एजेन्सी – इटालियन सिरी ‘ए’ मा एसी मिलानले घरेलु मैदानमा लज्जास्पद हार बेहोरेको छ । घरेलु मैदानमा मिलानले दुई गोलले मान्यता नपाँउदा सस्सुलोसँग ५–२ को लज्जास्पद हार बेहोरेको हो ।

सस्सुलोका ग्रेगोआएर डिफ्रिल, डाभिड फ्राटेसी, डोमिनिको बेरारडी, अर्मान्ड लोउरेइन्ट र म्याथिअस हेनरिकले गोल गरे । मिलानका ओलिभर जिरुड र डिभोक ओरिगीले गोल फर्काए ।

मिलानोमा आइतबार राति भएको खेलको आठौं मिनेटमा नै घरेलु टोली मिलानले गोल गरेपनि गोलले मान्यता पाएन । ओलिभर जिरुडले गोल गरेपनि उक्त गोलको मुभमा अफसाइड देखिएको थियो ।

१९औं मिनेटमा ग्रेगोआएर डिफ्रिलले गोल गर्दै सस्सुलोलाई १–० को अग्रता दिलाए । २२औं मिनेटमा डाभिड फ्राटेसीले गोल गर्दै सस्सुलोलाई २–० ले अघि बढाए ।

२४औं मिनेटमा ओलिभर जिरुडले गोल गर्दै मिलानलाई खेलमा फर्काउने संकेत दिए । ३०औं मिनेटमा डोमिनिको बेरारडीले गोल गरेपछि सस्सुलोले पहिलो हाफमा ३–१ को अग्रता लिन सफल भयो ।

४७औं मिनेटमा अर्मान्डले पेनाल्टीमा गोल गरेपछि सस्सुलो ४–१ ले अिघ बढ्यो । ५४औं मिनेटमा मिलानका एन्टी रेविचले गोल गरेपनि भिएआरबाट मान्यता पाएन ।

७९औं मिनेटमा म्याथिअस हेनरिकले गोल गरेपछि सस्सुलो फराकिलो जिततर्फ अग्रसर बन्यो । ८१औं मिनेटमा डिभोक ओरिगीले गोल गर्दै खेललाई ५–२ को स्थितिमा ल्याएपनि त्यसपछि थप गोल निस्कन नसक्दा मिलानले फराकिलो हार बेहोर्न पुग्यो ।

यस हारसँगै मिलान २० खेलबाट ३८ अंक जोडेर चौथो स्थानमा यथावत रहेको छ । मिलानलाई हराएको सस्सुलो २० अंक जोडेर १६औं स्थानमा छ ।

अर्काे खेलमा युभेन्ट्स घरेलु मैदानमा मोन्जासँग २–० ले पराजित भएको छ । मोन्जाको जितमा प्याट्रिक र डोनी माटाले गोल गरे । यस जितसँगै मोन्जा २० खेलबाट २५ अंक जोडेर ११औं स्थानमा छ । पराजित युभेन्ट्स २३ अंक जोडेर १३औं स्थानमा छ ।