default_image

1 year ago

December 22, 2022

ए डिभिजन लिग पूर्व निर्धारित मितिमा सुरु नहुने

काठमाडौं (हाम्रो खेलकुद)– अखिल नेपाल फुटबल संघ (एन्फा) ले तय गरेको मितिमा यो वर्षको सहिद स्मारक ए डिभिजन लिग नहुने निश्चित भएको छ । ए डिभिजन क्लबहरुसँगको छलफल पछि पुस २६ गतेबाट ए डिभिजन लिग आयोजना गर्ने यसअघि एन्फाले निर्णय गरेको थियो । तर, एन्फाले आफैले दिएको समय सिमा भित्र गत वर्षको बाँकी र यो […]

232 views

0 Bookmark

काठमाडौं (हाम्रो खेलकुद)– अखिल नेपाल फुटबल संघ (एन्फा) ले तय गरेको मितिमा यो वर्षको सहिद स्मारक ए डिभिजन लिग नहुने निश्चित भएको छ । ए डिभिजन क्लबहरुसँगको छलफल पछि पुस २६ गतेबाट ए डिभिजन लिग आयोजना गर्ने यसअघि एन्फाले निर्णय गरेको थियो ।

तर, एन्फाले आफैले दिएको समय सिमा भित्र गत वर्षको बाँकी र यो वर्षको तयारी खर्चको ५० प्रतिशत रकम उपलब्ध गराउन नसकेपछि ए डिभिजन लिग पूर्व निर्धारित समयमा सुरु नहुने पक्का भएको हो । विहीबार एन्फाले तयारी खर्च दिने र क्लबहरुले पनि दर्ता गर्ने भनिएपनि एन्फाले रकम उपलब्ध गराउन सकेन ।

ए डिभिजनका ९ क्लबका प्रतिनिधि र एन्फा पदाधिकारीबीच बिहीबार भएको छलफलमा पुस १४ गते पुनः छलफल गरि लिगका बारेमा पुनः निर्णय लिने एन्फा महासचिव किरण राईले बताए ।

‘एन्फासँगका असहमति क्लबका प्रतिनिधिले राख्नु भएको छ । फेरि पुस १४ गते छलफल गरेर लिगका बारेमा टुंगो लगाउने सहमति भएको छ,’एन्फा प्रवक्ता सुरेश शाहले भने,‘ पूर्वानिर्धारित पुस २६ गतेबाट भने ए डिभिजन लिग हुने छैन ।’

असार ६ गते नयाँ नेतृत्व चयन भएसँगै ए डिभिजन लिग सञ्चालनको दबाब परेको छ । यद्दपी एन्फा त्यसमा सफल भएको छैन ।

एन्फाका पूर्व अध्यक्ष कर्मा छिरिङ शेर्पा र महासचिव इन्द्रमात तुलाधरले एन्फानै लिगका लागि तयार नभएको आरोप लगाएका छन् । ‘एन्फा आफै लिगको लागि तयार छैन,’ संकटा क्लबका अध्यक्ष समेत रहेका तुलाधरले भने,‘ लिग सञ्चालनका लागि स्पष्ट खाका नै एन्फासँग छैन । यस्तोमा कसरी लिग हुन्छ ।’

अर्को ए डिभिजन टोली हिमालयन शेर्पाका अध्यक्ष समेत रहेका एन्फाका पूर्व अध्यक्ष शेर्पाले भने,‘ अहिले सम्म लिगको मुख्य प्रायोजक टुंगो लागेको छैन । लिग कहाँ कहाँ हुने तय छैन । यसरी हचुवामा लिग हुन्छ ? एन्फा नै लिग आयोजनाका लागि तयार देखिदैन । आयोजना गर्ने रकम स्रोत त हुनुपर्यो नि ।’

केहि दिन अघि मात्र नेपाल सुपर लिग (एनएसएल) का लागि भने एन्फाले ८ वर्षको सम्झौता गरेको विषयमा पनि छलफलमा क्लब प्रतिनिधिले एन्फा नेतृत्वसँग स्पष्टिकरण मागेका थिए । एन्फाका महासचिवले भने फुटबल विकासका लागि दीर्घकालिन र विगतमा भन्दा पारदर्शी सम्झौता भएको दाबी गरेका थिए ।

एन्फाले एनएसएलको आयोजक नेपाल स्पोर्ट्स एण्ड इभेन्ट म्यानेजमेन्ट (एनएसइएम) प्रालि सँग नयाँ सम्झौता थियो । जस अनुसार ८ वर्षका लागि एनएसइएमले एन्फालाई १७ करोड २१ लाख रुपैयाँमा उपलब्ध गराउने सम्झौता भएको बताइएको थियो । यद्दपी यो वर्ष एनएसएल भने हुने एन्फा क्यालेन्डरमा छैन ।

April 18, 2024

पुल्चोक र स्पोर्टस एकेडेमीको जित

काठमाडौं (हाम्रो खेलकुद) – पुल्चोक स्पोर्टस क्लब र स्पोर्टस एकेडेमी साँगाले बिहीबार सहिद स्मारक सी डिभिजन लिगमा जित हासिल गरेको छ । सातदोबाटोस्थित एन्फा कम्प्लेक्सको एस्ट्रोतर्फमा स्पोर्टस एकेडेमीले रानीवन स्पोर्टस क्लबलाई १–० ले हराएको छ । स्पोर्टस एकेडेमी टिकाराज गुरुङले ५६ औं मिनेटमा गरेको गोल खेलको निर्णायक बन्यो । ३ खेलमा दोस्रो जितपछि स्पोर्टस् एकेडेमीको […]

April 18, 2024

एन्फा उपाध्यक्ष लामा छुटे

काठमाडाैं (हाम्रो खेलकुद)- अखिल नेपाल फुटबल संघ (एन्फा) का उपाध्यक्ष दावा लामा छुटेका छन् । उनी बुधबार पक्राउ परेका थिए । काठमाडौं उपत्यका अपराध अनुसन्धान कार्यालयको टोलीले पक्राउ गरेर लामालाई बिहीबार उच्च अदालत पाटनमा पेश गरेको थियो । सो क्रममा लामाले सर्वोच्च अदालतबाट तारेखमा राख्नु भन्ने आदेश लिएको पेश गरेपछि उनी छुटेको अपराध अनुसन्धान कार्यालयले […]

April 18, 2024

सिटीलाई हराउँदै रियल च्याम्पियन्स लिगको सेमिफाइनलमा

एजेन्सी – साविक विजेता म्याचेस्टर सिटीलाई हराउँदै रियल म्याड्रिड च्याम्पियन्स लिगको सेमिफाइनलमा पुगेको छ । सिटीलाई बुधबार पेनाल्टी सुट आउटमा ४–३ ले हराउँदै रियल अन्तिम चारमा पुगेको हो । गोलकिपर लुनिनले दुई पेनाल्टी रोकेपछि १४ पटकको विजेता रियलको सेमिफाइनल यात्रा तय गरेको थियो । त्यसअघि रियल र सिटीबीचको क्वार्टरफाइनलको दोस्रो लेगको निर्धारित र थप सयम […]

Success

Thank you for your time.