default_image

1 year ago

November 19, 2022

‘कतारमा सबैलाई स्वागत छ’ – फिफा अध्यक्ष इन्फान्टिनो

सुबास हुमागाईं, कतार फिफा अध्यक्ष जियानी इन्फान्टिनोले फिफा विश्वकप कतार २०२२ को पूर्वसन्ध्यामा कतारले विश्वकप सबैलाई कतारमा स्वागत गर्ने बताएका छन् । पत्रकार सम्मेलनमा बोल्दै अध्यक्ष इन्फान्टिनोले अप्रवासी कामदार, समलिंगी, मादक पदार्थ लगायत विविध विषयमा आफ्नो धारणा प्रस्तुत गरेका हुन् । अध्यक्ष इन्फान्टिनोको भनाइ यसप्रकार रहयो : कतारमा सबैलाई स्वागत छ । मैले कतारको उच्च […]

82 views

0 Bookmark

सुबास हुमागाईं, कतार

फिफा अध्यक्ष जियानी इन्फान्टिनोले फिफा विश्वकप कतार २०२२ को पूर्वसन्ध्यामा कतारले विश्वकप सबैलाई कतारमा स्वागत गर्ने बताएका छन् । पत्रकार सम्मेलनमा बोल्दै अध्यक्ष इन्फान्टिनोले अप्रवासी कामदार, समलिंगी, मादक पदार्थ लगायत विविध विषयमा आफ्नो धारणा प्रस्तुत गरेका हुन् ।

अध्यक्ष इन्फान्टिनोको भनाइ यसप्रकार रहयो :

कतारमा सबैलाई स्वागत छ । मैले कतारको उच्च पदस्थ अधिकारीसँग पटक पटक यसबारे छलफल गरेको छु । धर्म, जाति, लिंग सबैलाई स्वागत छ । कतारले पनि यसलाई स्वीकार गरेको छ । कतारले यसो भनेपछि हामीले विश्वास गर्नुपर्छ ।

कतारमा आएका टोलीलाई स्वागत गर्न र प्रशिक्षण स्थलमा यहाँका जनता पुगेका छन् । तर त्यसबारे मिडियाले उनीहरु बाहिरी मान्छे हुन् लेखेका छन् । के यो रंगभेद होइन? के भारतको कसैले इंग्ल्यान्ड, स्पेन, जर्मनी वा कुनै अरु टोलीको समर्थन गर्न पाउदैन ? यसको विरोध गर्नु रंगभेद नै हो ।

फिफा विश्व फुटबलको सर्वोच्च संस्था हो । यसमा २ सय ११ राष्ट्र संलग्न छन् । हामी फुटबलका व्यक्ति हौं, र हामी फुटबलको राम्रो चाहन्छौं । हामी विश्वभर फुटबल फैलाउन चाहन्छौं । संलग्नताले नै सच्चा परिवर्तन ल्याउन सकिन्छ । र हामी यसका लागि सधैं अघि बढ्नेछौं ।

हामीले केहि वर्षअघि उत्तर कोरिया पुगेर महिला विश्वकप आयोजना गर्ने प्रस्ताव गरेका थियौं । दक्षिण कोरियासँग मिलेर । हो हामी सफल भएनौं । तर हामी प्रयास जारी राख्नेछौं । सबैलाई एक स्थानमा ल्याएर परिवर्तन गर्न सक्ने शक्ति फुटबलमा छ ।

म केहि वर्षअघिको घटना सम्झन चाहन्छु । अफगानिस्तानमा तालिबान आएपछि हामीले १ सय ६० जना महिला फुटबलरलाई उद्दार गर्यौं । त्यसबेला मैले युरोप र उत्तर अमेरिकाको राष्ट्रसँग छलफल गरेको थिएँ । धेरै तर्फबाट सकारात्मक जवाफ पनि पाएँ । तर जब कतारको सहयोगमा उद्दार प्रक्रिया पूरा भयो, कसैले पनि साथ दिएनन् । म १ लाख ६० हजार, १६ सय होइन, १ सय ६० जनाको कुरा गरिरहेको छु ।

उद्दार गरिएका सबै १ सय ६० खेलाडीलाई हामीले कतारमा राख्यौं । संयोगवश विश्वकपकै लागि निर्माण गरिएको स्थानमा उनीहरु रहे । तर युरोप र अमेरिकी राष्ट्रले भित्र्याउन नमानेपछि हामी समस्यामा पर्यौं । यो कठिन अवस्थामा साथ दिने अल्बानिया मात्र थियो । उनीहरुले यस्तो समस्या आफूले बुझेको र ती महिलाहरुलाई भविष्य निर्माण गर्ने अवसर दिने बताए । म कतारका विदेश मन्त्री र अल्बानियालाई धन्यवाद दिन चाहन्छु ।

