काठमाडौं, असोज २ गते ।
इन्ज्युरिले सताएको पुलिसको लिग सिजन जारी राष्ट्रिय लिगमा नेपाल पुलिस क्लबको प्रदर्शन सोचेअनुरुप हुन सकेको छैन, खेलाडीहरु घाइते हुनुनै टिमको नराम्रो रिजल्ट आउनुको कारण रहेको प्रशिक्षक स्वयं स्विकार्छन्|
पुलिसका हेड कोच विराट कृष्ण श्रेष्ठलाई जब एक पत्रकारले पुलिसको घाइते खेलाडीहरुको अवस्थाबारे सोधे, तब श्रेष्ठले मुस्काउदैं भने, ‘मेरो पहिलो रोजाइको सेट नै अहिले घाइते छन्, र बेन्चका केहि खेलाडी पनि खेल्न सक्ने अवस्थामा छैनन्’| हुन पनि पुलिस टिमलाई चोटको समस्याले निकै नै पिरोलेको छ|
घाइते खेलाडीको मात्र नाम लिने हो भने पुलिसको अहिले खेल्ने टोली भन्दा चोट बोकेका खेलाडीहरुको टोली बलियो देखिन्छ| गोलकिपर रितेश थापा र डिफेन्डर रविन श्रेष्ठ दुवै ग्रोइनको समस्याले पिरोलिएका छन् भने भोला सिलवालको खुट्टाको अपरेशन गर्नुपर्ने देखिएको छ| जुमानु राई घुँडाको चोटले गर्दा पुर्ण फिट छैनन् भने सुमन सुवेदि मनाङ विरुद्धको खेलमा टाउको जुधेकाले १५ टाँका लगाउनुपरेपछि मैदान वाहिर छन्| डिफेन्डर सुरज बिके पनि आर्मी विरुद्धको खेलमा घाइते हुँदै वाहिरिएपछि पुलिसलाई अझै गाह्रो हुने देखिएको छ| योगेश श्रेष्ठ, चेतन घिमिरे, दिपेन श्रेष्ठ लगाएतका अव्य खेलाडि पनि पुलिसका लागि उपलब्ध छैनन्|
