default_image

1 year ago

November 24, 2022

पोर्चुगलको विजयी सुरुवात

कतार (हाम्रो खेलकुद) – फिफा विश्वकप कतार २०२२ अन्तर्गत पोर्चुगलले समूह एच मा विजयी सुरुवात गरेको छ । विहीबार रंगशाला ९७४ मा पोर्चुगलले घानामाथि ३-२ को जित दर्ता गरेको हो । पहिलो हाफमा गोलरहित रहेको खेलमा दोस्रो हाफ भने दुवै टोलीले आक्रमणमा पाएको अवसर सदुपयोग गरे । क्रिस्टियानो रोनाल्डोले पेनाल्टीमा गोल गर्दै पोर्चुगललाई अग्रता दिलाएपछि […]

109 views

0 Bookmark

कतार (हाम्रो खेलकुद) – फिफा विश्वकप कतार २०२२ अन्तर्गत पोर्चुगलले समूह एच मा विजयी सुरुवात गरेको छ । विहीबार रंगशाला ९७४ मा पोर्चुगलले घानामाथि ३-२ को जित दर्ता गरेको हो ।

पहिलो हाफमा गोलरहित रहेको खेलमा दोस्रो हाफ भने दुवै टोलीले आक्रमणमा पाएको अवसर सदुपयोग गरे । क्रिस्टियानो रोनाल्डोले पेनाल्टीमा गोल गर्दै पोर्चुगललाई अग्रता दिलाएपछि अन्तिम ३० मिनेटमा ४ गोल सम्भव भएको थियो । पोर्चुगलका लागि जोआओ फेलिक्स र राफाएल लिआओले गोल थप्दा घानाका कप्तान आन्द्रे आयु र ओस्मान बुकारीले गोल फर्काए ।

पहिलो हाफको दशौं मिनेटमा नै घानाका गोलरक्षक अती जिगीले सुन्दर बचाउ गरे । बर्नार्डो सिल्भाको पासमा रोनाल्डोले गरेको प्रहारमा गोलरक्षक जिगीले जिउ फैलाएर बचाउ गरेका थिए । ३१ औं मिनेटमा रोनाल्डोले गोल गरेपनि रेफ्रीले त्यसअघि नै रोनाल्डोले फल गरेको भन्दै सिठी फुके । ४१ औं मिनेटमा रोनाल्डोको प्रहार डिफेन्डर ड्यानीएल अमार्टेले रोकिदिए ।

५५ औं मिनेटमा घानाका मोहमद कुडुसले मध्यभागबाट बल अघि बढाउँदै पेनाल्टी क्षेत्र बाहिरबाट गरेको प्रहार थोरैले बाहिरियो । ६३ औं मिनेटमा पोर्चुगलले पेनाल्टी पायो । पेनाल्टी क्षेत्रभित्र रोनाल्डोलाई लडाएपछि रेफ्रीले पेनाल्टी दिएका थिए । रोनाल्डोले उक्त पेनाल्टीमा सहजै गोल गर्दै पोर्चुगललाई अघि बढाए । यससँगै रोनाल्डो विश्वकपको पाँच संस्करणमा गोल गर्ने पहिलो खेलाडी पनि बने ।

तर पोर्चुगलको अग्रता लामो समय भने टिकेन । खेलमा पछि परेको आठ मिनेटमै कप्तान आन्द्रे आयुले घानाका लागि बराबरी गोल फर्काए । कुडुसले पेनाल्टी क्षेत्रको बायाँ विंगबाट दिएको लो क्रस ड्यानिलो परेराको खुट्टामा छुँदै पार भएपछि आयुले सहजै गोल गरे ।

बराबरी भएको ५ मिनेटपछि नै पोर्चुगलले अग्रता पुन: स्थापना गर्यो । जोआओ फेलिक्सले विश्वकपमा पहिलो गोल गर्ने क्रममा ७८ औं मिनेटमा सुन्दर फिनिस गरे । उनले ब्रुनो फर्नान्डेसको पासलाई नियन्त्रणमा लिँदै वन भर्सेस वनको अवस्थामा कुनै गल्ती गरेनन् ।

