default_image

2 years ago

December 17, 2022

विश्वकपमा जिताउन जमेका ६ दिग्गज खेलाडी

74 views

0 Bookmark

एजेन्सी – अर्जेन्टिनाले आइतबार विश्वकपको फाइनलमा फ्रान्ससँग प्रतिस्पर्धा गर्दैछ । लियोनेल मेस्सी र केलियन एमबाप्पेले कतारमा जारी फिफा विश्वकपमा आ–आफ्नो टोलीको फाइनल यात्रामा उच्च् प्रदर्शन गर्दै फाइनलको बाटो डोर्याएका छन् ।

अर्जेन्टिना यस विश्वकपको उपाधि जित्दै ‘मेस्सी विश्वकप’का रूपमा सम्झिनेछ । यता, एमबाप्पे पनि चार वर्षअघिको उपाधि जोगाउने लक्ष्यमा छन् । यि दुवै खेलाडीले विश्वकपमा समान ५ गोल गरिसकेका छन् । मेस्सीले ३ असिस्ट तथा एमबाप्पेले २ असिस्ट दिएका छन् । आफ्नो टोलीले विश्वकपको उपाधि जित्दा कुन खेलाडीले प्रभुत्व जमाए त हेरौं ।

पेले, ब्राजिल – १९५८

सन् १९५८ मा स्वीडेनमा भएको विश्वकपमा ब्राजिलले पहिलोपटक उपाधि जित्दा पेले भर्खर १७ वर्षका थिए । आफ्नो देशको शुरुवाती दुई खेलमा मौका नपाएका पेलेले त्यसपछि सोभियत संघविरुद्ध २–० को जितमा आफ्नो प्रभाव छाडे । त्यसपछि क्वाटरफाइनलमा वेल्सविरुद्ध १–० को जितमा निर्णायक गोल गरे ।

त्यसपछि पेले रोकिएनन् । उनले सेमिफाइनलमा फ्रान्समाथि ५–२ को जितमा ह्याट्रिक तथा फाइनलमा स्विडेनमाथि ५–२ को जितमा दुई गोल गरे । जसमा उनले एकजना डिफेन्डरमाथि बल फ्लिक गर्दा उत्कृष्ट प्रयास पनि समावेश छ । पेलेका लागि यो तीन विश्वकप उपाधिमध्ये पहिलो थियो । चोट बोक्नुअघि उनले १९६२ मा शुरुवाती दुई खेल मात्रै खेले । १९७० मा पनि उनले आफ्नो प्रभाव जमाए । त्यस विश्वकपमा उनले ४ गोल गर्न सफल भए । उनले फाइनलमा इटालीमाथि ४–१ को जितमा एक गोल गरे ।

मारियो केम्पेस, अर्जेन्टिना – १९७८

अर्जेन्टिनाले दुई पटक विश्वकप जितेको छ । दुवैपटक एक खेलाडीले आफ्नो जितमा ठूलो भूमिका खेलेको छ । सन् १९७८ मा घरेलु भुमिमा अर्जेन्टिनाले उपाधि जित्दा मारियो केम्पेस उदाए ।

भ्यालेन्सियाका फरवार्ड लगातार दुई सिजन स्पेनिस ला लिगामा सर्वाधिक गोलकर्ता बनेर अर्जेन्टिनाको टोलीमा समावेश भएका थिए । अर्जेन्टिनाको टोलीमा उनी मात्रै देश बाहिर खेल्ने खेलाडी थिए ।

केम्पेसले पहिलो चरणमा गोल गर्न सकेनन्, तर दोस्रो चरणमा पोल्याण्डलाई २–० ले र पेरुमाथि ६–० को जितमा पहिलो र तेस्रोमा दुवै गोल गरे । यसले अर्जेन्टिनालाई फाइनलमा पुर्यायो र केम्पेसले ब्यूनस आयर्समा नेदरल्याण्ड्सलाई ३–१ ले जित्दा थप दुई पटक गोल गरे । उनले आफ्नो देशलाई पहिलो सफलतामा मद्दत मात्रै गरेन, उनी प्रतियोगिताको शीर्ष गोलकर्ता (६) र उत्कृष्ट खेलाडीसमेत बने ।

