1 year ago
February 5, 2023
काठमाडौं (हाम्रो खेलकुद) – ललितपुरको थ्री स्टार क्लब छाड्दै मिडफिल्डर डोना थापा ललितपुरकै अर्काे क्लब फ्रेन्ड्समा अनुबन्ध भएको छ । फ्रेन्ड्सले डोनालाई सामाजिक सन्जालबाट यस सिजनको लागि अनुबन्ध गरेको जनाएको छ । डोना यो सिजन फ्रेन्ड्समा अनुबन्ध हुने चौथो खेलाडी हो । यसअघि फ्रेन्ड्सले विशाल सुनार, राजेश परियार र रुपेश केसीलाई अनुबन्ध गरिसकेको छ । […]
काठमाडौं (हाम्रो खेलकुद) – ललितपुरको थ्री स्टार क्लब छाड्दै मिडफिल्डर डोना थापा ललितपुरकै अर्काे क्लब फ्रेन्ड्समा अनुबन्ध भएको छ ।
फ्रेन्ड्सले डोनालाई सामाजिक सन्जालबाट यस सिजनको लागि अनुबन्ध गरेको जनाएको छ । डोना यो सिजन फ्रेन्ड्समा अनुबन्ध हुने चौथो खेलाडी हो । यसअघि फ्रेन्ड्सले विशाल सुनार, राजेश परियार र रुपेश केसीलाई अनुबन्ध गरिसकेको छ ।
डोनाले गत सिजन लिगमा थ्री स्टारबाट खेल्दै १ गोल गरेका थिए । एन्फा एकेडेमीको उत्पादन डोनाले राष्ट्रिय टोलीको उमेर समूहबाट खेलेपनि सिनियर टोलीबाट डेब्यु गर्न पाएका छैनन् ।
डोनाले २०७५ को लिग मनाङ मर्स्याङ्दी क्लबबाट खेलेका थिए । डोनाले नेपालका लागि उमेर समूहमा यू–१९ साफ च्याम्पियनसिप पनि जितेका छन् । यसबाहेक उनी यू–२३ उमेर समुहसम्म पनि खेलिसकेका छन् ।
यो सिजनको लिग फागुन १९ गतेबाट सुरु हुँदैछ । १४ टोलीले डबल राउन्ड रोविनको आधारमा २५ जेठसम्म प्रतिस्पर्धा गर्नेछ । फ्रेन्ड्सले नवप्रवेशी एफसी खुमलटारसँग खेल्दै नयाँ सिजनको सुरुआत गर्नेछ ।
April 29, 2024
एजेन्सी – पेरिस सेन्ट जर्मान (पिएसजी) ले १२औं पटक फ्रेन्च शीर्ष डिभिजन लिगको उपाधि जितेको छ । गएराती सम्पन्न खेलमा मो लियोन सँग ३-२ ले पराजित भएसँगै पिएसजी तीन खेल बाँकी छदै लिग विजेता बनेको हो । पिएसजीको यो लगातार तेस्रो लिग उपाधि हो । शनिबार ले हाभ्रे विरुद्ध ३-३ को बराबरी पछि पिएसजी मोनाको […]
April 28, 2024
एजेन्सी – इंग्लिस प्रिमियर लिगमा लगातार चौथो पटक उपाधि जित्ने लक्ष्यमा रहेको म्यानचेस्टर सिटीले आइतबार जित दर्ता गरेको छ । सिटी ग्राउण्डमा भएको खेलमा म्यानचेस्टर सिटीले नटिङ्घम फरेस्टलाई २–० ले पराजित गर्दै उपाधिको आशा कायमै राखेको हो । सिटीको जितमा डिफेन्डर जोस्को ग्भार्डियोल र दोस्रो हाफमा मैदान प्रवेश गरेका स्ट्राइकर एर्लिङ हालान्डले एक-एक गोल गरे […]
April 28, 2024
हिमाल खरेल, मेचीनगर झापाको बुद्धशान्तिमा जारी तेस्रो आदर्श च्यालेन्ज कपमा पाहुना टोली नर्थ बंगाल एफसी भारतलाई ३–१ ले हराउँदै बिर्तामोड युनाइटेड एफसी सेमिफाइनलमा प्रवेश गरेको छ । बिर्तामोडको जितमा आशिष चापागाईंले ह्याट्रिक पूरा गरे । पहिलो हाफको इन्ज्युरी समयमा गोल गर्दै बिर्तामोडले अग्रता लिएको थियो । मध्यभागबाट बिर्तामोडका डिफेन्डर देवेन्द्र तामाङले गरेको फ्रिकिकलाई हेडमार्फत अभिषेक […]