सुबास हुमागाईं, कतार

फिफा विश्वकप कतार २०२२ आइतबारदेखि सुरु हुँदैछ । विश्वभरबाट छनोट चरण खेलेर ३२ राष्ट्रले फुटबलको महाकुम्भमा प्रतिस्पर्धा गर्दैछन् । पहिलो पटक विश्वकपमा सहभागी कतार सम्मिलित समूह ए विश्वकपमा सबैभन्दा कम प्रतिस्पर्धा हुने समूहको रुपमा लिइएको छ । तर कतारले घरेलु मैदानमा सेनेगल, इक्वेडर र नेदरल्यान्ड्सलाई सहजै नतिजा सुम्पने देखिदैन ।

आयोजक कतारले सन् २०१९ मा एसियाको पावरहाउस जापानलाई हराउँदै एसियन कपको उपाधि जितेको थियो । विश्व प्रसिद्ध अस्पाएर एकेडेमीबाट खेलाडी उत्पादन थालेको कतारले स्पेनिस प्रशिक्षक फेलिक्स सान्चेजको नेतृत्वमा उच्च प्रदर्शन गरिरहेको छ ।

फरवार्ड अल्मोज अली कतारले निकै भर गरेका फरवार्ड हुन् । तर नेदरल्यान्ड्स र सेनेगलविरुद्ध टोलीको आक्रमण भन्दा डिफेन्सको परिक्षा हुनेछ । विश्व फुटबलसामु पहिचान बनाउने सुवर्ण अवसर कतारसामु छ ।

नेदरल्यान्ड्स गत संस्करणको विश्वकप गुमाएपछि महाकुम्भमा फर्किएको छ । पछिल्लो सहभागितामा उपविजेता बनेको टोलीमा युरोपका ठूला लिगमा जमेका खेलाडी छन् । गोलरक्षकमा केहि कमजोर देखिएको टोलीको डिफेन्स प्रतियोगिताकै उत्कृष्ट मध्यम पर्दछ ।

विश्वकप अनुभव बोकेका तीन मात्र खेलाडी भएपनि नेदरल्यान्ड्सले यसपटक निकै अपेक्षा गरेको छ । विशेषगरी घरेलु लिगमा तहल्का मच्चाएका युवा खेलाडी कोडी गाक्पोलाई भविष्यको स्टारको रुपमा हेरिएको छ । यसपटक उनका लागि युरोपेली फुटबलमा ट्रान्सफर बजार तताउन विश्वकप निर्णायक कडी बन्न सक्छ । गाक्पोसँगै डेन्जेल डम्फ्रिज, म्याथिस डे लिग्ट, फ्रेंकी डे जोङ, लगायत खेलाडी नेदरल्यान्ड्सको पहिचान फर्काउन प्रयासरत हुनेछन् ।

सेनेगलको विश्वकप तयारी साडियो मानेको चोटले बिथोलेको छ । तर टोलीमा इस्माएला सार, कालिडु कौलिबाली, एडुआर्ड मेन्डी, इड्रीसा गेये लगायत नाम चलेका खेलाडी छन् । सेनेगलले सुरुवाती दुई खेलमा सकारात्मक नतिजा निकाले मानेले जोखिम लिएर खेल्ने भनिएको थियो । तर अन्तिम समयमा टोलीले उनीमाथि जोखिम नलिने भन्दै विश्वकप गुमाउने पक्का गरेको छ ।

इक्वेडर समूह ए मा सबैभन्दा कम आँकिएको टोली हो । दक्षिण अमेरिकी टोलीले छनोटमा राम्रो प्रदर्शन गरेको थियो । उद्घाटन खेलमा सारा विश्वको नजर रहँदा इक्वेडर घरेलु टोलीविरुद्ध सुखद सुरुवात गर्ने लक्ष्यमा हुनेछ ।

समूहको खेलहरु :

मंसिर ४ कतारविरुद्ध इक्वेडर (राति ९:४५ बजे)

मंसिर ५ सेनेगलविरुद्ध नेदरल्यान्ड्स (राति ९:४५ बजे)