पाओलो रोसी, इटाली – १९८२

सन् १९८२ मा स्पेनमा भएको विश्वकपमा इटालीका फरवार्ड पाओलो रोसी सिरी ए मा म्याच फिक्सिङ स्क्यान्डलपछि दुई वर्षको प्रतिबन्ध भोग्दै टोलीमा फर्किएका थिए । उनलाई टोलीमा छनोट गरेकोमा प्रशिक्षक एन्जो बेयरजोटको इटालियन मिडियामा आलोचना भएको थियो ।

खराब सुरुवातपछि सेमिफाइनलमा पुग्न इटालीलाई जित्नैपर्ने खेलमा ब्राजिलविरुद्ध शानदार ह्याट्रिक गर्दै रोसी चम्किए । उनले सेमिफाइनलमा पोल्याण्डलाई २–० ले पराजित गरेको खेलमा दुवै गोल गरे । फाइनलमा पश्चिम जर्मनीलाई ३–१ ले हराउँदा उनले एक गोल गरे । ६ गोल गरेका रोसीले सर्वाधिक गोलकर्ताको रूपमा गोल्डेन बुट र प्लेयर अफ द टुर्नामेन्टको गोल्डेन बल जिते ।

डिएगो म्याराडोना, अर्जेन्टिना – १९८६

१९८६ मा कप्तान डिएगो म्याराडोनाको नेतृत्वमा उनले अर्जेन्टिनालाई मेक्सिकोमा दोस्रो विश्वकप जिताउन मद्दत गरे । पहिलो गोलले इटालीविरुद्ध १–१ को बराबरी खेल्दै अर्जेन्टिनालाई समूह जिताउन मद्दत गर्यो । क्वार्टरफाइनलमा उनले दुई गोल गर्दै इङ्ल्यान्डलाई २–१ ले पराजित गर्दा महत्त्वपूर्ण भूमिका खेले ।

उनकाे त्याे पहिलो गाेल निकै प्रख्यात छ । त्यस गाेललाई ‘ह्यान्ड अफ गड’ काे रुपमा चिनिन्छ । तर दोस्रोलाई विश्वकपको सबै समयको उत्कृष्ट स्ट्राइकहरू मध्ये एक मानिन्छ, किनभने उनले आफ्नै हाफ भित्र बल उठाए । इंग्ल्यान्डको रक्षा र शिल्टनलाई हराएर अविश्वसनीय गोल गरेका थिए ।

उनले त्यसपछि बेल्जियमलाई २–० ले सेमिफाइनलमा जित्दा थप दुई गोल गरे र त्यसपछि पश्चिम जर्मनीमाथि ३–२ को नाटकीय फाइनल जितमा महत्वपूर्ण भूमिका खेले । आफ्नो नाममा पाँच गोल र पाँच असिस्टको साथ, म्याराडोना प्रतियोगिताको उत्कृष्ट खेलाडीको रूपमा गोल्डेन बल जित्न सफल भए ।

जिनेदिन जिदान, फ्रान्स – १९९८

मिडफिल्डर जिनेदिन जिदान फ्रान्सको १९९८ को विश्वकपको पोस्टर ब्वाए थिए । घरमै विश्वकप आयोजना भइरहँदा उनीमा सबैको नजर थियो । दक्षिण अफ्रिकामाथि ३–० को जितमा उनले महत्वपूर्ण एक असिस्ट दिए । त्यसपछि जिदानले साउदी अरेबियाविरुद्ध ४–० को जितमा महत्वपूर्ण भूमिका खेले ।

डेनमार्कविरुद्धको खेल गुमाएका उनले अन्तिम १६ मा पाराग्वेलाई अतिरिक्त समयमा १–० ले पराजित गरेको खेलमा पनि महत्वपूर्ण भुमिका निभाए । तर उनी शैलीमा फर्किए, पेनाल्टी सुटआउटमा गोल गर्दै इटालीलाई क्वाटरफाइनलमा हरायो र त्यसपछि क्रोएसियालाई २–१ ले सेमिफाइनलमा जित्न मद्दत गर्यो । फाइनलमा, जिदानले ब्राजिलमाथि ३–० को जितमा दुई हेडर गोल गर्दै टोलीलाई च्याम्पियन बनाए । दुई वर्षपछि, उनी युरो २०००मा उत्कृष्ट खेलाडी घोषित भए, जुन फ्रान्सले पनि जित्यो ।

