एजेन्सी – फिफा विश्वकप कतार २०२२ अघिको अन्तिम अभ्यास खेलमा अर्जेन्टिनाले सानदार जित निकालेको छ ।
अर्जेन्टिनाले तुलनात्मक रुपमा कमजोर प्रतिद्धन्द्धी संयुक्त अरब इमिरेट्स (युएईं) लाई ५–० को भारी अन्तरले पराजित गरेको हो ।

युएईंको मैदान मोहम्मेद विन जायदमा अर्जेन्टिनाको फराकिलो जितमा एन्जल डि मारियाले दुई तथा जुलियन अल्भारेज, लियोनेल मेस्सी र जोअक्विन कोरेआले समान एक गोल गरे । पहिलो हाफमै ४ गोल थपेको अर्जेन्टिनाले दोस्रो हाफमा एक गोल नै थप्यो ।

बुधबार राति भएको खेलको जुलियन अल्भारेजको गोलबाट अर्जेन्टिनाले १–० को अग्रता बनायो । २५औं मिनेटमा एन्जल डि मारियाले गोल गर्दै अर्जेन्टिनाको अग्रता दोब्बर पारे । ३६औं मिनेटमा एन्जल डि मारियाले व्यक्तिगत दोस्रो तथा टोलीका लागि तेस्रो गोल गरे ।

४४औं मिनेटमा कप्तान लियोनेल मेस्सीले गोल गर्दै अर्जेन्टिनालाई पहिलो हाफमा ४–० को आरामदायी अग्रता दिलाए । त्यसपछि ६०औं मिनेटमा परिवर्तित खेलाडी जोआक्विन कोरेआले गोल गर्दै अर्जेन्टिनालाई ५–० ले अघि बढायो । उ

नी ४६औं मिनेटमा मार्कुस एकुनाको स्थानमा मैदान छिरेका थिए । ८१औं मिनेटमा युएईंले गोल गर्ने सुवर्ण अवसर पाएपनि सदुपयोग गर्न सकेन । यस जितसँगै अर्जेन्टिना ३६औं खेलसम्म अपराजित रहन सफल भएको छ ।

अब विश्वकपको समूह ‘सी’ मा रहेको अर्जेन्टिनाले २२ नोभेम्वरमा साउदी अरेबियासँग खेल्दै विश्वकपको सुरुवात गर्नेछ । त्यसपछि अर्जेन्टिनाले २६ नोभेम्वरमा मेक्सिको र ३० नोभेम्वरमा पोल्यान्डसँग खेल्ने तालिका छ ।