अग्रता लिएको दुई मिनेटमा नै पोर्चुगलले अर्को गोल थप्यो । राफाएल लिआओले मैदान छिरेको तीन मिनेटमै गोल गरे । विश्वकपमा पहिलो खेल खेलिरहेका उनले ब्रुनोको पासलाई पहिलो टचमै गोलमा परिणत गरे ।

८९ औं मिनेटमा घानाका ओस्मान बुकारीले गोल गर्दै खेलमा फर्कने संकेत दिए । तर थप गरिएको ९ मिनेटको अन्तिम समयमा घाना खेल बराबरी गर्न सुवर्ण अवसरबाट बन्चित हुन पुग्यो । गोलरक्षक डिओगो कोस्टाले बल भुइँमा राखेको अवस्थामा पछाडी उभिएका घानाका इनाकी विलियम्सले बल खोसे । तर बल खोस्ने क्रममा खाली पोस्टमा प्रहार गर्ने प्रयासमा उनी चिप्लिन पुग्दा डिफेन्डर लाइनमा फर्कन पाए र प्रहार गोललाइनबाट क्लियर गर्न सके ।

यस जितसँगै पोर्चुगल समूह जी को शीर्षस्थानमा उक्लिएको छ । पोर्चुगलको ३ अंक हुँदा उरुग्वे र दक्षिण कोरियाको १-१ अंक छ । आजै भएको पहिलो खेलमा उरुग्वे र दक्षिण कोरिया गोलरहित बराबरीमा रोकिएका थिए ।

April 15, 2024

लिभरपुलपछि आर्सनल पनि पराजित

एजेन्सी – लिभरपुलको हारपछि इंग्लिस प्रिमियर लिग शीर्षस्थानमा उक्लने मौकालाई आर्सनलले गुमाएको छ । आर्सनल आइतबार एस्टन भिल्लासँग २–० ले पराजित भएको छ । उपाधि होडमा रहेका दुई टोली लिभरपुल र आर्सनल पराजित भएपछि त्यसको फाइदा म्यानचेस्टर सिटीलाई पुगेको छ । खेलको अन्त्यतिर एस्टन भिल्लाले २ गोल गर्दै आर्सनलमाथि सानदार जित निकालेको हो । लियोन […]

April 14, 2024

लेभरकुसनलाई पहिलोपटक बुन्डेसलिगा उपाधि

एजेन्सी – जाभी अलोन्सोको प्रशिक्षणमा रहेको बायर लेभरकुसनले क्लब इतिहासमा पहिलोपटक बुन्डेसलिगाको उपाधि जितेको छ । आईतबार वेर्डर ब्रेमन माथि ५-० को सहज जित संगै लेभरकुसनको पहिलो लिग उपाधि पक्का भएको हो । लेभरकुसनको जितमा फ्लोरियन विर्ट्जले ह्याट्रिक पूरा गरे भने भिक्टर बोनिफेशले र ग्रानिट झाकाले खेलमा एक-एक गोल गरे । ९०औं मिनेटमा विर्ट्जले गोल […]

April 14, 2024

उपाधि आकांक्षी लिभरपुल स्तब्ध

एजेन्सी – प्रशिक्षक योर्गन क्लपको अन्तिम सिजनको सुखद अन्त्य गर्ने आशामा रहेको लिभरपुलको उपाधि आकांक्षामा धक्का लागेको छ । पछिल्लो हप्ता म्यानचेस्टर युनाइटेड विरुद्ध बराबरी खेलेको लिभरपुल आज भने क्रिस्टल प्यालेस विरुद्ध पराजित भएको हो । क्रिस्टल प्यालेसले लिभरपुलकै घरेलु मैदानमा १-० को जित हासिल गरेको हो । प्यालेसको जितमा एबेरिचे एजेले खेलको १४औं मिनेटमा […]

Success

Thank you for your time.