एजेन्सी – मिडफिल्डर आरोन राम्से वेल्सको कप्तान चयन भएका छन् । वेल्सका मुख्य प्रशिक्षक रोब पेजले राम्सेलाई कप्तान नियुक्त गरेको हो ।
यस्तै बेन डेभिसलाई उपकप्तानको जिम्मेवारी प्रदान गरेको छ । सन् २००८ देखि वेल्सको टोलीमा रहेका राम्सेले ७८ क्याप जित्दा २० अन्तर्राष्ट्रिय गोल गरिसकेका छन् ।
राम्सेले नियमित कप्तान ग्यारेथ बेलको अनुपस्थितिमा वेल्सको कप्तानी गरिसकेका छन् । सर्वाधिक गोलकर्ता तथा कप्तान ग्यारेथ बेलले गत जनवरीमा अन्तर्राष्ट्रिय फुटबलबाट सन्यास लिएपछि वेल्स कप्तान विहीन बनेको थियो ।
अब राम्सेको कप्तानीमा वेल्सले युरोकप २०२४ को छनोट खेल खेल्नेछ । छनोट अन्तर्गत वेल्सले यसै महिना क्रोएसिया र लात्भियासँग खेल्दैछ ।
