default_image

1 year ago

February 12, 2023

महिला फुटबल टोली सोमबार भारत जाने

82 views

0 Bookmark

काठमाडौं (हाम्रो खेलकुद)– महिला राष्ट्रिय फुटबल टोली मैत्रीपूर्ण खेलका लागि सोमबार भारत प्रस्थान गर्ने भएको छ । अखिल नेपाल फुटबल संघ (एन्फा) ले टोलीको आइतबार एन्फा कम्प्लेक्स सातदोबाटोमा विदाई गरेको थियो ।

राष्ट्रिय खेलकुद परिषद् (राखेप) का सदस्य सचिव टंकलाल घिसिङ, एन्फाका वरिष्ठ उपाध्यक्ष वीरबहादुर खड्का, महासचिव किरण राई, सदस्यहरु पुरुषोत्तम थापा, रुपेश अधिकारी, सरिला श्रेष्ठ, महिला संघकी अध्यक्ष समेत रहेकी पेमा डोल्मा लामालगायतले विदाई गरेका थिए ।

नेपाल र भारतको राष्ट्रिय टोलीबीच बुधबार र शनिबार दुई मैत्रीपूर्ण खेल हुनेछ । भदौंमा काठमाडौंमा भएको साफ च्याम्पियनसिप पछि नेपाल र भारतबीच पहिलो भेट हुन लागेको थियो । त्यति बेला नेपालसँग पराजित भएपछि भारत पहिलो पटक फाइनल पुग्नबाट असफल भएको थियो ।

नेपाल फाइनलमा बंगलादेशसँग पराजित भएको थियो । विदाईपछि महिला टोलीले आइतबार साँझ दशरथ रंगशालामा प्रशिक्षण गरेको थियो । महिला टोलीको मुख्य प्रशिक्षकमा अनन्त थापा र सहायक प्रशिक्षकमा पारस चौधरी छन् ।

महिला राष्ट्रिय फुटबल टोली

गोलरक्षक (३) – एन्जिला तुम्बापो सुब्बा, अन्जना राना मगर र उषा नाथ

डिफेन्डर (७) – हिरा कुमारी भुजेल, घिम कुमारी गुरुङ, अमृता जैशी, गीता राना, निशा थोकर, विमला विक र समिक्षा घिमिरे

मिडफिल्डर (८) – विमला चौधरी, सविता राना मगर, सरु लिम्बु, दिपा शाही, रेनुका नगरकोटी, अनिता बस्नेत, प्रिती राई र अनिता केसी

फरवार्ड (५) – अमिषा कार्की, रेखा पौडेल, सावित्रा भण्डारी, रश्मी कुमारी घिसिङ, निर्मला विक

July 17, 2024

रियलले भित्र्याउन खोजेको योरो युनाइटेड जाने

एजेन्सी – रियल म्याड्रिडले भित्र्याउन खोजेको फ्रेन्च डिफेन्डर लेनी याेरो म्यानचेस्टर युनाइटेड जाने लगभग पक्का भएको छ । विभिन्न युरोपेली सञ्चार माध्यमका अनुसार १८ वर्षीय योरो युनाइटेड जाने भएका हुन् । रियलले योरोका लागि करिब २० मिलियन युरोको प्रस्ताव गरेको थियो । अर्कोतर्फ युनाइटेडले ५० मिलियन युरो भन्दा बढीको प्रस्ताव गर्यो जुन रियलको भन्दा निकै […]

July 17, 2024

‘द ब्यूटीफुल गेम’ भित्रका कुरुप शब्दहरु

सन्जोग चाम्लिङ राई गुगलमा ‘द ब्यूटीफुल गेम’ टाइप गरी खोज्नु भयो भने त्यसले फुटबलसँग सम्बन्धित विभिन्न लेख र चित्रतर्फ तपाईंलाई डोर्याउँछ । यही नाम गरेको फिल्म पनि नेटफ्लिक्समा पाईन्छ, जसको विषय फुटबल नै हो । फुटबललाई ‘द ब्यूटीफुल गेम’ भनेर नै विश्वभर भन्ने गरे पछि गुगलले त भन्ने नै भयो । यो बुझाईमा विश्वव्यापी सहमति […]

July 16, 2024

मनाङ मर्स्याङ्दी र मछिन्द्रको विजयी सुरुवात

काठमाडौं (हाम्रो खेलकुद) – ललित स्मृति यु-१८ लिगमा मनाङ मर्स्याङ्दी क्लब र मछिन्द्र फुटबल क्लबले विजयी सुरुवात गरेका छन् । मंगलबार भएको दिनको पहिलो खेलमा मनाङ मर्स्याङ्दीले संकटा क्लब विरुद्ध १-० को जित हात पारेको हो । मनाङ मर्स्याङ्दीका लागि विशाल चन्दले ४०औं मिनेटमा एकमात्र गोल गरे । दिनको दोस्रो खेलमा मछिन्द्रले त्रिभुवन आर्मीका क्लबलाई […]

Success

Thank you for your time.