एजेन्सी – नेपाली राष्ट्रिय फुटबल टोलीका कप्तान तथा गोलकिपर किरण चेम्जोङ आई लिगमा लगातार दोस्रो खेलमा हिरो म्याद अफ दी म्याच चुनिएका छन् । आइ लिगमा किरण सम्मलित राउन्ड ग्लास पन्जाब एफसीले सोमबार नर्थ इस्टर्न रि आर्गनाइजिङ कल्चरल एसोसिएसन एफसी (नेरोका) लाई १–० ले हराएको छ ।

अजय क्षेत्रीले गोल गरेको खेलमा राउन्ड ग्लास पन्जाबलाई सफलता मिलेको छ । उनले ३४ औं मिनेटमा गरेको गोल खेलको निर्णाय बनेको थियो । जितसँगै टोली अंक तालिकाको दोस्रो स्थानमा यथावत रहेको छ । शीर्षस्थानको श्रीनिदी डेक्कन र राउन्ड ग्लासको समान ४० अंक छ । दुवै टोलीले समान १८ खेल खेलेका छन् ।

जसमध्ये डेक्कनले १३ खेलमा जित १ मा बराबरी र ४ खेलमा हार बेहोरेको छ । राउन्ड ग्लासले १२ खेलमा जित ४ खेलमा बराबरी र २ खेलमा हारको सामना गरेको छ । यसअघि एजवाल एफसीलाई १–० को जित हासिल गर्दा पनि किरण हिरो म्यान अफ दी म्याच घोषित भएका थिए । श्रीनिदीले आइतबार सुदेवा देल्लीलाई ३–१ ले हराउँदै अंक तालिकाको शीर्षतालाई कायम राखेको थियो ।

नेपाली टोलीका अर्का खेलाडी अन्जन विष्ट सम्मलित केन्क्रे र राजस्थान एफसीबीचको दुई दिन अघिकामे खेल गोलरहित बराबरी खेलेको थियो । १२ टोलीको सहभागिता रहेको आइ लिगमा केन्क्रे १५ अंक साथ अंकतालिकाको ११ औं स्थानमा छ ।