कतार (हाम्रो खेलकुद) – फिफा विश्वकप कतार २०२२ अन्तर्गत समूहको अन्तिम खेलमा उरुग्वेका लुइस सुआरेजले घानाविरुद्ध कप्तानी गर्ने भएका छन् ।

घाना र सुआरेजबीच सन् २०१० को विश्वकप क्वाटरफाइनलको ह्यान्डबल घटनाका कारण राम्रो सम्बन्ध छैन । तर उरुग्वेले घानाविरुद्ध नियमित कप्तान डिएगो गोडीनलाई बेन्चमा राख्दै सुआरेजलाई कप्तानी दिएको छ । सुआरेजले पहिलो खेलमा सुरुवात गर्दा दोस्रो खेल बेन्चबाट मैदान छिरेका थिए । आजको खेलमा सबास्टियन कोआटेसले डिफेन्समा खेल्दैछन् ।

खेलको पूर्वसन्ध्यामा सुआरेजले १२ वर्षअघिको घटना तथा जारी विश्वकपमा व्यक्तिगत र टिम प्रदर्शनबारे आफ्नो धारणा राखेका थिए । उनले आफू पहिलाजस्तो खेल्न सक्ने नभएपनि खेलमा आफ्नो भूमिका परिवर्तन भएको बताए ।

‘मलाई थाहा छ म पहिलाजस्तो छैन । गतिमा उमेरसँगै कमी आएको छ । तपाईं जुन पोजिसन खेलेपनि आफ्नो क्षमता प्रभावकारी बनाउन खेल्नुपर्छ,’ उनले भने, ‘ पहिला मैले गरेजस्तो कुद्ने र बलमा भिड्ने जिम्मेवारी अन्य खेलाडीले लिएका छन् । म बल आफूसँग राखेर खेल्छु ।’

‘हामी विपक्षीको अवस्था हेरेर पनि खेल्ने गरेका छौं । यसपटक विश्वकपमा शारिरिक रुपमा निकै कठिन छ । खेलमा प्रतिस्पर्धाको स्तर पनि बढेको छ । मैले त्यसैअनुसार आफूलाई तयार गरेको छु ।’

सुआरेजले विश्वकप सम्मको यात्रा व्यक्तिगत रुपमा आफू र टोलीका लागि सहज नभएको पनि स्वीकारे । ‘यो मेरो अन्तिम विश्वकप हो । मैले यहाँसम्म आउन धेरै अवरोह पार गरेको छु । व्यक्तिगत रुपमा मात्र होइन टिमले पनि निकै मिहिनेत गरेको छ । तर हामी उरुग्वेको पहिचान पनि यहि हो । हामी कडा मिहिनेत गरेर सफल हुन्छौं । छनोटमा पनि हामीलाई सहज थिएन । तर हामी एक भएर यहाँ आइपुगेका छौं ।’

सुआरेज र घानाबीच १२ वर्षअघि सन् २०१० विश्वकपको क्वाटरफाइनलमा भएको घटना जोडिन्छ । त्यसबेला सुआरेजले गोल हुन लागेको बल हातले रोकेपछि गरेपछि घानाले अन्तिम समयमा पेनाल्टी पाएको थियो । उक्त पेनाल्टी गोलमा परिणत गरेको भए घाना सेमिफाइनल पुग्थ्यो । तर आसमोह जियानले उक्त पेनाल्टी चुकाए । त्यसपछि भएको टाइब्रेकरमा उरुग्वे विजयी रहेको थियो । उक्त घटनाले सुआरेज आजसम्म पनि घानामा घृणित छन् ।

तर सुआरेजले उक्त घटनाका लागि आफूले माफी माग्नुपर्छ जस्तो नलागेको बताए । ‘मैले माफी माग्ने सोचेको छैन, र माग्नुपर्छ जस्तो पनि लाग्दैन । मैले बल रोकेर घाना बाहिर भएको होइन, घानाका खेलाडी आफैंले पेनाल्टी चुकाएका हुन् । मैले खेलाडी घाइते बनाएर, रातो कार्ड खाएर अनि गोल रोकेको भए माफी माग्ने हो ।’

‘मैले रोकपछि घानाकै खेलाडीले पेनाल्टी चुकाउनु मेरो गल्ती होइन । घानाका खेलाडी आफैंले पनि उनी मेरो स्थानमा रहेको भए त्यहि गर्थें भनेका छन् । त्यसैले मैले माफी माग्नुपर्ने गल्ती गरेजस्तो लाग्दैन ।’

सुआरेजले फुटबलमा सधैं पुराना घटना जोडेर बदलाको भाव लिन नहुने पनि बताए । ‘पुरानो घटना जोडेर बदला भाव लिनेबारे सोच्नु हुँदैन । गल्ती भएपछि त्यसलाई ठिक बनाएर अघि हेर्न जरुरी छ । जस्तै मैले किएलीनिसँग एउटा घटनामा गल्ती गरें । तर मैले माफी मागें र हामी त्यसपछि पनि एक अर्काको विरुद्धमा उत्रियौं । खेलमा बदला सोचेर खेल्नु हुँदैन,’ उनले भने ।

यो पनि पढ्नुहोस् : जब सुआरेज घानासँगै अफ्रिकाकै दुश्मन बने..

सुरुवाती ११ :