काठमाडौं (हाम्रो खेलकुद)– अनन्तराज थापा नेपाली महिला राष्ट्रिय फुटबल टोलीको मुख्य प्रशिक्षक नियुक्त भएका छन् । दशरथ रंगशालामा भएको महिला साफ च्याम्पियनसिपलगत्तै कुमार थापाले राजानिमाको घोषणागरेयता राष्ट्रिय महिला टोलीको मुख्य प्रशिक्षक पद खाली थियो ।
अखिल नेपाल फुटबल संघ (एन्फा) ले भारतविरुद्ध हुने मैत्रीपूर्ण खेलका लागि थापालाई मुख्य प्रशिक्षक आइतबार मुख्य प्रशिक्षक नियुक्त गरेको हो । एन्फाका महासचिव किरण राईले थापालाई सातदोबाटोस्थित एन्फा मुख्यालयमा नियुक्त पत्र हस्तान्तरण गरेका थिए । पूर्व राष्ट्रिय खेलाडी समेत रहेका थापा ए डिभिजन टोली नेपाल पुलिस क्लबका प्रशिक्षक हुन् । उनलाई एन्फाले पहिलो पटक महिला टोलीकाुे मुख्य प्रशिक्षकको जिम्मेवारी दिएको हो ।
त्यस्तै पूर्व राष्ट्रिय खेलाडी गंगा गुरुङ महिला टोलीको सहायक प्रशिक्षक तथा सुरजकुमार लामा गोलकिपर प्रशिक्षक नियुक्त भएका छन् । एन्फाले मैत्रीपूर्ण श्रृखंलाका लागि बिन्द्रा देवानलाई व्यवस्थापक नियक्त गरेको छ । फागुन १ देखि १३ गते सम्म नेपाल र भारतीय राष्ट्रिय टोलीबीच मैत्रीपूर्ण खेल हुनेछ ।
