default_image

1 year ago

November 14, 2022

रोनाल्डो भन्छन् – ‘युनाइटेडले धोका दियो, क्लबबाट निकाल्न खोजे’

एजेन्सी – पोर्चुगिज फरवार्ड क्रिस्टियानो रोनाल्डोले म्यानचेस्टर युनाइटेडबाट आफूले धोका पाएको र क्लबले निकाल्न खोजेको आरोप लगाएका छन् । पिएर्स मोर्गनसँग टक टिभीमा दिएको अन्तर्वार्ताको छोटो अंश सार्वजनिक भएकोमा रोनाल्डोले युनाइटेडका पूर्व प्रशिक्षक राल्फ राग्निक, वर्तमान प्रशिक्षक एरिक टेन हाग र क्लबका अन्य पूर्व खेलाडी र नेतृत्वविरुद्ध असन्तुष्टि पोखेका छन् । रोनाल्डोले क्लबका प्रशिक्षक र […]

141 views

0 Bookmark

एजेन्सी – पोर्चुगिज फरवार्ड क्रिस्टियानो रोनाल्डोले म्यानचेस्टर युनाइटेडबाट आफूले धोका पाएको र क्लबले निकाल्न खोजेको आरोप लगाएका छन् ।

पिएर्स मोर्गनसँग टक टिभीमा दिएको अन्तर्वार्ताको छोटो अंश सार्वजनिक भएकोमा रोनाल्डोले युनाइटेडका पूर्व प्रशिक्षक राल्फ राग्निक, वर्तमान प्रशिक्षक एरिक टेन हाग र क्लबका अन्य पूर्व खेलाडी र नेतृत्वविरुद्ध असन्तुष्टि पोखेका छन् ।

रोनाल्डोले क्लबका प्रशिक्षक र अन्य उच्च पदका अधिकारीले आफूलाई धोका दिएको बताए । ‘हो । मलाई धोका दिएको महसुस भएको छ । प्रशिक्षक मात्र होइन, क्लबका अन्य उच्च पदका पदाधिकारीले पनि । मलाई केहि वास्ता छैन, तर सबैले साँचो कुरा थाहा पाउनुपर्छ,’ रोनाल्डोले भने ।

‘मलाई धोका दिइयो । केहि मान्छे मलाई क्लबमा देख्न चाहदैन थिए । यो वर्ष मात्र होइन, अघिल्लो वर्ष पनि,’ उनले थपे ।

रोनाल्डोले गत साता एस्टन भिल्लाविरुद्ध टोलीको कप्तानी गरेका थिए । तर उक्त खेलमा युनाइटेड ३-१ ले पराजित भएपछि रोनाल्डो टोलीमा अटाएका छैनन् । क्लबले उनी बिरामी भएको जानकारी दिएको थियो ।

गत महिना रोनाल्डो टोटेनहम हट्सपरविरुद्ध खेलमा बेन्चबाट मैदान प्रवेश गर्न नमानेपछि क्लबले चेल्सीविरुद्धको खेलमा उनलाई बाहिर राखेको थियो । रोनाल्डोले आफू प्रशिक्षक टेन हागलाई सम्मान नगर्ने पनि बताए ।

‘मलाई उनीप्रति कुनै सम्मान छैन किनभने उनले पनि मलाई सम्मान देखाएनन् । यदि कसैले मलाई सम्मान गर्दैन भने म कहिल्यै उनलाई सम्मान गर्ने छैन,’ उनले भने ।

रोनाल्डोले सर एलेक्स फर्गुसनले छोडेपछि युनाइटेड अर्कै भएको दावी गरे । ‘समर्थकले सबै थाहा पाउनुपर्छ । म क्लबको उत्कृष्ट हेर्न चाहन्छु त्यसैले फर्किएँ । सर एलेक्सले छाडेपछि क्लबमा केहि परिवर्तन आएन,’ उनले थपे, ‘मलाई म्यानचेस्टर युनाइटेड मनपर्छ । समर्थक मनपर्छ र उनीहरु सधैं मेरो साथमा छन् । तर यदि उनीहरु स्थिति फरक होस् भन्ने चाहन्छन् भने धेरै परिवर्तन आवश्यक छ ।’

रोनाल्दोले पूर्व प्रशिक्षक राल्फ राग्निकको पनि आलोचना गरे । ‘जब तपाइँ प्रशिक्षक पनि हुनुहुन्न भने युनाइटेड कसरि सम्हाल्नुहुन्छ ? मैले उनीबारे कहिल्यै सुनेको थिइनँ,’ उनले भने ।

रोनाल्डो पूर्व सहकर्मी वायन रुनीको व्यवहारप्रति पनि रुष्ट देखिए । ‘मलाई थाहा छैन उनले किन मेरो खेदो खन्छन् । हुनसक्छ उनी सन्न्यास लिइसके र म उच्च स्तरमा खेलिरहेको छु,’ रोनाल्डोले थपे, ‘म उनीभन्दा राम्रो देखिन्छु भनेर भन्दिन । तर यो सत्य हो ।’

रोनाल्डोले मोर्गनलाई दिएको ९० मिनेटको अन्तर्वार्ता मंगलबार र बुधबार प्रसारण हुने तालिका छ ।

April 20, 2024

हालान्डले चेल्सीविरुद्धको खेल गुमाउने सम्भावना!

एजेन्सी – म्यानचेस्टर सिटीका नर्वेली फरवार्ड एर्लिङ ब्राउट हालान्डले चेल्सीविरुद्ध हुने एफए कपको सेमिफाइनल गुमाउने सम्भावना बढेको छ । एफए कपको सेमिफाइनलमा आज राति सिटीले चेल्सीसँग वेम्वली स्टेडियममा प्रतिस्पर्धा गर्दैछ । बुधबार च्याम्पियन्स लिगको क्वाटरफाइनलको दोस्रो लेगमा रियल म्याड्रिडसँग टाइब्रेकरमा ४–३ पराजित हुँदा समस्या देखिएपछि हालान्डलाई अन्तिम समयमा परिवर्तन गरिएको थियो । सिटीका प्रशिक्षक पेप […]

April 20, 2024

माने चम्कँदा अल नासरको पूनरागमन जित

एजेन्सी – सेनेगली फरवार्ड साडियो मानेको उच्च प्रदर्शनमा अल नासरले साउदी प्रो लिगमा सानदार पूनरागमन जित निकालेको छ । घरेलु मैदानमा १-० ले पछि परेको स्थिति उल्ट्याएर अल नासरले अल फयामाथि ३-१ को सानदार पूनरागमन जित दर्ता गरेको हो । अल नासरको जितमा साडियो मानेले २ तथा अब्दुलेह अल एम्रीले १ गोल गरे । अल […]

April 19, 2024

इंग्लिस क्लब च्याम्पियन्स र युरोपा लिगकाे क्वाटरफाइनलबाटै बाहिर

एजेन्सी – विश्व फुटबलमा सर्वाधिक चर्चित र बढी हेरिने इंग्लिस प्रिमियर लिगका टोलीहरु यसपल्ट युरोपेली क्लब फुटबलको सबैभन्दा ठुलो युइएफए च्याम्पियन्स लिग र युरोपा लिगको क्वाटरफाइनलबाटै बाहिरिएका छन् । यससँगै २१औं शताब्दीमा तेस्रोपटक इङ्ल्यान्डका कुनैपनि टोली च्याम्पियन्स लिग र युरोपा लिगको सेमिफाइनलमा पुग्न असफल भएको हो । यसअघि इंंग्लिस टोली सन् २००२–०३ र २०१४–१५ को […]

Success

Thank you for your time.