default_image

1 year ago

February 18, 2023

नेपाल र भारतको अर्को बराबरी

133 views

0 Bookmark

काठमाडौं (हाम्रो खेलकुद)– नेपाल र भारतको महिला राष्ट्रिय फुटबल टोलीबीचको दुई अन्तर्राष्ट्रिय मैत्रीपूर्ण खेल बराबरी टुंगिएको छ । शनिबार भएको दोस्रो खेल गोलरहित बराबरीमा टुंगिएको छ । यसअघि बुधबार भएको पहिलो मैत्रीपूर्ण खेल २–२ को बराबरीमा टुंगिएको थियो ।

भारत चेन्नईको जवहारलाल नेहरु स्टेडियमा शनिबार भएको खेलमा नेपालको दाजोमा भारतीय खेलाडी गोलको मौका सिर्जना गरेपनि सफलता भने मिल्न सकेन । नेपाली टोलीले भने खासै आक्रमण गर्न सकेन ।

यसअघि पहिलो मैत्रीपूर्ण खेल २–२ को बराबरीमा टुंगिदा नेपालका लागि दुवै गोल सावित्रा भण्डारी सम्बाले गरेकी थिइन् । ४२ खेलमा सावित्राको ४२ गोल पुगेको छ । सावित्राले दुई मिनेटका अन्तरमा दुई गोल गर्दै हार टारेकी थिइन् ।

शनिबार टोलीकी मुख्य डिफेन्डर गीता रानाको अभाव महसुस भएको थियो । चोटका कारण गीता दोस्रो खेलमा खेल्न सकिनन् । गीताले पहिलो खेलको दोस्रो हाफमा मैदान छाडेकी थिइन् । गीताको ठाँउमा शनिबार समिक्षा घिमिरे सेन्टर र विमला विक राइट ब्याकमा थिए ।

शनिबार भएको दोस्रो खेलको चौथो मिनेटमा मनिषाको प्रहारलाई नेपाली टोलीकी कप्तान समेत रहेकी गोलकिपर एन्जिलाले रोकेकी थिइन् ।

१५ औं मिनेटमा भारतीय कप्तान इन्दुमतीको क्रसलाई विमलाले क्लियर गरेकी थिइन् । २५ औं मिनेटमा भारतीय कीर्तिकाको झन्डै २५ यार्ड टाढाबाटको प्रहार एन्जेलाले मुस्किलले बचाएकी थिइन् ।

५४ औं मिनेटमा सावित्रालाई उपलब्ध गराइएको लामो बल रितु रानीले क्लियर गरेकी थिइन् । ७८ औं मिनेटमा भारतीय प्रहारलाई हिराकुमारी भुजेलले रोकिन् । अन्तिम मिनेटमा पनि एन्जिलाले टोलीको संकटा टारिन् । उनले पन्च गर्दै सम्भावित खतरा टारिन् ।

नेपाल र भारत दुवैले महिला ओलम्पिक छनोटको पहिलो राउन्डको खेलको तयारी स्वरुप मैत्रीपूर्ण खेल खेलेका हुन् । छनोटको पहिलो राउन्डमा नेपाल समूह ‘सी’ मा रहेको छ । नेपाल रहेको समूहमा भियतनाम, प्यालेस्टाइन र अफगानिस्तान रहेको छ । भारत रहेको समूह ‘जी’ मा तुर्कमिनिस्तान र किर्गिस्तान छन् । ओलम्पिक छनोट अप्रिलमा हुँदैछ ।

July 24, 2024

सेल्टिकले म्यानचेस्टर सिटीलाई हरायो

एजेन्सी – प्रि-सिजन खेलहरुका लागि अमेरिका पुगेको इंग्लिश क्लब म्यानचेस्टर सिटी स्कटिस क्लब सेल्टिकसँग पराजित भएको छ । च्यपेल हिल शहरमा भएको खेलमा म्यानचेस्टर सिटी ४-३ ले पराजित भएको हो । सेल्टिकले पहिलो हाफमा नै ३-१ को अग्रता लिएको थियो । निकोलस-गेरिट कुह्नले १३औं मिनेटमा सेल्टिकलाई अग्रता दिलाएका थिए । ३३औं मिनेटमा सिटीका ओस्कार बबले […]

July 24, 2024

नेपालमा संचालित ‘रोड टु टोटेनहम’ अवैध

सुबास हुमागाईं, काठमाडौं भारतीय क्लब किकस्टार्ट फुटबल क्लबले स्थानीय क्लब र संस्थासँग मिलेर इंग्लिस प्रिमियर लिगको क्लब टोटेनहम हट्सपर सम्म पुर्याउने भन्दै नेपालमा आयोजना गरेको ‘रोड टु टोटेनहम’ कार्यक्रम अवैध भएको पाइएको छ । किकस्टार्टले नेपालको बी डिभिजन क्लब श्री भगवती क्लब टोखा र भकुन्डो एनपी नामक संस्थासँग मिलेर ‘रोड टु टोटेनहम’ नामक कार्यक्रम दुई […]

July 22, 2024

मछिन्द्र र सातदोबाटोको बराबरी, संकटा र चर्च ब्वाइजले पनि अंक बाँडे

काठमाडौं (हाम्रो खेलकुद) – ललित स्मृति यु-१८ लिग अन्तर्गत सोमबार भएका दुवै खेल बराबरीमा सकिएका छन् । दुवै खेल १-१ को बराबरीमा सकिएको हुन् । एन्फा कम्प्लेक्स सातदोबाटोमा भएको दिनको पहिलो खेलमा मछिन्द्र एफसी र सातदोबाटो युथ क्लबले बराबरी खेले । ६३औं मिनेटमा रोनिक राना मगरको गोलमा लिएको अग्रता पश्चात ७९औं मिनेटमा आदेश लामाले गोल […]

Success

Thank you for your time.