्रकार सम्मेलनमा नेपाली टोलीकी मुख्य प्रशिक्षक भगवती रानाले टोली साफको लागि तयार रहेको बताएकी छिन् ।

नेपालले बिहीबार घरेलु टोली बंगलादेशसँग खेल्दै च्याम्पियनसिपको सुरुवात गर्नेछ । च्याम्पियनसिपको पहिलो दिन भुटान र बंगलादेशबीच प्रतिस्पर्धा हुनेछ ।

मुख्य प्रशिक्षक रानाले यस च्याम्पियनसिपमा सहभागिता जनाउन पाउँदा खुशी लागेको बताउँदै यस च्याम्पियनसिपको लागि टोली पूर्ण रुपमा तयार रहेको बताइन् ।

‘हामी जित्नको लागि उत्साहित भएर खेल्न तयार छौं । हरेक टोली बलियो नै छ । हामी शारीरिक र मानसिक रुपमा तयार छौं ।’ प्रशिक्षक रानाले थपिन्, ‘हामी विगत चार सातादेखि नियमित प्रशिक्षणमा छौं । हामीसँगै उनीहरु पनि नयाँ छन् । तातो मौसमका कारण खेलाडीलाई खेल्न केही कठिन हुन सक्नेछ ।’

टोलीकी कप्तान दीपा रोकायाले यस खेलमा संलग्न हुन पाउँदा खुशी लागेको प्रतिक्रिया दिइन् । ‘यो प्रतियोगिता खेल्न पाउँदा खुशी छु । हामी जित्नको लागि आएका छौं । जितेर जानेछौं ।’ कप्तान दीपाले थपिन् ।

बंगलादेशकी प्रशिक्षक गोलाम अब्बानी छोटोनले ३ वर्ष कोरोनाका कारण कुनै कार्यक्रम नभएपनि विगत चार महिनादेखि प्रशिक्षण गरिरहेको बताए ।

सिनियर टोलीले नेपालमा आयोजना भएको महिला साफ च्याम्पियनसिप जितेपछि खेलाडीहरु उत्साहित छन् । टोली एक वर्षदेखिसँगै छन् । कोही चार महिनाअघि मात्र जोडिएका छन् । हामीसँग राम्रो प्रतिस्पर्धात्मक खेल हुनेछ । कप्तान रुमा अल्टरले पहिलो प्रतियोगिता खेल्न पाउँदा उत्साहित रहेको बताइन् ।

भुटानका मुख्य प्रशिक्षक नगावाङ यान्चेनले हामीले साफकै लागि तयारी गरिरहेका बताउँदै टोली निकै उत्साहित रहेको बताइन् । ‘यो उनीहरुको पहिलो अन्तर्राष्ट्रिय खेल हो । उनीहरुले आफ्नो उत्कृष्ट प्रदर्शन गर्नेछन् । हामीले कडा प्रतिस्पर्धा गर्नुपर्नेछ ।’ प्रशिक्षक यान्चेनले भनिन्, ‘हामीले विगत तीन महिनादेखि प्रशिक्षण गरिरहेका छौं । टोली उर्जावान छ । हाम्रो बलियो पक्ष डिफेन्स हो ।’

कप्तान केल्डेन वाङ्मोले टोली मानसिक रुपमा तयार रहेको र च्याम्पियनसिपको लागि दृढ रहेको बताइन् । उनले टोलीको अपेक्षा धेरै रहेको र तीनै टोलीमा नयाँ खेलाडी रहेको बताइन् ।

च्याम्पियनसिपका लागि नेपाली टोली शनिबार त्यसतर्फ प्रस्थान गरेको छ । च्याम्पियनसिपमा आयोजक बंगलादेशसहित नेपाल र भुटान गरि ३ राष्ट्रको सहभागिता रहेको छ । सहभागी ३ टोलीले एक अर्कासँग दुई राउन्ड खेल्नेछन् ।

