default_image

2 years ago

December 4, 2022

बेकह्यामका कारण इङ्ल्यान्ड समर्थक अनिल

299 views

0 Bookmark

खेलकर्मीको नजरमा विश्वकप

प्रकाश तिमल्सिना, काठमाडौं

फुटबलमा समर्थक हुनका लागि मुख्यत दुईवटा कारण देखिन्छन् । एउटा मनपर्ने खेलाडीका कारण उनी आबद्ध टोलीलाई समर्थन गरिन्छ । अर्को टोली मन परेका कारण त्यसमा आबद्ध खेलाडी स्वतः मन पर्ने हुन्छ । नेपाली राष्ट्रिय फुटबल टोलीका पूर्व कप्तानका अनिल गुरुङको हकमा भने खेलाडी मन परेका कारण उनी आबद्ध टोलीलाई समर्थन गर्न थालेका हुन् ।

अनिलले फुटबल बुझेदेखि मन पराएका खेलाडी हुन् डेविड बेकह्याम । उनी बेकह्यामलाई आइडल खेलाडी मान्छन् । बेकह्याम मन परेकै कारण उनी सुरुबाट इङ्ल्यान्डको समर्थक रहे । बेकह्यामले खेल जीवनबाट सन्यास लिएको पनि वर्षौं बितिसक्यो, तर अनिल अहिले पनि सोही टोलीको समर्थक छन् । बेकह्याम कुनै समय खेल्ने भएका कारण उनी क्लबमा म्यानचेस्टर युनाइटेडको फ्यान हुन् ।

इङ्ल्यान्ड सदाबहार बलियो टोली भएरपनि नतिजा निकाल्ने सवालमा भने चुकिरहेका छ । त्यसलाई अनिल दुर्भाग्य मान्छन् । ‘इङ्ल्यान्डको टोली कहिले कमजोर हुँदैन । विश्व कप होस् वा युरो कप होस् बलियो टोलीका रुपमा देखिन्छ, उनले भने,‘ तर दुर्भाग्य नतिजा दिन सकिरहेको छैन ।’

यसपटक समूह चरणमा इङ्ल्यान्डको प्रदर्शनबाट अनिल खुसी छन् । समूह चरणमा इरानलाई ६–२ ले हराएको इङ्ल्यान्ड दास्रो खेलमा अमेरिकासँग गोलरहित बराबरीमा रोकिएको थियो । अन्तिम खेलमा वेल्सलाई ३–० ले हराउँदै समूह विजेता बनेको टोलीले नेपाली समय अनुसार आज राती १२:४५ बजे सुरु हुने प्रि क्वार्टरफाइन्लमा सेनेगलको सामना गर्दैछ ।

त्यसअघि अर्को अन्तिम १६ को खेलमा साविक विजेता फ्रान्स र पोल्यान्डबीचको प्रतिस्पर्धा हुनेछ । यी दुई खेलको विजेताले क्वार्टरफाइनलमा एक अर्काको सामना गर्नेछन् ।

‘इङ्ल्यान्डले जसरी खेलिरहेको छ यसपटक आशा गर्ने ठाँउ छ । समूह चरणको प्रदर्शनलाई निरन्तरता दिने हो अगाडि बढ्ने सम्भावना छ,’ अनिलले थपे,‘ प्लेइङ खेलाडी मात्र होइन बेन्च पनि त्यत्तिकै बलियो छ ।’

नकआउट चरणमा पुगेपछि अतिरिक्त समय वा पेनाल्टी सुट आउट सम्म पनि सोच्नु पर्ने भएकोले इङ्ल्यान्डमा त्यसका लागि पर्याप्त विकल्प रहेको अनिलको बुझाई छ । ‘९० मिनेटमात्र होइन त्यसपछिको बारेमा पनि योजना बनाएर अघि बढ्नुपर्ने हुन्छ’, अनिल भन्छन्,‘ यसपटक स्कोरिङमा पनि इङ्ल्यान्डसँग पावर छ । विकल्प छ । एक सय एक खेलाडी छन् ।’

बेकह्यामको कारण इङ्ल्यान्डका समर्थक रहेका अनिललाई अझै बढी नजिक बनाउने अर्को विषय भनेको त्यहाँ रहेको नेपाली व्रिटिश आर्मी पनि हो । ‘थुप्रै नेपालीहरु त्यहाँ व्रिटिश गोर्खामा आबद्ध हुनुन्छ । हाम्रा दाजुभाई त्यहाँ हुने भएकोले एकखालको निकटता महसुस हुने रहेछ’, उनले थपे,‘अर्को बेलायतमा नेपाललाई सम्मानका साथ हेरिन्छ । त्यसले पनि इङ्ल्यान्ड र त्यहाँको फुटबल टोलीसँग आफू निकट छु भन्ने ठान्दछु ।’