रोनाल्डो, ब्राजिल – २००२

त्यो १९९८ को फाइनल ब्राजिलका फरवार्ड रोनाल्डोका लागि सबैभन्दा ठूलो क्षण हुने अपेक्षा गरिएको थियो । तर, चोटसँग जुधिरहेका उनी पहिलो रोजाईमा पर्न सकेन । फाइनलमा फ्रान्ससँगको हारमा पहिलो रोजाईमा खेलेपनि आफ्नो प्रभाव जमाउन सकेन ।

सन् १९९९ मा घुँडाको गम्भीर चोटले उनको क्यारिअर नै समाप्त हुने आँकलन गरिएको थियो । तर त्यसपछि उनले फुटबलकै दुर्लभ पूनरागमनमध्ये एक सानदार पूनरागमन गरे । सन् २००२ मा दक्षिण कोरिया र जापानमा भएको प्रतियोगितामा रोनाल्डोले सात खेलमा आठ गोल गरेर चार वर्ष अघिको आफ्नो दुःस्वप्नलाई पूरा गरे ।

उनले समूहका तीन खेलमा चार गोल गरेका थिए । टर्कीमाथि २–१, चीनमाथि ४–० र कोस्टा रिकालाई ५–२ ले हराएको खेलमा उनले दुई गोल गरे ।

त्यसपछि बेल्जियममाथि २–०, टर्कीविरुद्ध १–० र फाइनलमा जर्मनीलाई २–० ले हराउँदा उनले समान एक गोल गरे । रोनाल्डो त्यस विश्वकपमा शीर्ष गोलकर्ता बन्दै गोल्डेन बुट जिते । त्यसपछि कुनै पनि खेलाडीले विश्वकपमा बढी गोल गर्न सकेनन्, यद्यपि मेस्सी र एमबाप्पे दुवै यसवर्ष त्यो गर्ने प्रतिस्पर्धामा छन् ।

June 26, 2024

बराबरीसँगै इंग्ल्यान्ड समूह विजेता, सर्बिया बाहिरियो

एजेन्सी – युरोपेली च्याम्पियनसिप २०२४ अन्तर्गत समूह सी अन्तर्गत अन्तिम चरणको दुवै खेल बराबरीमा सकिएको छ । जर्मनीको कोल्नमा इंग्ल्यान्ड र स्लोभेनियाको खेल गोलरहित बराबरीमा सकिँदा डेनमार्क र सर्बियाको खेलमा पनि गोल हुन सकेन । यससँगै इंग्ल्यान्ड ५ अंकका साथ समूह विजेताको रुपमा अन्तिम १६ मा अघि बढेको छ । डेनमार्क र स्लोभेनियाले पनि अन्तिम […]

June 26, 2024

फ्रान्स पोल्याण्डसँग इनबराबरीमा रोकियो

एजेन्सी – युरो कप २०२४ को समूह चरणको अन्तिम खेलमा फ्रान्स पोल्याण्डसँग बराबरीमा रोकिएको छ । पोल्याण्ड विरुद्ध १-१ को बराबरी खेलेसँगै फ्रान्सले समूह विजेता बन्ने मौका गुमाएको छ । गोलका लागि निकै संघर्ष गर्नु परेको खेलमा फ्रान्सले ५६औं मिनेटमा पेनाल्टी मार्फत अग्रता लिएको थियो । उसमान डेम्बेले माथि भएको फाउल पछि पाएको पेनाल्टीमा चोट […]

June 26, 2024

फ्रान्स र नेदरल्याण्ड्स रहेको समूहमा अष्ट्रिया विजेता

एजेन्सी – फ्रान्स र नेदरल्याण्ड्स भन्दा अघि रहँदै अष्ट्रियाले युरो कप २०२४ समूह डि मा शीर्ष स्थान हासिल गरेको छ । समूह चरणको अन्तिम खेलमा नेदरल्याण्ड्स माथि ३-२ को रोमाञ्चक जित हात पार्दै समूह विजेताका रुपमा अष्ट्रिया अन्तिम १६ मा प्रवेश गरेको हो । ३ खेलमा २ जित हासिल गरेको अष्ट्रियाको ६ अंक रह्यो । […]

Success

Thank you for your time.