काठमाडौं, असोज १ गते ।
आज भएको एफसी यु-१६ को छनोट चरणको दोस्रो खेलमा नेपालले किर्गिस्तान यु-१६ लाई ४-२ ले हराउन सफल भएको छ । पहिलो हाल्फमा दुई गोलले पछी परेको नेपालले चारै गोल दोस्रो हाल्फमा गरेको हो । यो नतिजा ले नेपाल को एफसी फाईनल राउन्डमा छनोट हुने सम्भावना प्रबल बनाएको छ । भारतमा हुने एफसी फाईनल राउन्डमा सेमि-फाइनल प्रबेश गर्ने चार टोलिहरुले भारतमा हुने यु-१७ विश्व कप खेल्नेछ ।
जोर्डन बिरुद्धको जितसंगै उच्च मनोबलको साथमा मैदानमा उत्रिएको नेपालले सुरुवातमा आक्रामक फुटबल खेलेपनि पहिलो हाल्फको पछिल्लो समयमा घरेलु टिम खेलमा हाभी भयो |
किर्गिस्तानका सिगाइबेभ इमिरले खुल्ला अवसरमा पोष्ट भित्रबाट गरेको प्रहारलाई नेपालका गोलरक्षक अर्पण कार्कीले बचाउ गर्दै घरेलु टोलीलाई अग्रता लिन दिएनन् | आकर्षक प्रदर्शन गर्दै नेपाललाई खेलमा खेलमा राख्न थुप्रै बचाउ गरे तर खेलको ३१औ मिनेटमा उनको केहि सिप लागेन | पेनाल्टी बक्स बाहिर पाएको फ्रिककलाई बोरुबाइभ गुल्झिटले सोझै गोल गर्दै घरेलु टोलिले खेलमा अग्रता लियो |१ मिनेट पस्च्यात नेपालको चुनौती कठिन पार्दै सिगाइबाइभ इमिरले पेनाल्टीमा गोल गरे र पहिलो हाल्फमा नेपाल २-० ले पछी पर्यो |
२-० ले पछिपरेको नेपाल दोस्रो हाल्फ़मा ४ गोल फर्काउन सफल भयो | नेपालले दोस्रो हल्फमा उत्कृष्ट प्रदशन गर्दै स्टेडीयममा भएको ८ हजार घरेलु दर्शकलाई शान्त बनाउन सफल भयो । दोस्रो हाल्फको १३औं मिनटमा कप्तान मनिश कार्कीले गोल गर्दै २-१ बनाएका थिए, रेजिनले दिएको बललाई मनिशले पेनाल्टी लाईन बाट गोल गरेका थिए । बिचमा प्रतिद्वोन्दी केहि राम्रो खेले पनि रेजिनले ६९औं मिनटमा एकल प्रायसमा उत्कृष्ट गोल गर्दै खेल २-२ को बाराबारीमा लेराएका थिए । दिनेश हेन्जनले फेरी चार मिनट पछी लङ पासलाई गोलमा परिणत गर्दै ३-२ को आग्रता दिलाए । खेलको ८५औं मिनटमा अभिषेक रिजाललाई लडाए पश्चात किर्गिस्तानका कप्तान मेलिसबेकोभ अजमातले दाहोरो पहेलो कार्ड सँगैं रातो कार्ड पाएका थिए र बिपक्षी १० जनामा सिमित भएको थियो । ९०+१ मिनटमा दिनेश हेन्जनको गोल गर्दै स्कोर ४-२ बनाए ।
नेपालले समुह चरणको अन्तिम खेल ओमान सँग खेल्नेछ ।