अब म पछिल्लो दिन चर्चामा रहेको रंगशालामा मादक पदार्थ विक्रीबारे बोल्न चाहन्छु । कतारमा मात्र होइन, युरोपकै कतिपय देशमा पनि मादक पदार्थ रंगशालामा बेच्न पाइदैन । तर मुस्लिम राष्ट्र भएकाले यो चर्चा अलि बढी हुनु स्वभाविक मानेको छु । हामीले बडवाईजरसँग सहकार्य गर्दै आएका छौं । र विश्वास छ आउने दिनमा पनि यो निरन्तर हुनेछ । अब रंगशालामा अर्को उत्पादन बडजिरो विक्री हुनेछ भने सहरको अन्य ठाउँमा बडवाइजर पाइने नै छ ।

विश्वकपमा यसपटक विज्ञापन दाता र सहयोगीले साथ नदिने चर्चा पनि सुनियो । तर टेलिभिजन प्रसारण अधिकारमा विगतको संस्करणभन्दा २ सय मिलियन डलर बढी आम्दानी हुने भएको छ । यसपटक विश्वकप छोटो भएपनि धेरै तर्फबाट इच्छा आएको थिए । विज्ञापनमा पनि फिफाले गत संस्करणभन्दा २ सय मिलियन डलर बढी आम्दानी गर्दैछ । सबै क्षेत्र गरेर फिफाले ६-७ सय मिलियन डलर बढी कमाउने देखिन्छ । यो सब फिफामाथिको विश्वास हो ।

हामी विश्वलाई एक पार्न चाहन्छौं । कमै अवसर आउँछ जब विश्व एक हुन्छ । हामी बाँडिएर होइन एक भएर अघि बढ्न चाहन्छौं । यसमा साथ दिनुहोस ।

त्यसअघि अध्यक्ष इन्फान्टिनोले अप्रवासी कामदारको विषयमा पनि बोलेका थिए : अन्तत: कतारमा कामदारको विषयमा बोले फिफा अध्यक्ष इन्फान्टिनो

April 19, 2024

लिभरपुल युरोपा लिगबाट बाहिरियो

एजेन्सी – प्रिमियर लिग क्लब लिभरपुल युरोपा लिगबाट बाहिरिएको छ। इटालियन क्लब एट्लान्टालाई क्वाटरफाइनलको दोस्रो लेगमा बिहीबार १-० ले हराएपनि समग्रमा ३-१ ले पछि रहँदै लिभरपुल युरोपा लिगबाट बाहिरिएको हो। घरेलु मैदान एनफिल्डमा भएको पहिलो लेगमा लिभरपुल ३-० ले पराजित भएको थियो। एट्लान्टा सेमिफाइनलमा पुगेको छ। मोहम्मद सलाहले सातौं मिनेट गरको पेनाल्टी गोलमा लिभरपुल विजयी […]

April 18, 2024

पुल्चोक र स्पोर्टस एकेडेमीको जित

काठमाडौं (हाम्रो खेलकुद) – पुल्चोक स्पोर्टस क्लब र स्पोर्टस एकेडेमी साँगाले बिहीबार सहिद स्मारक सी डिभिजन लिगमा जित हासिल गरेको छ । सातदोबाटोस्थित एन्फा कम्प्लेक्सको एस्ट्रोतर्फमा स्पोर्टस एकेडेमीले रानीवन स्पोर्टस क्लबलाई १–० ले हराएको छ । स्पोर्टस एकेडेमी टिकाराज गुरुङले ५६ औं मिनेटमा गरेको गोल खेलको निर्णायक बन्यो । ३ खेलमा दोस्रो जितपछि स्पोर्टस् एकेडेमीको […]

April 18, 2024

एन्फा उपाध्यक्ष लामा छुटे

काठमाडाैं (हाम्रो खेलकुद)- अखिल नेपाल फुटबल संघ (एन्फा) का उपाध्यक्ष दावा लामा छुटेका छन् । उनी बुधबार पक्राउ परेका थिए । काठमाडौं उपत्यका अपराध अनुसन्धान कार्यालयको टोलीले पक्राउ गरेर लामालाई बिहीबार उच्च अदालत पाटनमा पेश गरेको थियो । सो क्रममा लामाले सर्वोच्च अदालतबाट तारेखमा राख्नु भन्ने आदेश लिएको पेश गरेपछि उनी छुटेको अपराध अनुसन्धान कार्यालयले […]

Success

Thank you for your time.