एजेन्सी – फिफा विश्वकप २०२२ को आयोजक राष्ट्र कतारले आफ्नो अन्तिम टोली घोषणा गरेको छ । मुख्य प्रशिक्षक फेलिक्स सान्चेजले शुक्रबार २६ सदस्यीय अन्तिम टोली घोषणा गरेको हो ।

सन् २०१० मा नै विश्वकप आयोजनाको अधिकार लिएको कतारले पहिलोपल्ट विश्वकप खेल्दैछ । विश्व फुटबलको सर्वाेच्च निकाय (फिफा) का तत्कालिन अध्यक्ष सेप ब्लाटरले कतारलाई विश्वकप आयोजनाको अधिकार दिनु गल्ती भएको बताएका छन् ।

कतारले समालिंगी विवाहविरुद्ध कडा कानुन बनाएको पनि कतार विश्वकपको लागि पुर्वाधार निर्माण दौरान धेरै आप्रवासी कामदारको मृत्यु भएको विषयलाई रिपोर्ट नगरेपछि एम्नेस्टी इन्टरनेशनल र ह्युमन राइट्स वाचले कतारमा भएका मानवअधिकारविरुद्धको अपराधको निन्दा गरेका छन् ।

यि विवादका बावजुत कतार आफ्नो पहिलो विश्वकपमा उत्कृष्ट प्रदर्शन गर्ने योजनामा हुनेछन् । आयोजक कतार नेदरल्याण्ड्स, सेनेगल र इक्वेडरसँगै समूह ए मा परेका छन् । उनीहरूले नोभेम्बर २० मा इक्वेडरसँग आफ्नो पहिलो विश्वकप खेल्नेछन् ।

कतारको २६ सदस्यीय टोली

गोलरक्षक – साद अलसिब, मेसाल बर्साम र युसेफ हसन

डिफेन्डर – पेड्रो मिगुएल, मुसाब खिदिर, तारेक सलमान, बसम अल रावी, बोउलेम खाउखी, अब्देल करिम हसन, होमाम

अहमद र जसम गाबेर
मिडफिल्डर – अली असद, असिम मोदीबो, मोहम्मद वाद, सलेम अल हजरी, मुस्तफा तारेक, करिम बौदियाफ, अब्देलाजिज हातिम र स्माइल मोहम्मद

फरवार्ड – नाइफ अल्धरामी, अहमद अलाउल्डिन, हसन अल हेडोस, खालिद मुनिर, अक्रम अफिफ, अल्मोज अली र मोहम्मद मुन्तारी