मंसिर ९ कतारविरुद्ध सेनेगल (राति ६:४५ बजे)

मंसिर ९ नेदरल्यान्ड्सविरुद्ध इक्वेडर (राति ९:४५ बजे)

मंसिर १३ इक्वेडरविरुद्ध सेनेगल (राति ८:४५ बजे)

मंसिर १३ नेदरल्यान्ड्सविरुद्ध कतार (राति ८:४५ बजे)

सबै देशको अन्तिम टोली :

कतार :

गोलरक्षक – साद अलसिब, मेसाल बर्साम र युसेफ हसन

डिफेन्डर – पेड्रो मिगुएल, मुसाब खिदिर, तारेक सलमान, बसम अल रावी, बोउलेम खाउखी, अब्देल करिम हसन, होमाम अहमद र जसम गाबेर

मिडफिल्डर – अली असद, असिम मोदीबो, मोहम्मद वाद, सलेम अल हजरी, मुस्तफा तारेक, करिम बौदियाफ, अब्देलाजिज हातिम र स्माइल मोहम्मद

फरवार्ड – नाइफ अल्धरामी, अहमद अलाउल्डिन, हसन अल हेडोस, खालिद मुनिर, अक्रम अफिफ, अल्मोज अली र मोहम्मद मुन्तारी

इक्वेडर :

गोलरक्षक – मोइसेस रामिरेज, एलेक्सान्डर डोमिनगुएज र हर्नान गालिन्डेज

डिफेन्डर – पिएरो हिनकापी, रोबर्ट अर्बोलेडा, पर्भिस एस्टुपिनान, एन्जेलो प्रेसियाडो, ज्याक्सन पोरोजो, जेभियर एरेगा, डिएगो पालासिओस, फेलिक्स टोरेस र विलियम पाचो

मिडफिल्डर – कार्लोस ग्रुजो, जोस सिफुएन्ट, एलन फ्रान्को, मोइसेस काइसेडो, एन्जल मेना, जेरेमी सार्मिएन्टो, जेग्सन मेन्डेज, एर्टन प्रेसियाडो, गोन्जालो प्लाटा र रोमारियो इवारा

फरवार्ड – जोर्काइफ रेस्को, केभिन रोड्रिग्वेज, माइकल एस्ट्राडा र एनर भ्यालेन्सिया

सेनेगल :

गोलरक्षक : एडुआर्ड मेन्डी, अल्फ्रेड गोमिस, सेनी डियाङ

डिफेन्डर : बौना सार, सालिउ सीस, कालिडु कौलिबली, पापे अबोउ सिसे, अब्दोउ डियालो, इब्राहिमा एम्बाय, अब्दुलाए सेक, फोडे बालो टुरे, चेखु कोउयाटे

मिडफिल्डर : पापे माटर सार, पापे गेये, नाम्प्लेस मेन्डी, इड्रीसा गाना गेये. मुस्तफा नामे, लोउम एनडीआए, जोसेफ लोपी

फरवार्ड : साडियो माने, इस्माइला सार, बाम्बा डीएङ, केइटा बाल्डे, हबिब डियालो, बोउलाए डिया, फामारा डीएधिउ, मामे बाबे थिआम

नेदरल्यान्ड्स :

गोलरक्षक : जस्टिन बिज्लो, एन्द्रिज नोपर्ट, रेम्को पस्भिर

डिफेन्डर : नाथन आके, डेली ब्लिन्ड, भर्जील भान डाइक, डेन्जेल डम्फ्रिज, जेरेमी फ्रिमपोङ, म्याथिस डे लिग्ट, टिरेल मालासिया, जुरीएन टिम्बर, स्टेफान डे भ्रिज

मिडफिल्डर : स्टिभन बर्घिअस, फ्रेन्की डे जोङ, डाभी क्लासेन, तिउन कुप्मेनर्स, मार्टेन डे रुन, जाभी सिमोन्स, केनेथ टेलर

फरवार्ड : स्टिभन बर्गवाइन, मेफिस डिपाए, कोडी गाक्पो, भिन्सेन्ट जानसन, लुक डे जोङ, नोअ लांग, वुट वेघर्स्ट