default_image

2 years ago

November 6, 2022

चेल्सी र आर्सनल भिड्दै

85 views

0 Bookmark

एजेन्सी – इंग्लिस प्रिमियर लिग अन्तर्गत आइतबार लन्डनका दुई क्लब चेल्सी र आर्सनल आमनेसामने हुँदैछन् । खेल नेपाली समयअनुसार साँझ ५:४५ बजे चेल्सीको घरेलु मैदान स्टामफर्ड ब्रिजमा हुनेछ ।

यी दुई टोलीबीच प्रिमियर लिगको पछिल्लो ४ खेलमा चेल्सीले १ खेल जित्दा आर्सनल ३ खेलमा विजयी भएको छ । पछिल्लो पटक अप्रिलमा आर्सनलले चेल्सीको मैदानमा ४-२ को जित दर्ता गरेको थियो । त्यसपछि प्रि सिजनमा पनि यी दुईको भिडन्तमा आर्सनल ४-० ले विजयी भएको थियो ।

आर्सनलले लिगको पछिल्लो ३ मध्य २ खेलमा जित र १ बराबरी निकालेको छ । यता चेल्सी भने पछिल्लो तीन खेलमा जित निकाल्न सकेको छैन । अंक तालिकामा आर्सनल ३१ अंकसहित दोस्रो स्थानमा छ । यस खेलमा जित हासिल गरे ३२ अंक जोडेको सिटीलाई आर्सनलले उछिन्नेछ । चेल्सी भने २१ अंकसहित सातौँ स्थानमा छ । यस खेलमा जित हासिल गरे टोली पाँचौ स्थानमा पुग्नेछ ।

चेल्सीका लागि गोलरक्षक केपा अरिजाबलागा चोटका कारण उपलब्ध छैनन् । डिफेन्डरद्वय रिस जेम्स र बेन चिल्वेल दुवै घाइते छन् । फ्रान्सका मिडफिल्डर एनगोलो कान्टे र डिफेन्डर वेस्ली फोफाना पनि चोटकै कारण टिममा छैनन् । माटियो कोभाचिच र डेनिस जाकारिया सुरुवात गर्ने सम्भावना कम छ । आर्सनलका पूर्व कप्तान पिएर एमेरिक औबामेयाङले आज सुरुवात गर्ने सम्भावना छ ।

आर्सनलका लागि डिफेन्डर ताकेहिरो तोमियासुले खेल्ने सम्भावना न्यून छ । उनको स्थानमा लयमा रहेका काइरान टिएर्नीले निरन्तरता पाउनेछन् । एमिल स्मिथ रो र म्याट टर्नर चोटका कारण बाहिर छन् । बुकायो साकाले चोटबाट पुनरागमन गर्दै सुरुवात गर्ने सम्भावना छ ।

चेल्सीले घरेलु मैदानमा पछिल्लो ९ खेलमा हार बेहोरेको छैन । यता आर्सनल पनि १२ मध्य १० खेलमा जित हासिल गर्दै बलियो सुरुवात गरेको छ ।

May 19, 2024

आरसी ३२ ‘सि’ डिभिजनको शीर्ष स्थानमा

काठमाडौं (हाम्रो खेलकुद) – खेलको अन्तिम समयमा जित निकाल्दै आरसी ३२ फुटबल एकेडेमी जारी सहिद स्मारक ‘सि’ डिभिजन लिगको शीर्ष स्थानमा उक्लिएको छ । अयोग्य खेलाडी खेलाएको भन्दै एन्फाले अंक घटाएपनि आईतवार भएको खेलमा गोलबजार स्पोर्ट्स क्लब माथि २-१ को रोमाञ्चक जित सहित आरसी ३२ शीर्ष स्थानमा पुगेको छ । खेल १-१ को बराबरीमा रहेको […]

May 19, 2024

प्रिमियर लिग विजेताको छिनोफानो आज

एजेन्सी – इंग्लिश प्रिमियर लिग २०२३/२४ सिजनको विजेताको टुंगो आज लाग्दैछ । पछिल्लो तीन सिजनको विजेता म्यानचेस्टर सिटी र आर्सनल मध्य एक टोलीले आज लिग उपाधि उचाल्ने छ । लिग लिडर सिटीले आज ८:४५ बजे वेस्ट ह्यामसँग अन्तिम खेल खेल्दैछ । सोही समयमा दोस्रो स्थानमा रहेको आर्सनलले एभर्टनसँग खेल्दैछ । सिटीले आफु अनुकुल नतिजा निकाल्न […]

May 18, 2024

काठमाडौंलाई गोदावरी मेयर कप फुटबल उपाधि

ललितपुर (हाम्रो खेलकुद) – काठमाडौं महानगरपालिकाले गोदावरी प्रथम उपत्यकाब्यापी अन्तर पालिका मेयर कप फुटबल प्रतियोगिताको उपाधि जितेको छ । प्रस्तावित गोदावरी बहुउदेश्यीय रंगशालाको झ्यालुन्टार मैदानमा शनिबार भएको फाइनलमा चन्द्रागिरी नगरपालिकालाई २–१ गोल अन्तरले हराउँदै काठमाडौं च्याम्पियन बनेको हो । काठमाडौंका लागि अखिलेष कार्की र दीपेश श्रेष्ठले गोल गरे । उपाधिका साथ काठमाडौंले ५ लाख रुपैयाँ […]

Success

Thank you for your time.