default_image

1 year ago

November 5, 2022

हालान्ड सिटीको बेन्चमा, फुलहमबाट भिनिसियस सुरुवात गर्दै

एजेन्सी – म्यानचेस्टर सिटीका प्रशिक्षक पेप गुआर्डीओलाले प्रिमियर लिग अन्तर्गत फुलहमविरुद्ध खेलका लागि चोटबाट संघर्ष गरिरहेका फरवार्ड एर्लिङ हालान्डलाई बेन्चमा राखेका छन् । यता फुलहमले ब्राजिलियन कार्लोस भिनिसियसलाई सुरुवाती रोजाइमा उतारेको छ । चोटका कारण पछिल्ला खेल गुमाएका हालान्डले प्रशिक्षणमा पुनरागमन गरेलगत्तै आज खेल्ने अनुमान गरिएको थियो । तर गुआर्डीओलाले उनलाई बेन्चमा राखेका छन् । […]

101 views

0 Bookmark

एजेन्सी – म्यानचेस्टर सिटीका प्रशिक्षक पेप गुआर्डीओलाले प्रिमियर लिग अन्तर्गत फुलहमविरुद्ध खेलका लागि चोटबाट संघर्ष गरिरहेका फरवार्ड एर्लिङ हालान्डलाई बेन्चमा राखेका छन् । यता फुलहमले ब्राजिलियन कार्लोस भिनिसियसलाई सुरुवाती रोजाइमा उतारेको छ ।

चोटका कारण पछिल्ला खेल गुमाएका हालान्डले प्रशिक्षणमा पुनरागमन गरेलगत्तै आज खेल्ने अनुमान गरिएको थियो । तर गुआर्डीओलाले उनलाई बेन्चमा राखेका छन् । उनले च्याम्पियन्स लिगमा बोरुसिया डर्टमुन्डविरुद्ध पहिलो हाफ खेलेपछि प्रिमियर लिगमा लेस्टर सिटी र च्याम्पियन्स लिगमा सेभियाविरुद्ध खेल गुमाएका थिए ।

हालान्डले जारी सिजन लिगका ११ खेलमा १७ गोल गरिसकेका छन् । च्याम्पियन्स लिगमा ४ खेल खेल्दै उनले ५ गोल गरेका छन् । उनले दुई साताअघि प्रिमियर लिगमा ब्राइटनविरुद्ध २ गोल गरेका थिए । त्यसयता डर्टमुन्डविरुद्ध खेलमा घाइते भएपछि उनी मैदानबाहिर थिए ।

सिटीले आज आक्रमणमा अर्जेन्टिनी फरवार्ड जुलियन अल्भारेजलाई उतारेको छ । उनलाई ज्याक ग्रिलिस र बर्नार्डो सिल्भाले साथ दिनेछन् । मिडफिल्डमा केभीन डे ब्रुएन, इल्काए गुन्डोगन र रोड्री रहेका छन् । डिफेन्समा म्यानुएल अकान्जी, जोन स्टोन्स, नाथन आके र जोआओ कान्सेलो छन् । एडरसन गोलरक्षकमा नियमित छन् ।

विपक्षी फुलहमले आक्रमणमा यसै सिजन क्लबमा भित्रिएका ब्राजिलियन फरवार्डद्वय कार्लोस भिनिसियस र विलियन उतारेको छ । यसअघि टोटेनहमबाट खेलेका भिनीसियसले प्रिमियर लिगमा ७ खेल खेल्दा गोलको खाता खोल्न सकेका छैनन् । उनले सुरुवाती रोजाइमा भने दोस्रो पटक अवसर पाएका हुन् ।

फुलहमको मिडफिल्डमा जोआओ पाल्हिन्हा, आन्द्रिएस परेरा, ह्यारिसन रिड र ह्यारी विल्सन रहेका छन् । डिफेन्समा केनी टेटे, टिम रिम, एन्टोनी रबिन्सन र इसा डिओप छन् । जर्मन गोलरक्षक बर्न्ड लेनोले सुरुवात गर्दैछन् ।

April 23, 2024

महिला लिग छनोटमा लुम्बिनीको पहिलो जित

सुर्खेत (हाम्रो खेलकुद) – लुम्बिनी प्रदेशले महिला लिग छनोटमा पहिलो जित हासिल गरेको छ । उत्कृष्ट पूनरागमन गर्दै लुम्बिनीले मंगलबार बागमती प्रदेशलाई ३–१ को नतिजामा माथ दिएको हो । सर्खेतस्थित कर्णाली प्रदेश रंगशालामा भएको खेलमा पहिलो अग्रता बागमतीले बनायो। २४औं मिनेटमा सुमित्रा तामाङको गोलमा बागमती अगाडि लागेको थियो । तर यो अग्रता खेलको ४०औं मिनेटमा […]

April 23, 2024

आदर्श च्यालेन्ज कप – आदर्श र ध्रुवताराबीच उद्घाटन खेल हुने

हिमाल खरेल, मेचीनगरझापाको बुद्धशान्तिमा शनिबार सुरु हुने तेस्रो आदर्श च्यालेन्ज कप फुटबल प्रतियोगिताको खेल तालिका सार्वजनिक भएको छ । खेल मैदान बुद्ध आदर्श माविको सभाहलमा आज भएको पत्रकार सम्मेलनमा खेल तालिका सार्वजनिक भएको हो । खेल तालिकाअनुसार उद्घाटन खेलमा आयोजक आदर्श युवा क्लबले दमकको ध्रुवतारा स्पोर्टिङ क्लबको सामना गर्नेछ । त्यस्तै, दोस्रो खेल आइतबार बिर्तामोड […]

April 23, 2024

बेलिङहमले जिते ब्रेकथ्रु अवार्ड

एजेन्सी – इङ्ल्यान्ड तथा स्पेनिस क्लब रियल म्याड्रिडका युवा मिडफिल्डर जुड बेलिङहमले अवार्ड जितेका छन् । बेलिङहमले सन् २०२४ को लौरेस वल्ड स्पोर्ट्स ब्रेकथ्रु अफ द इयर अवार्ड जितेका हुन् । गत समरमा जर्मन क्लब बोरुसिया डर्टमुन्डबाट ८९ मिलियन पाउण्डमा रियल आएका २० वर्षीय बेलिङहम क्लबका लागि महत्वपूर्ण खेलाडी बनेका छन् । उनले आइतबार एल […]

Success

Thank you for your time.