सुबास हुमागाईं, कतार

रियल म्याड्रिडका विंगर इडेन हाजार्ड र भाइ थोर्गन हाजार्ड फिफा विश्वकप कतार २०२२ अन्तर्गत समूह चरणको अन्तिम खेलमा क्रोएसियाविरुद्ध बेन्चमा रहने भएका छन् । प्रशिक्षक रोबर्टो मार्टिनेजले हाजार्ड दाजुभाईलाई बेन्चमा राख्दा केभिन डे ब्रुएनले टोलीको कप्तानी गर्ने भएका छन् ।

नकआउट चरणमा पुग्न जित्नुपर्ने समीकरण रहेको अवस्थामा बेल्जियमले टोलीमा परिवर्तन गरेको छ । पछिल्लो खेलबाट दाजु इडेन र भाइ थोर्गन हाजार्डसँगै प्रशिक्षक मार्टिनेजले फरवार्ड मिसी बासुआइलाई पनि बेन्चमा राखेका छन् । मिडफिल्डर अमाडु ओनाना दोस्रो पहेंलो कार्डका कारण खेलमा उपलब्ध छैनन् ।

बेल्जियमको गोलरक्षकमा थिबाउट कोर्टुवा नियमित छन् । डिफेन्समा जान भर्टोन्घन, टोबी एल्डरवेरल्ड र लिअयान्दर डेन्डोन्कर रहेका छन् । मिडफिल्डमा एक्सेल विटसल, टिमोथी कास्टाग्ने, थोमस मुनिएर र केभिन डे ब्रुएन छन् । आक्रमणको जिम्मेवारी यानिक करास्को, लिआन्द्रो ट्रोसार्ड र ड्रीज मर्टेन्स खेल्नेछन् ।

यता क्रोएसियाले कप्तान मोड्रीचको कप्तानीमा बलियो टोली उतारेको छ । गोलरक्षकमा डोमिनिक लिभाकोभिच नियमित छन् । डिफेन्समा डेजान लोभ्रेन, बोरना सोसा, जोसको भार्डीओल र जोसिप जुरानोभिच छन् । मिडफिल्डमा कप्तान मोड्रीचसँगै मार्सेलो ब्रोजोभिच र माटियो कोभाचिच खेल्नेछन् । आक्रमणको जिम्मेवारी आन्द्रे क्रामारीच, मार्को लिभाजा र इभन पेरिसिच छन् ।

यो पनि : प्रशिक्षक र खेलाडीको दावी – ‘बेल्जियम टोलीमा समस्या छैन’