नेपालले कात्तिक १९ गते आयोजक बंगलादेशसँग खेल्नेछ । त्यसपछि नेपालले फेरि कात्तिक २३ गते भुटान र कात्तिक २५ गते बंगलादेशसँग खेल्नेछ । डबल राउन्ड रोबिन पछि शीर्षस्थानमा रहने टोलीले च्याम्पियनसिपको उपाधि जित्नेछ ।

नेपाली टोलीको नेतृत्व दीपा रोकायले गर्नेछिन् । टोलीको प्रशिक्षकमा भगवती राना मगर, सहायक प्रशिक्षकमा मंगल महर्जन, गोलकिपर प्रशिक्षकमा छन्नुराम चौधरी र फिजियो सरिता बजगार्इं रहेका छन् । व्यवस्थापकमा पूर्ण माया सुब्बा लिम्बू रहेका छन् ।

नेपाली यू१५ महिला टोली
गोलरक्षक – राधिका ओली, सुजाता तामाङ र रुपा धिमाल
डिफेन्डर – सीता रोकाया, अमिता भुल, दीपा मगर, अन्जना पुन मगर, प्रेरणा डोल्मा लामा, रेणु लिम्बु र विपना स्नेही
मिडफिल्डर – सिमरन राई, पुनम चेम्जोङ, भावना परियार, सविता मन्डल, भुमिका बुढाथोकी, सुशिला केसी, सुक्रिया मिया, रेविका नेपाली र मनिषा सेन
फरवार्ड – दीपा रोकाया (कप्तान), समिक्षा मगर, वर्षा ओली र सेनु परियार

April 19, 2024

लिभरपुल युरोपा लिगबाट बाहिरियो

एजेन्सी – प्रिमियर लिग क्लब लिभरपुल युरोपा लिगबाट बाहिरिएको छ। इटालियन क्लब एट्लान्टालाई क्वाटरफाइनलको दोस्रो लेगमा बिहीबार १-० ले हराएपनि समग्रमा ३-१ ले पछि रहँदै लिभरपुल युरोपा लिगबाट बाहिरिएको हो। घरेलु मैदान एनफिल्डमा भएको पहिलो लेगमा लिभरपुल ३-० ले पराजित भएको थियो। एट्लान्टा सेमिफाइनलमा पुगेको छ। मोहम्मद सलाहले सातौं मिनेट गरको पेनाल्टी गोलमा लिभरपुल विजयी […]

April 18, 2024

पुल्चोक र स्पोर्टस एकेडेमीको जित

काठमाडौं (हाम्रो खेलकुद) – पुल्चोक स्पोर्टस क्लब र स्पोर्टस एकेडेमी साँगाले बिहीबार सहिद स्मारक सी डिभिजन लिगमा जित हासिल गरेको छ । सातदोबाटोस्थित एन्फा कम्प्लेक्सको एस्ट्रोतर्फमा स्पोर्टस एकेडेमीले रानीवन स्पोर्टस क्लबलाई १–० ले हराएको छ । स्पोर्टस एकेडेमी टिकाराज गुरुङले ५६ औं मिनेटमा गरेको गोल खेलको निर्णायक बन्यो । ३ खेलमा दोस्रो जितपछि स्पोर्टस् एकेडेमीको […]

April 18, 2024

एन्फा उपाध्यक्ष लामा छुटे

काठमाडाैं (हाम्रो खेलकुद)- अखिल नेपाल फुटबल संघ (एन्फा) का उपाध्यक्ष दावा लामा छुटेका छन् । उनी बुधबार पक्राउ परेका थिए । काठमाडौं उपत्यका अपराध अनुसन्धान कार्यालयको टोलीले पक्राउ गरेर लामालाई बिहीबार उच्च अदालत पाटनमा पेश गरेको थियो । सो क्रममा लामाले सर्वोच्च अदालतबाट तारेखमा राख्नु भन्ने आदेश लिएको पेश गरेपछि उनी छुटेको अपराध अनुसन्धान कार्यालयले […]

Success

Thank you for your time.