एजेन्सी – एसियाली पावर हाउस साउदी अरेबियाले कतारमा एक सातापछि हुने फिफा विश्वकपको लागि आफ्नो टोली घोषणा गरेको छ ।

मुख्य प्रशिक्षक हर्भ रेनार्डले काँधको चोटको बावजुत प्रभावशाली मिडफिल्डर तथा कप्तान सलमान अल फारालाई आफ्नो २६ सदस्यीय टोलीमा समावेश गरेका छन् । कप्तान अल फारालाई आइसल्याण्डसँग १–१ को बराबरीको खेलमा पहिलो हाफमा परिवर्तन गरेको थियो ।

फ्रान्सेली प्रशिक्षक रेनार्डले सलमानको बारेमा हामी डराएको उनको काँधमा केही दुखाई रहेपनि केही दिनमै ठीक हुने भएका कारण टोलीमा समावेश गरिएको बताएका छन् ।

साउदी अरेबियाले अर्जेन्टिना, पोल्याण्ड र मेक्सिको समावेश टोलीमा आफ्नो चुनौती पेश गर्नेछन् । साउदी अरेबियाले २०१८ को विश्वकपमा समूह चरणबाट बाहिरिएपनि एक जित निकालेको थियो ।

साउदी अरेबियाले नोभेम्बर २२ मा लियोनल मेस्सीको नेतृत्वमा रहेको अर्जेन्टिनासँग खेल्नुअघि क्रोएसियासँग मैत्रीपूर्ण खेल खेल्नेछ ।

साउदी अरबियाको टोली
गोलकिपर – मोहम्मद अल ओवेस, नवाफ अल अकिदी र मोहम्मद अल यमी
डिफेन्डर – यासेर अल शहरानी, अली अल बुलैही, अब्दुल्लाह अल एम्री, अब्दुल्लाह मादु, हसन तामबक्ति, सुल्तान अल घनाम, मोहम्मद अल ब्रेक र साउद अब्दुलहमिद
मिडफिल्डर – सलमान अल फराज, रियाद शाराहिली, अली अल हसन, मोहम्मद कन्नो, अब्दुलाह अल मल्की, सामी अल नाजेई, अब्दुल्लाह ओताएफ, नासेर अल दसारी, अब्दुलरहमान अल एबौद, सलेम अल दसारी र हत्तन बाहेब्रि
फरवार्ड –फहाद अल मुवाल्लाद, हैथम एसिरी, साले अल शेरी र फिरास अलबुराइकन