default_image

1 year ago

February 15, 2023

सावित्राको दुई गोलमा नेपालले भारतलाई रोक्यो

227 views

0 Bookmark

काठमाडौं (हाम्रो खेलकुद) – फरवार्ड सावित्रा भण्डारीले २ मिनेटको अन्तरमा दुई गोल गरेपछि नेपाली महिला राष्ट्रिय फुटबल टोलीले भारतविरुद्ध रोमान्चक बराबरी खेलेको छ । चेन्नईमा भएको खेलमा नेपाल २-० ले पछि परेको अवस्थाबाट सावित्राको गोलमा घरेलु टोलीलाई २-२ को बराबरी निकाल्न सफल रहयो ।

पहिलो हाफमा नेपालले गोल गर्ने थुप्रै अवसर पाएपनि त्यसको सदुपयोग गर्न सकेन । दोस्रो हाफमा भारतले तीन खेलाडी परिवर्तन गर्दै नेपाललाई दबाबमा राख्यो । त्यसपछि १२ मिनेटको अन्तरमा दुई गोल गरेको भारत सहज जिततर्फ उन्मुख थियो । तर सावित्रा भण्डारीले २ मिनेटको अन्तरमा दुई गोल गर्दै नेपाललाई बराबरीसम ल्याएकी थिइन् ।

खेलको चौथो मिनेटमै भारतकी सन्ध्या रंगनाथनको प्रहारमा गोलरक्षक बिट भएपनि उक्त प्रहारले पोस्टको दिशा लिन सकेन । दशौं मिनेटमा नेपालकी रश्मीकुमारी घिसिङको प्रहारलाई गोलरक्षक अदिति चौहानले विफल पारिन् । उक्त बचाउ गर्ने क्रममा चोट बोकेपछि अदितिको स्थानमा इलाङबाम चानु मैदान छिरेकी थिइन् ।

३४ औं मिनेटमा भारतले अग्रता लिने सुवर्ण अवसर गुमायो । बाला देवीले बल अघि बढाउँदा गोलरक्षक एन्जिला पेनाल्टी क्षेत्र बाहिर निस्केर बिट हुँदा गीता रानाले बल खोस्दै खाली पोस्टमा गोल गर्नबाट जोगाएकी थिइन् । लगत्तै अर्को तर्फ सावित्राको प्रहार पोस्टभन्दा थोरै परबाट बाहिरियो ।

दोस्रो हाफमा भारतले तीन खेलाडी परिवर्तन गरेको थियो । ५१ औं मिनेटमा बालादेवीको प्रहार गोलरक्षक एन्जिलाले विफल पारिन् । तर त्यसको ५ मिनेटपछि नै सौम्या गुगुलोथले भारतलाई अग्रता दिलाइन् । मनिषा कल्याणको क्रसमा सौम्याको फितलो प्रहार एन्जिलाले कुनै भेउ नै पाइनन् ।

६८ औं मिनेटमा इन्दुमथी कासीरेथानले भारतको अग्रता दोब्बर पारिन् । कार्थिकाको पासमा नेपाली डिफेन्स बिट हुँदा इन्दुमथीले सहजै गोल गरिन् । उनको सुस्त प्रहारमा एन्जिला सहजै बिट भएकी थिइन् ।

८८ औं मिनेटमा नेपालले खेलमा फर्कने अवसर पायो । स्विटी देवीले पेनाल्टी क्षेत्रभित्र ह्यान्ड गरेपछि नेपालले पेनाल्टी पाएको थियो । सावित्राले पेनाल्टीमा सहजै गोल गर्दै स्कोर २-१ को स्थितिमा ल्याइन् । लगत्तै भारतीय डिफेन्सको कमजोरीको भरपुर फाइदा उठाउँदै सावित्रा भण्डारीले वन भर्सेस वनमा सुन्दर गोल गरिन् ।

इन्ज्युरी समयमा प्रिती राइको प्रहार पोस्टभन्दा माथिबाट जाँदा नेपाल अप्रत्याशित जितबाट बन्चित भएको थियो ।

नेपालले अब दोस्रो मैत्रीपूर्ण खेल शनिबार खेल्नेछ । प्रशिक्षक अनन्त थापाले दुई मैत्रीपूर्ण खेलका लागि २३ खेलाडीको टोली घोषणा गरेका थिए ।

July 17, 2024

एनआरटी र चर्च ब्वाइजको जित

काठमाडौं (हाम्रो खेलकुद) – ललित स्मृति यु-१८ लिगमा बुधवार भएका खेलमा न्यूरोड टिम (एनआरटी) र चर्च ब्वाइज युनाइटेड विजयी भएका छन् । दिनको पहिलो खेलमा चर्च ब्वाइजले अमन बहादुर तामाङले ४५औं मिनेटमा गरेको गोलको मद्दतले थ्रीस्टार क्लब माथि १-० ले जित हात पारेको हो । जित सँगै चर्च ब्वाइजको २ खेलमा ३ अंक भएको छ […]

July 17, 2024

मोड्रिच रियलको नयाँ कप्तान

एजेन्सी – मिडफिल्डर लुका मोड्रिच स्पेनिस क्लब रियल म्याड्रिडको नयाँ कप्तान नियुक्त भएका छन् । क्लब सँग एक वर्ष सम्झौता नवीकरण गर्दै क्रोएसियन खेलाडी मोड्रिच क्लबको नयाँ कप्तान बनेका हुन् । गत सिजनको अन्त्यमा सकिएको सम्झौता मोड्रिचले १ वर्षका लागि नवीकरण गरेका हुन् । रियलका कप्तान नाचो क्लब छोडेर साउदी लिगमा गएसँगै कप्तानीको भूमिका खाली […]

July 17, 2024

रियलले भित्र्याउन खोजेको योरो युनाइटेड जाने

एजेन्सी – रियल म्याड्रिडले भित्र्याउन खोजेको फ्रेन्च डिफेन्डर लेनी याेरो म्यानचेस्टर युनाइटेड जाने लगभग पक्का भएको छ । विभिन्न युरोपेली सञ्चार माध्यमका अनुसार १८ वर्षीय योरो युनाइटेड जाने भएका हुन् । रियलले योरोका लागि करिब २० मिलियन युरोको प्रस्ताव गरेको थियो । अर्कोतर्फ युनाइटेडले ५० मिलियन युरो भन्दा बढीको प्रस्ताव गर्यो जुन रियलको भन्दा निकै […]

Success

Thank you for your time.