एजेन्सी – प्रिमियर लिग प्रतिद्धन्द्धी फुलहमलाई पराजित गर्दै म्यानचेस्टर युनाइटेड एफए कपको सेमिफाइनलमा प्रवेश गरेको छ ।

९ खेलाडीमा समेटिएको फुलहममाथि ३–१ को पूनरागमन जित निकाल्दै युनाइटेड अन्तिम चारमा पुग्न सफल भएको हो । युनाइटेडको जितमा ब्रुनो फर्नान्डेसले दुई तथा मार्सेल सवित्जरले एक गोल थपे । फुलहमका एलेक्सान्डर मित्रोभिचको गोल सान्त्वना बन्यो ।

ओल्ड ट्राफोर्डमा आइतबार राति भएको प्रतिस्पर्धात्मक बनेको खेलको सबै चार गोल दोस्रो हाफमा भएको थियो । ५०औं मिनेटमा मित्रोभिचले गोल गर्दै फुलहमलाई १–० को अग्रता दिलाए ।

७२औं मिनेटमा फुलहम ९ खेलाडीमा समेटिन पुगेपछि युनाइटेडले नाटकीय पूनरागमन गर्न सफल भयो । विलियम र मित्रोभिच सिधै रातो कार्ड खाँदै मैदानबाट बाहिरिएपछि फुलहमले खेल पनि गुमाउन पुग्यो ।

७५औं मिनेटमा ब्रुनो फर्नान्डेसले पेनाल्टीमा गोल गर्दै खेललाई १–१ गोलको बराबरीमा ल्याए । ७७औं मिनेटमा मार्सेल सवित्जरले लुका साको पासमा गोल गर्दै युनाइटेडलाई २–१ को अग्रता दिलाए ।

त्यसपछि इन्ज्युरी समयको थप गरिएको छैटौं मिनेटमा ब्रुनो फर्नान्डेसले व्यक्तिगत दोस्रो तथा टोलीका लागि तेस्रो गोल गर्दै युनाइटेडलाई ३–१ को जित दिलाए ।

युनाइटेडको जितसँगै एफए कपको सेमिफाइनल समिकराण पूरा भएको छ । यसअघि म्यानचेस्टर सिटी, ब्राइटन र सेफिल्ड युनाइटेड सेमिफाइनलमा पुगिसकेको छ ।

अब सेमिफाइनलमा ब्राइटन र म्यानचेस्टर युनाइटेड तथा म्यानचेस्टर सिटी र सेफिल्डबीच प्रतिस्पर्धा हुनेछ । सेमिफाइनल २२ अप्रिलमा तथा फाइनल ३ जुनमा हुनेछ ।