default_image

2 years ago

December 26, 2022

रिचार्लीसनको गोल विश्वकपकै सर्वाेत्कृष्ट

161 views

0 Bookmark

एजेन्सी – ब्राजिली फरवार्ड रिचार्लीसनले सर्वियाविरुद्ध गरेको ‘ओभरहेड किक गोल’ फिफा विश्वकप कतार २०२२ को सर्वाेत्कृष्ट गोल बनेको छ ।

भोटिङको आधारमा रिचार्लीसनको गोल कतार विश्कवपको हुन्डाई गोल अफ दि टुर्नामेन्ट बनेको विश्व फुटबलको सर्वाेच्च निकाय (फिफा) ले जनाएको छ । मनोनयनमा परेका अन्य गोललाई पछि पार्दै रिचार्लीसनको गोल पहिलो भएको हो ।

समूह चरणको पहिलो खेलमा सर्वियाविरुद्ध २–० को जित निकाल्दा दुवै गोल रिचार्लीसनले गरेका थिए । रिचार्लीसनको दोस्रो गोल विश्वकपको सर्वाेत्कृष्ट बनेको हो ।

७३औं मिनेटमा भिनिसियस जुनियरले बक्स बाहिरबाट दिएको क्रसलाई १३ यार्डमा रहेका रिचार्लीसनले पहिलो टचमा आफैं फ्लिक गर्दै दोस्रो टचमा गरेको ओभरहेड किकमा सर्वियाका गोलरक्षक भान्जा मिलिन्कोभिक साविचलाई बिट हुँदा गोल भएको थियो ।

फिफाले उत्कृष्ट गोलको लागि विश्वकपको १० गोललाई मनोनयनमा राखेको थियो । अर्जेन्टिनाविरुद्ध साउदी अरेबियाका सलेम अल–दौसारी, इक्वेडरविरुद्ध नेदरल्यान्ड्सका कोडी गाक्पो, मेक्सिकोविरुद्ध अर्जेन्टिनाका एन्जो फर्नान्डेज र सर्बियाविरुद्ध क्यामरुनका भिन्सेन्ट अबुबाकरकाे गाेल मनाेनयनमा थियाे ।

यस्तै साउदी अरेबियाविरुद्ध मेक्सिकाेका लुइस चाभेज, पोल्याण्डविरुद्ध फ्रान्सका केलियन एमबाप्पे, दक्षिण कोरियाविरुद्ध ब्राजिलका रिचार्लिसन, ब्राजिलविरुद्ध दक्षिणा काेरियाका पाईक सिइङ हो र क्रोएसियाविरुद्ध ब्राजिलका नेयमारको गोल मनाेनयनमा थियाे । ति सबै गाेललाई रिचार्लीसनकाे गाेलले पछि पार्न सफल भयो ।

फिफाले पहिलोपटक सन् २००६ बाट उत्कृष्ट गोलको अवार्ड सुरु गरेको थियो । सन् २००६ मा अर्जेन्टिनाका म्याक्सी रोड्रिग्वेज, सन् २०१० मा उरुग्वेका डिएगो फोर्लान, सन् २०१४ मा कोलम्वियाका हामेस रोड्रिग्वेज र सन् २०१८ मा फ्रान्सका बेन्जामिन पाभार्डको गोल सर्वाेत्कृष्ट बनेको थियो ।

June 26, 2024

फ्रान्स पोल्याण्डसँग इनबराबरीमा रोकियो

एजेन्सी – युरो कप २०२४ को समूह चरणको अन्तिम खेलमा फ्रान्स पोल्याण्डसँग बराबरीमा रोकिएको छ । पोल्याण्ड विरुद्ध १-१ को बराबरी खेलेसँगै फ्रान्सले समूह विजेता बन्ने मौका गुमाएको छ । गोलका लागि निकै संघर्ष गर्नु परेको खेलमा फ्रान्सले ५६औं मिनेटमा पेनाल्टी मार्फत अग्रता लिएको थियो । उसमान डेम्बेले माथि भएको फाउल पछि पाएको पेनाल्टीमा चोट […]

June 26, 2024

फ्रान्स र नेदरल्याण्ड्स रहेको समूहमा अष्ट्रिया विजेता

एजेन्सी – फ्रान्स र नेदरल्याण्ड्स भन्दा अघि रहँदै अष्ट्रियाले युरो कप २०२४ समूह डि मा शीर्ष स्थान हासिल गरेको छ । समूह चरणको अन्तिम खेलमा नेदरल्याण्ड्स माथि ३-२ को रोमाञ्चक जित हात पार्दै समूह विजेताका रुपमा अष्ट्रिया अन्तिम १६ मा प्रवेश गरेको हो । ३ खेलमा २ जित हासिल गरेको अष्ट्रियाको ६ अंक रह्यो । […]

June 25, 2024

अर्जेन्टिना चिली विरुद्ध खेल्दै

एजेन्सी – साविक विजेता अर्जेन्टिनाले कोपा अमेरिका २०२४ को दोस्रो खेलमा चिली विरुद्ध खेल्दैछ । खेल नेपाली समय अनुसार बुधबार बिहान ६:४५ बजे न्यू जर्सीमा सुरु हुनेछ । अर्जेन्टिनाले पहिलो खेलमा क्यानडा विरुद्ध २-० को जित हात पारेको थियो । पहिलो खेलमा अर्जेन्टिना खेलमा हावि भएपनि सोचेअनुरूप प्रदर्शन भने रहेको थिएन । अर्जेन्टिनाले थुप्रै अवसरहरू […]

Success

Thank you for your time.