राष्ट्रिय टोलीबाट दशक लामो यात्रा तय गरेका अनिलले व्यवसायिक फुटबललाई अघि बढाउने क्रममा इङ्ल्यान्डको एमेच्योर क्लबमा पनि ट्रायल दिएका थिए । यद्दपी कागजी प्रक्रिया पूरा गर्न नसेका कारण उनले त्यहाँ खेल्ने सपना पूरा हुन सकेन । यद्दपी उनले भारतीय आइ लिग सिलोङ लाजोङबाट तीन वर्ष व्यवसायिक फुटबल खेलेका थिए । घरेलु फुटबलमा मनाङ मर्स्याङ्दी क्लबसँग लामो समय आबद्ध रहेका उनले पाँच वर्ष अघि अन्तर्राष्ट्रिय फुटबलबाट सन्यास लिएका थिए ।

विश्वकपमा प्रि क्वाटरफाइनलमा खेल चलिरहँदा उनी नाम चलेकै टोलीहरु हावी हुने अनुमान गर्छन् । ‘समूह चरणमा कतिपय ठूला टोलीले हारिरहेका हुन्छन् । राम्ररी सेट नभएका हुनाले त्यसको फाइदा कमजोर मानिएका टोलीले उठाउँछन्, उनले भने,‘ तर अब नकआउट चरण त्यस्तो सम्भावना कम नै हुन्छ । बलियो भनेकै टोलीहरु अघि बढ्ने सम्भावना रहन्छ ।’

एसियाली टोली मध्ये जापानको प्रदर्शनबाट उनी निकै प्रभावित छन् । ‘५० वर्षपछि विश्वकप उपाधि जित्ने योजनाका साथ अघि बढेको जापानले अहिले बाटै बलियो दाबेदारी प्रस्तुत गरेको छ,’ उनी भन्छन्,‘ एसियाली भएको नाताले पनि जापानको प्रदर्शनबाट एकदमै उत्साहित र खुसी छु । त्यसले अन्य एसियाली टोलीलाई पनि राम्रो गर्न प्रेरित गर्छ । ’

अर्कोतर्फ पोर्चुगल टोली पनि उनलाई यसपटक राम्रो लागेको छ । ‘पोर्चुगल र स्पेनमध्ये एउटा टोली निकै अगाडि जान सक्छन् भन्ने लागेको छ,’ उनले भने । प्रिक्वार्टरफाइनलमा स्पेनले मोरोक्को र पोर्चुलले स्विट्जरल्यान्डको सामना गर्नेछ । आ आफ्नो खेल जितेमा पोर्चुगल र स्पेनको क्वार्टरफाइनलमा भेट हुनेछ ।

July 22, 2024

मछिन्द्र र सातदोबाटोको बराबरी, संकटा र चर्च ब्वाइजले पनि अंक बाँडे

काठमाडौं (हाम्रो खेलकुद) – ललित स्मृति यु-१८ लिग अन्तर्गत सोमबार भएका दुवै खेल बराबरीमा सकिएका छन् । दुवै खेल १-१ को बराबरीमा सकिएको हुन् । एन्फा कम्प्लेक्स सातदोबाटोमा भएको दिनको पहिलो खेलमा मछिन्द्र एफसी र सातदोबाटो युथ क्लबले बराबरी खेले । ६३औं मिनेटमा रोनिक राना मगरको गोलमा लिएको अग्रता पश्चात ७९औं मिनेटमा आदेश लामाले गोल […]

July 21, 2024

चितवन जिल्ला लिगमा एनएफसी र एभरेष्ट विजयी

सुशिल पन्त क्षेत्री,चितवन सेन्ट्रल कलेज चितवन जिल्ला ए डिभिजन लिग फुटबलमा शुक्रबार नारायणी फुटबल क्लब ( एनएफसी) र एभरेष्ट क्लब चितवन विजयी भएका छन्। शारदा नगरको मैदानमा भएको पहिलो खेलमा नारायणीले हर्दी युवा समाजलाई २-१ ले हरायो । नारायणीका‌ सुगम तामाङ र सुरज गुरुङले गोल गरे । हर्दीका सन्तोष थिङले एक गोल गरे । खेलमा […]

July 21, 2024

रेन्जर्सविरुद्ध म्यानचेस्टर युनाइटेड विजयी

एजेन्सी – युरोपियन फुटबल सिजन सुरु हुनुअघिको प्रिसिजनको आफ्नो दोस्रो खेलमा म्यानचेस्टर युनाइटेड विजयी भएको छ । ग्लास्गोमा भएको खेलमा युनाइटेडले स्कटिस टोली रेन्जर्स माथि २-० को जित दर्ता गरेको हो । युनाइटेडका लागि अमाद डियालो र जो हुगिलले गोल गरेका हुन् । ३९औं मिनेटमा बक्सको दायाँभागबाट उत्कृष्ट फिनिस सहित डियालोले सुरुवाती गोल गरेका थिए […]

Success

Thank you for your time.